Kronika II, 22:9 - BAIBLO ALOO NGMAMI KLƆUKLƆU Ɔ

⁹ A hla Ahazia kɛ kpa si kɛ ya si a ya nu lɛ ngɛ Samaria, he nɛ e ya laa e he ngɛ ɔ. A ngɔ lɛ kɛ ba Yehu ngɔ, nɛ a ba gbe lɛ. Se kɛ̃ ɔ, bumi nɛ a ngɛ kɛ ha e nɛ̃, Matsɛ Yehoshafat he je ɔ, a pu lɛ; ejakaa Yehoshafat sɔmɔ Yawɛ kɛ e tsui tsuo. Nɛ e pee ja a, nɔ ko pa be Ahazia weku ɔ mi hu nɛ ma nyɛ maa ye matsɛ.

Kronika II, 22:9 ပူးပေါင်းရင်းမြစ်များ

Kronika II, 22:8

Benɛ Yehu nyɛɛ Ahab weku li ɔmɛ, kɛ e huɛmɛ ɔmɛ a se nɛ e ngɛ mɛ gbee ɔ, e ya na Yuda ganɔ komɛ, kɛ Ahazia nyɛmimɛ ɔmɛ a bimɛ nɛ nyɛɛ Ahazia se kɛ ya slaa Yoram ɔ. Yehu gbe mɛ tsuo pɛpɛɛpɛ.

Kronika II, 21:20

Yehoram ye jeha nyingmi etɛ kɛ enyɔ benɛ e bɔni tsɛ yemi, nɛ e hi Yerusalem kɛ ye matsɛ jeha kpaanyɔ. Benɛ e gbo ɔ, nɔ ko nɔ ko yi lɛ kɔmɔ. A pu lɛ ngɛ David ma a mi mohu, se a pu we lɛ ngɛ matsɛmɛ ɔmɛ a gɔ ɔ mi.

Kronika II, 21:17

A ba tua Yuda, nɛ a ha ní ngɛ matsɛ we ɔ. A nuu matsɛ ɔ yi ɔmɛ, kɛ e binyumu ɔmɛ tsuo nyɔguɛ kɛ je. Matsɛ ɔ binyumu sekpɛ ɔ nɛ a tsɛɛ lɛ Ahazia a pɛ ji nɔ nɛ piɛ ngɛ se.

Kronika II, 21:4

Benɛ Yehoram ba hi sɛ ɔ nɔ ngɛ e tsɛ se, nɛ e matsɛ yemi ɔ ba da si ɔ, e gbe e nyɛminyumu ɔmɛ tsuo, kɛ Israel ganɔ komɛ hulɔ.

Matsɛmɛ I, 14:13

Israel ma a tsuo maa nyɛ ya ha lɛ, nɛ a maa pu lɛ. Lɛ pɛ ji Yeroboam we ɔ mi bi nɛ a maa pu lɛ saminya, ejakaa lɛ pɛ ji nɔmlɔ nɛ Yawɛ, Israel Mawu ɔ ná e he tsui ngɛ Yeroboam we ɔ mi.

Matsɛmɛ I, 13:21

nɛ e kpa ngmlaa nɛ e de gbalɔ nɛ je Yuda a ke, “Yawɛ ke ma de mo ke o gbo tue, nɛ o yi mlaa nɛ e wo mo ɔ nɔ.

Matsɛmɛ II, 9:34

Yehu sɛ we ɔ mi nɛ e ya ye ní nɛ e nu ní. Benɛ e ye ní ta a, e de ke, “Jehanɛ, nyɛɛ hyɛ nɛ nyɛɛ pu yo musutsɛ nɛ ɔ, ejakaa matsɛ biyo ji lɛ.”

Yeremia 29:13

Nyɛ ma hla ye se blɔ, nɛ nyɛ maa na mi. Ke nyɛ ngɔ nyɛ tsui tsuo kɛ hla ye se blɔ ɔ,

Kronika II, 19:3

Se kɛ̃ ɔ, su kpakpa komɛ ngɛ o mi; o je yo mawu Ashera amaga amɛ tsuo kɛ je zugba a nɔ, nɛ o bɔ mɔde kaa o maa pee Mawu suɔmi nya ní.”

Kronika II, 24:25

A plaa Yoash wawɛɛ nitsɛ. Benɛ he nyɛli ɔmɛ kpale a se ɔ, e tsɔli ɔmɛ a ti nihi enyɔ so ngɔ wo e he, nɛ a gbe lɛ ngɔ wo sa mi. A pee nɔ́ nɛ ɔ kɛ ye osɔfo Yehoyada binyumu ɔ nɛ e gbe ɔ he lue. A pu Yoash ngɛ David ma a mi mohu, se a pu we lɛ ngɛ matsɛmɛ ɔmɛ a pu he ɔ.

Kronika II, 25:27

Kɛ je be mi nɛ Amazia je Yawɛ se ɔ, e ma mi bi ɔmɛ so ngɔ wo e he ngɛ Yerusalem. Nyagbenyagbe ɔ, e tu fo kɛ ho Lakish ma a mi ya; se e he nyɛli ɔmɛ nyɛɛ e se, nɛ a ya gbe lɛ ngɛ lejɛ ɔ.

Kronika II, 33:24

Amon tsɔli ɔmɛ so ngɔ wo e he, nɛ a gbe lɛ ngɛ matsɛ we ɔ.