Kronika II, 24:10 - BAIBLO ALOO NGMAMI KLƆUKLƆU Ɔ

¹⁰ Sane nɛ ɔ ngɔ ma a, kɛ ganɔ ɔmɛ a nya saminya. Lɔ ɔ he ɔ, a ngɔ a tó ɔ kɛ ba ba wo daka a mi hluu kɛ ya si e hyi tɔ.

Kronika II, 24:10 ပူးပေါင်းရင်းမြစ်များ

2 Korintobi 9:7

Lɔ ɔ he ɔ, nɔ tsuaa nɔ nɛ ha bɔ nɛ e to kaa e ma ha. E ha kɛ bua jɔmi, se pi kaa a ngɛ e nɔ nyɛe ke e pee; ejakaa Mawu suɔ nɔ nɛ haa nɔ́ kɛ bua jɔmi.

2 Korintobi 8:2

Wa nyɛmimɛ ɔmɛ nɛ ngɛ Makedonia nɛ heɔ Kristo yeɔ ɔ ba na amanehlu wawɛɛ; se be tsuaa be ɔ, a bua jɔ. Jehanɛ hu, nɔ́ ko be a dɛ, se kɛ̃ ɔ, a ha nɔ́ faa kɛ je a tsui mi.

Kronika I, 29:9

Ma a ke Yawɛ ní kɛ je a tsui mi faa, nɛ a nya nɛ a bua jɔ a he kaa a nyɛ pee nɔ́ ko kaa ja. Matsɛ David hu bua jɔ e he saminya, nɛ e nya.

Yesaya 64:5

Nihi nɛ kɛ bua jɔmi peeɔ o suɔmi nya ní, nɛ blɔ nɛ o to ha mɛ ɔ, a ji nɔ ɔ, mo hu o naa a he bua jɔmi. Wa pee yayami, nɛ o mi mi fu wɔ. Kɛ je blema lokoo ɔ, yayami sɔuu wa ngɛ pee. Anɛ hɛ kɛ nɔ fɔmi ko pa ngɛ ha wɔ kaa a ma he wa yi wami lo?

Kronika II, 24:9

A fiɛ kɛ kpa Yerusalem, kɛ Yuda ma amɛ tsuo a mi ke, tó ɔ nɛ Mawu tsɔlɔ Mose tsu ngɛ nga a nɔ ɔ, nɔ tsuaa nɔ nɛ ngɔ e nɔ́ kɛ ba ha Yawɛ.

Kronika II, 24:11

Daa ligbi ɔ, Levi bi ɔmɛ ma wo daka a kɛ ya ha matsɛ ní tsulɔ ɔ nɛ hyɛɛ nɔ ɔ. Ke daka a hyi ɔ, matsɛ pɛdiyo ɔ, kɛ osɔfo nɔkɔtɔma a tsɔlɔ ko ma je sika a, kɛkɛ a kpale daka a ya ma e ma he ɔ ekohu. Kikɛ nɛ ɔ a pee nɛ a kɛ bua sika babauu nya.