Kronika II, 23:18 - BAIBLO ALOO NGMAMI KLƆUKLƆU Ɔ

¹⁸ Yehoyada ngɔ Yawɛ we ɔ ní tsumi ɔ ngɔ wo osɔfo ɔmɛ, kɛ Levi bi ɔmɛ a dɛ mi, konɛ a tsu ní ɔ kaa bɔ nɛ Matsɛ David dla ní tsumi ɔ ngɔ ha mɛ ɔ. Mɛ lɛ a maa sã bɔ ɔmɛ kɛ ha Yawɛ kaa bɔ nɛ a ngma ngɛ Mose mlaa a mi ɔ. Mɛ kɛ̃ ji ni nɛmɛ nɛ maa hyɛ lami, kɛ nyami blɔ nya tomi ɔmɛ a nɔ.

Kronika II, 23:18 ပူးပေါင်းရင်းမြစ်များ

Kronika II, 5:5

nɛ a hɛɛ kɛ ho Yawɛ we ɔ mi ya. Osɔfo ɔmɛ, kɛ Levi bi ɔmɛ hɛɛ kpe he bo tsu ɔ, kɛ ní klɔuklɔu ɔmɛ nɛ ngɛ mi ɔ hulɔ kɛ ho Yawɛ we ɔ mi ya.

Kronika II, 29:25

Mlaahi nɛ Yawɛ wo Matsɛ David kɛ gu lɛ David ɔ gbalɔ Gad, kɛ gbalɔ Natan a nɔ ɔ, Matsɛ Hezekia ye mlaa amɛ a nɔ pɛpɛɛpɛ. E ngɔ Levi bi ɔmɛ ya da si ngɛ Yawɛ we ɔ kɛ a dɛ mi gɔgɔhi, bɛhi, kɛ sakuhi

Kronika I, 23:25

David de ke, “Yawɛ, Israel Mawu ɔ ha e ma a tue mi jɔmi, nɛ lɛ nitsɛ e maa hi Yerusalem daa.

Kronika II, 29:27

Kɛkɛ nɛ Hezekia fa ke a sã sami bɔ ɔ ngɛ bɔ sami la tɛ ɔ nɔ. Benɛ a bɔni bɔ ɔ sami pɛ, ma a la kɛ je Yawɛ yi; titimati kpali ɔmɛ kpa titimati, nɛ saku fiali ɔmɛ hu fia saku.

Kronika II, 30:27

Nyagbe ɔ, osɔfo ɔmɛ, kɛ Levi bi ɔmɛ te si nɛ a ba Yawɛ gbaami kɛ pue ma a nɔ. Mawu nu a kue fami ɔmɛ ngɛ e hi he ɔ ngɛ hiɔwe, nɛ e bu mɛ tue.

Kronika II, 7:6

Osɔfo ɔmɛ ya da a blɔ he ɔmɛ, nɛ Levi bi ɔmɛ ya da si nɛ a plɛ a hɛ mi kɛ kpee osɔfo ɔmɛ. A fia sakuhi nɛ Matsɛ David kpɛ ɔ kɛ je Yawɛ yi, nɛ a la ke, “Yawɛ suɔmi ɔ ngɛ daa kɛ daa!” Blɔ nya nɛ David to kɛ ha Levi bi ɔmɛ ji nɛ ɔ nɛ. Benɛ Israel ma a tsuo daa si ɔ, osɔfo ɔmɛ kpa titimatihi.

Kronika II, 29:30

Matsɛ ɔ, kɛ ganɔ ɔmɛ fa Levi bi ɔmɛ ke, yi jemi lahi nɛ David, kɛ gbalɔ Asaf po ɔ, a la jamɛ a la amɛ kɛ je Yawɛ yi. Lɔ ɔ he ɔ, be mi nɛ a kpla si nɛ a ngɛ Mawu jae ɔ, nɔ tsuaa nɔ la kɛ bua jɔmi.

Kronika II, 35:2

Yosia dla ní tsumi ngɔ ha osɔfo ɔmɛ, nɛ e wo mɛ he wami konɛ a tsu ní ɔ saminya.

Ezra 6:22

A kɛ bua jɔmi ye Abolokplolo nyami be ɔ ligbi kpaago. A bua jɔ saminya kaa Yawɛ ha Asiria matsɛ ɔ ná a he bua jɔmi, nɛ e piɛ a he nɛ a kɛ ma Yawɛ, Israel Mawu ɔ we ɔ.