Kronika II, 24:15 - BAIBLO ALOO NGMAMI KLƆUKLƆU Ɔ

¹⁵ Jehanɛ, Yehoyada ba bwɔ kotokoto, nɛ benɛ e ye jeha lafa kɛ nyingmi etɛ ɔ, e gbo.

Kronika II, 24:15 ပူးပေါင်းရင်းမြစ်များ

La 91:16

Kpakpa nɛ ma pee lɛ ji, ma ha nɛ e wami se maa kɛ, nɛ ma he e yi wami.”

La 90:10

Wa wami be ɔ tsuo ji jeha nyingmi kpaago. Ke wa ngɛ he wami ɔ, wa naa nyingmi kpaanyɔ, se lɛ tsuo peeɔ haomi kɛ aywilɛho sɔuu. Wa wami se poɔ tlukaa; nɛ wa bee kɛ yaa kaa lohwe pɛlitsɛmɛ nɛ te kɛ bee.

Hiob 5:26

O maa bwɔ kotokoto loko o ma gbo, kaa bɔ nɛ ngma waa saminya loko a kpaa a.

Kronika I, 23:1

Benɛ David ba bwɔ kotokoto ɔ, e wo e binyumu Salomo matsɛ ngɛ Israel ma a nɔ.

Mose I, 47:9

Yakob he nɔ ke, “I ye jeha lafa kɛ nyingmi etɛ. Ye nɛmɛ ɔmɛ lɛɛ slo mɛ; mɛɛ lɛɛ a se kɛ ngɛ je mi.”

Mose I, 15:15

Mo nitsɛ lɛɛ o maa hi si kɛ yaa si o maa bwɔ kotokoto, nɛ o ma gbo ngɛ he jɔmi mi, nɛ a maa pu mo.

Kronika II, 24:14

Benɛ a gbe ní tsumi ɔ nya a, a kɛ sika tsu, kɛ sika hiɔ nɛ piɛ ɔ ha matsɛ ɔ, kɛ Yehoyada, nɛ mɛ hu a kɛ pee kpluhi, kɛ ní kpa komɛ kɛ ma Yawɛ we ɔ mi. Yehoyada wami be ɔ tsuo ɔ, a sãã bɔhi daa ligbi ngɛ Yawɛ we ɔ.

Kronika II, 24:16

A pu lɛ ngɛ matsɛmɛ ɔmɛ a pu he ɔ ngɛ David ma a mi. A pee nɔ́ nɛ ɔ kɛ wo e hɛ mi nyami ngɛ ní tsumi nɛ e tsu kɛ ha Israel ma a, kɛ Mawu we ɔ he.

Kronika II, 24:3

Yehoyada hla yihi enyɔ kɛ ha Matsɛ Yoash, nɛ Yoash kɛ mɛ fɔ binyumuhi, kɛ biyihi.