Kronika II, 23:17 - BAIBLO ALOO NGMAMI KLƆUKLƆU Ɔ

¹⁷ Lɔ ɔ se ɔ, ma mi bi ɔmɛ tsuo ya sɛ Baal jami he ɔ, nɛ a gbɛ lɛ kɛ pue si. A ku bɔ sami la tɛ ɔmɛ, kɛ amaga amɛ dukuduku, nɛ a gbe Baal osɔfo ɔ nɛ a tsɛɛ lɛ Matan ɔ ngɛ bɔ sami la tɛ ɔmɛ a hɛ mi.

Kronika II, 23:17 ပူးပေါင်းရင်းမြစ်များ

Matsɛmɛ I, 18:40

Eliya fa ke, “Nyɛɛ nuu Baal gbali ɔmɛ; nyɛ ko ha nɛ a ti nɔ kake ngmelu nɛ tu fo!” Ma a nuu mɛ tsuo, nɛ Eliya nyɛɛ a hɛ mi kɛ kple yoku ɔ kɛ ho Kishon pa a nya ya, nɛ e ya gbe mɛ ngɛ lejɛ ɔ.

Kronika II, 34:7

Yosia ywia bɔ sami la tɛ ɔmɛ, kɛ Ashera amaga amɛ. E wɛɛ amaga amɛ nɛ a pee mɔnyɔmɔnyɔ kaa la zu, nɛ e ywia tsopa kɛ e he via bɔ sami la tɛ ɔmɛ ngɛ Israel zugba a nɔ tsuo loko e kpale kɛ ba Yerusalem.

Kronika II, 34:4

Bɔ sami la tɛhi nɛ ngɛ Baal jami he ɔ, kɛ tsopa kɛ e he via sami la tɛhi nɛ ngɛ lejɛ ɔ, Yosia ha nɛ a ku mɛ tsuo ngɔ pue si ngɛ e hɛ mi. Ashera amaga amɛ, kɛ amaga kpa amɛ tsuo lɛɛ a wɛɛ mɛ mɔnyɔmɔnyɔ kaa la zu, nɛ a ngɔ kɛ fĩa nihi nɛ sã bɔ ha mɛ ɔ a yɔkɔhi a nɔ.

Matsɛmɛ II, 18:4

E gbɛ jami he ɔmɛ, nɛ e ywia amaga a nɛ a puɛ kɛ ha yo mawu ɔ nɛ a tsɛɛ Ashera a, kɛ amaga kpa amɛ tsuo. Akɔblee sinɔ ɔ nɛ Mose pee, nɛ a tsɛɛ lɛ Nehushtan ɔ, lɔ ɔ hu e ywia lɛ tsɔkɔtsɔkɔ; ejakaa kɛ ba si jamɛ a be ɔ mi ɔ, Israel bi ɔmɛ jɔɔ we tsopa kɛ e he via sami kɛ ha akɔblee sinɔ ɔ.

Mose V, 12:3

Nyɛɛ ku a bɔ sami la tɛ ɔmɛ, nɛ nyɛɛ ywia a wɔ titima amɛ wɔtsɔwɔtsɔ. Nyɛɛ sã a yo wɔ Ashera a, nɛ nyɛɛ poo a mawu ɔmɛ a we amaga amɛ pue he. Nyɛ kpata a hɛ mi pɛsɛpɛsɛ, konɛ a ko ja mɛ ngɛ lejɛ ɔmɛ hu.