Kronika II, 22:7 - BAIBLO ALOO NGMAMI KLƆUKLƆU Ɔ

⁷ Se Mawu gu slaami nɛ Ahazia ya slaa Yoram ɔ nɔ nɛ e kɛ kpata Ahazia hɛ mi. Benɛ Ahazia ngɛ lejɛ ɔ, e kɛ Yoram je kpo ya na Nimshi binyumu nɛ a tsɛɛ Yehu ɔ. Lɛ ji nɔ nɛ Yawɛ hla kɛ to nɛ e ba kpata Ahab we ɔ hɛ mi.

Kronika II, 22:7 ပူးပေါင်းရင်းမြစ်များ

Kronika II, 10:15

Matsɛ Rehoboam bui ma a tue fɛɛ! Se nɔ́ nɛ ɔ, Yawɛ he ngɛ mi. Yawɛ lɛ ha nɛ matsɛ ɔ pee ja a, bɔ nɛ pee nɛ si ko nɛ lɛ Yawɛ ɔ wo Nebat binyumu Yeroboam kɛ gu gbalɔ Ahiya nɛ je Shilo ɔ nɔ ɔ nɛ ba mi.

Matsɛmɛ II, 9:21

Kɛkɛ nɛ Yoram fa ke, “Nyɛɛ mia ye ta zugba lɛ ɔ!” A pee ja; nɛ Israel matsɛ, Yoram kɛ Yuda matsɛ, Ahazia je kpo, nɛ a ti nɔ tsuaa nɔ ya hi lɛ nitsɛ e ta zugba lɛ mi, nɛ a ho nɛ a kɛ Yehu ya kpe. A ya na lɛ ngɛ Nabot, Yezreel no ɔ zugba a nɔ.

Malaki 4:3

Ligbi ɔ nɛ ma tsu ní nɛ ɔ, yiwutsotsɛmɛ maa pee kaa la zu ngɛ nyɛ nane sisi, nɛ nyɛ maa naa a nɔ.” Yawɛ Tabohiatsɛ ɔ lɛ de.

Hosea 14:9

Mɛnɔ ji ní lelɔ? Ha nɛ e nu ní nɛ ɔmɛ a sisi. Mɛnɔ lɛ nuɔ nɔ́ sisi? Ha nɛ e yɔse. Ejakaa Yawɛ blɔ ɔmɛ da tlɔmɔɔ, nɛ nihi nɛ peeɔ nɔ́ nɛ da a nyɛɛɔ nɔ tɛɛ. Se yayami peeli lɛɛ a tɛɔ nɔ́, nɛ a nɔɔ si.

Yesaya 46:10

Níhi tsuo nɛ maa ba hwɔɔ se ɔ, imi ji nɔ nɛ gba kɛ to kɛ je blema lokoo; níhi nɛ na we nɛ a ba lolo ɔ hu, imi lɛ i gba kɛ to. I de ke ye yi mi tomi maa ba mi, nɛ nɔ́ tsuaa nɔ́ nɛ i suɔ ɔ, lɔ ɔ ma pee.

La 9:16

Yawɛ je e he kpo; e ye dami sane, nɛ yayami peeli a nane ya du klama a nɛ mɛ nitsɛmɛ a tsɔ ɔ.

Matsɛmɛ I, 22:20

Yawɛ bi ke, ‘Mɛnɔ ma ya mlɔɔ Ahab, bɔ nɛ pee nɛ e ya tua Ramot Gilead, nɛ a ya gbe lɛ ngɛ lejɛ ɔ?’ Hiɔwe bɔfo ɔmɛ ekomɛ de kikɛ, nɛ ekomɛ hu de kikɛ.

Matsɛmɛ I, 19:16

pɔɔ Nimshi binyumu Yehu nu, nɛ e ye tsɛ ngɛ Israel, nɛ o pɔ Shafat binyumu Elisha nɛ je Abel Mehola hu nu, nɛ e ye gbalɔ ngɛ o se.

Matsɛmɛ I, 12:15

Matsɛ Rehoboam bui ma a tue fɛɛ! Se nɔ́ nɛ ɔ, Yawɛ he ngɛ mi; Yawɛ lɛ ha nɛ matsɛ ɔ pee ja, bɔ nɛ pee nɛ si nɛ lɛ Yawɛ, ɔ Nebat binyumu Yeroboam kɛ gu gbalɔ Ahiya nɛ je Shilo ɔ nɔ ɔ nɛ ba mi.

Manyadali 14:4

E tsɛ kɛ e nyɛ li tete kaa Yawɛ nitsɛ yi mi tomi ji kaa Samson nɛ gu yo nɛ ɔ nɔ kɛ ná Filisti bi ɔmɛ a he blɔ. Jamɛ a be ɔ mi ɔ, Filisti bi nɛ a ngɛ Israel nɔ yee.

Mose V, 32:35

Yawɛ maa ye lue kokooko. E maa gbla he nyɛli ɔmɛ a tue. A maa sane nɔ si amlɔ nɔuu. E be kɛe kulaa nɛ e ma kpata a hɛ mi. A nyagbe ma tlukaa.

Matsɛmɛ II, 9:27

Benɛ Yuda matsɛ, Ahazia na nɔ́ nɛ ba a, e tu fo kɛ gu Bet Hagan blɔ. Yehu nyɛɛ e se, nɛ e de ke, “Lɛ hu nyɛ tsɛ̃ lɛ kɛ̃ɛ̃ ɔ eko!” Nɛ a tsɛ̃ lɛ kɛ̃ɛ̃ ngɛ e ta zugba lɛ ɔ mi ngɛ Gur blɔ ɔ nɔ, ngɛ Ibleam kasa nya. E tu fo kɛ ho Megido ya, nɛ e ya gbo ngɛ lejɛ ɔ.

Kronika II, 22:6

Lɔ ɔ he ɔ, e kpale e se kɛ ho Yezreel ma a mi ya konɛ e ya tsa e he. Yuda matsɛ, Ahazia, Yehoram binyumu ɔ hu bú e nɔ nɛ e ya slaa lɛ.

Yoshua 11:20

Yawɛ ha a kplii a tsui kaa a kɛ Israel bi ɔmɛ maa hwu ta, bɔ nɛ pee nɛ a gbe mɛ tsuo pɛpɛɛpɛ nɛ a ko na mɛ mɔbɔ. Bɔ nɛ Yawɛ fa Mose ke e pee ji nɛ ɔ nɛ.

Matsɛmɛ I, 12:24

‘Bɔ nɛ Yawɛ de ji nɛ ɔ nɛ: nyɛɛ kɛ nyɛ nyɛmimɛ Israel bi ɔmɛ ko hwu ta. Nɔ tsuaa nɔ nɛ kpale kɛ ho e we mi ya; ejakaa nɔ nɛ ba nɛ ɔ, ye he ngɛ mi.’ ” A bu Yawɛ tue, nɛ a kpale kɛ ho a wehi a mi ya kaa bɔ nɛ Yawɛ fa mɛ ɔ.

Matsɛmɛ II, 10:11

Enɛ ɔ se ɔ, Yehu gbe nihi tsuo pɛpɛɛpɛ nɛ piɛ ngɛ Ahab we ɔ mi ngɛ Yezreel, nimli ngua amɛ, e huɛmɛ kpakpa amɛ, kɛ osɔfo ɔmɛ tsuo; e píɛ a ti nɔ kake po.

Abɛ Womi 16:9

Nɔmlɔ adesa toɔ ga ngɛ e yi mi, se Mawu ji nɔ nɛ tsɔɔ lɛ nɔ́ nɛ sa kaa e pee.