Kronika II, 22:6 - BAIBLO ALOO NGMAMI KLƆUKLƆU Ɔ

⁶ Lɔ ɔ he ɔ, e kpale e se kɛ ho Yezreel ma a mi ya konɛ e ya tsa e he. Yuda matsɛ, Ahazia, Yehoram binyumu ɔ hu bú e nɔ nɛ e ya slaa lɛ.

Kronika II, 22:6 ပူးပေါင်းရင်းမြစ်များ

Matsɛmɛ II, 9:15

Se Matsɛ Yoram kpale e se kɛ ba Yezreel, konɛ plaami nɛ Siria bi ɔmɛ plaa lɛ ngɛ ta a nɛ e kɛ Siria matsɛ, Hazael hwu ɔ mi ɔ, e ba tsa e he. Kɛkɛ nɛ Yehu de e nyɛmimɛ asafoatsɛmɛ ɔmɛ ke, “Ke nyɛ ngɛ ye se niinɛ ɔ, lɛɛ nyɛɛ hyɛ nɛ nɔ ko nɔ ko nɛ ko tu fo kɛ je ma a mi nɛ e ya bɔ amaniɛ nɛ ɔ ngɛ Yezreel.”

Kronika II, 22:7

Se Mawu gu slaami nɛ Ahazia ya slaa Yoram ɔ nɔ nɛ e kɛ kpata Ahazia hɛ mi. Benɛ Ahazia ngɛ lejɛ ɔ, e kɛ Yoram je kpo ya na Nimshi binyumu nɛ a tsɛɛ Yehu ɔ. Lɛ ji nɔ nɛ Yawɛ hla kɛ to nɛ e ba kpata Ahab we ɔ hɛ mi.

Kronika II, 22:1

Arabia bi komɛ ya gbe Matsɛ Yehoram binyumu ɔmɛ tsuo pɛpɛɛpɛ, nɛ a si jokuɛyo ɔ nɛ a tsɛɛ lɛ Ahazia a pɛ. Lɔ ɔ he ɔ, Yerusalem ma mi bi ɔmɛ wo Ahazia matsɛ konɛ e ye e tsɛ ɔ se.

Kronika II, 21:17

A ba tua Yuda, nɛ a ha ní ngɛ matsɛ we ɔ. A nuu matsɛ ɔ yi ɔmɛ, kɛ e binyumu ɔmɛ tsuo nyɔguɛ kɛ je. Matsɛ ɔ binyumu sekpɛ ɔ nɛ a tsɛɛ lɛ Ahazia a pɛ ji nɔ nɛ piɛ ngɛ se.

Matsɛmɛ II, 8:29

Matsɛ Yoram kpale e se kɛ ba Yezreel konɛ e ba tsa e he, nɛ Yuda matsɛ Ahazia, Yehoram binyumu ɔ bu e nɔ nɛ e ya slaa lɛ ngɛ lejɛ ɔ.

Yoshua 15:56

Yezreel, Yokdeam, Zanoa,

Kronika II, 22:5

Mɛ nɔuu lɛ a wo lɛ ga nɛ e ya piɛ Israel matsɛ, Yoram, Ahab binyumu ɔ he nɛ a kɛ Siria matsɛ, Hazael ya hwu ta ngɛ Ramot nɛ ngɛ Gilead ɔ. Siria bi ɔmɛ plaa Yoram ngɛ ta a mi.