Kronika II, 21:16 - BAIBLO ALOO NGMAMI KLƆUKLƆU Ɔ

¹⁶ Kɛkɛ nɛ Yawɛ sú Filisti bi ɔmɛ, kɛ Arabia bi ɔmɛ nɛ a ngɛ Sudan bi ɔmɛ a kasa nya a kɛ wo Yehoram he.

Kronika II, 21:16 ပူးပေါင်းရင်းမြစ်များ

Kronika II, 17:11

Filisti bi ɔmɛ a ti ni komɛ ba ke Yehoshafat ní, nɛ a kɛ sika hiɔ babauu wo tó ha lɛ. Arabia bi ɔmɛ hu ba ha lɛ agbosu akpe kpaago kɛ e nya lafa kpaago, kɛ akpakpo akpe kpaago kɛ e nya lafa kpaago.

Kronika II, 33:11

Enɛ ɔ he je ɔ, Yawɛ ha nɛ Asiria tabo ɔ asafoatsɛmɛ ɔmɛ ba tua Yuda. A kɛ gbowehi nu Manase nɛ a wo lɛ kɔsɔkɔsɔ, nɛ a ngɔ lɛ kɛ ho Babilon ya.

Kronika II, 22:1

Arabia bi komɛ ya gbe Matsɛ Yehoram binyumu ɔmɛ tsuo pɛpɛɛpɛ, nɛ a si jokuɛyo ɔ nɛ a tsɛɛ lɛ Ahazia a pɛ. Lɔ ɔ he ɔ, Yerusalem ma mi bi ɔmɛ wo Ahazia matsɛ konɛ e ye e tsɛ ɔ se.

Matsɛmɛ I, 11:23

Yawɛ ha nɛ Eliada binyumu Rezon hu te si ngɔ wo Salomo. Rezon tu fo kɛ je e nyɔmtsɛ Hadadezer, Zoba matsɛ ɔ ngɔ,

Matsɛmɛ I, 11:14

Kɛkɛ nɛ Yawɛ ha Hadad nɛ je matsɛ we mi ngɛ Edom ɔ te si ngɔ wo Salomo.

Amos 3:6

Anɛ ta titimati pɛɛ ngɛ ma mi nɛ ma mi bi ɔmɛ a tsui pui lo? Anɛ amanehlu baa ma ko nɔ nɛ pi Yawɛ nɛ pee lo? Dɛbi!

Ezra 1:5

Kɛkɛ nɛ wɛtsoyi ɔmɛ ngɛ Yuda kɛ Benyamin, osɔfo ɔmɛ, Levi bi ɔmɛ, kɛ nihi tsuo nɛ Mawu mumi ɔ ta a he ɔ dla a he, konɛ a ya Yerusalem nɛ a ya ma Yawɛ we ɔ ekohu.

Ezra 1:1

Benɛ Persia matsɛ, Sirus ba ye tsɛ ɔ, kekleekle jeha a mi ɔ, Yawɛ ha nɛ nɔ́ nɛ lɛ, Yawɛ ɔ de kɛ gu gbalɔ Yeremia nɔ ɔ ba mi. Yawɛ ngɔ juɛmi ko kɛ wo Matsɛ Sirus yi mi kaa e fa nɛ a ngma munyu nɛ ɔ, konɛ a kane nɛ a fiɛ ngɛ e nɔ yemi he ɔ he tsuaa he.

Kronika II, 26:7

Mawu piɛ e he nɛ e kɛ ye Filisti bi, Arabia bi nɛ ngɛ Gurbaal ɔ, kɛ Meun bi ɔmɛ a nɔ kunimi.

Matsɛmɛ I, 11:11

nɛ e de lɛ ke, “Akɛnɛ o to o yi mi, nɛ o yi somi nɛ i kɛ mo so ɔ, kɛ mlaahi nɛ i wo mo ɔ a nɔ he je ɔ, i ngɛ mo dee ke, bɔ tsuaa bɔ nɛ pee ɔ, ma kpɔ matsɛ yemi ɔ ngɛ o dɛ, nɛ ma ngɔ kɛ ha o tsɔli ɔmɛ a ti nɔ kake.

Samuel II, 24:1

Yawɛ mi mi fu Israel ekohu, nɛ e ha David kɛ haomi ba ma a nɔ. Yawɛ de lɛ ke, “Yaa nɛ o ya kane Israel kɛ Yuda!”

Samuel I, 26:19

Ye nyɔmtsɛ, moo bu nɔ́ nɛ o tsɔlɔ ma de mo nɛ ɔ tue. Ke Yawɛ lɛ pee loko o ngɛ ye se blɔ hlae ɔ, lɛɛ e ngmɛ mi blɔ nɛ ma sã bɔ kɛ kpata lɛ. Se ke nimli adesahi a ní tsumi ɔ, lɛɛ Yawɛ nɛ e gbiɛ mɛ; ejakaa mwɔnɛ ligbi nɛ ɔ, a fie mi kɛ je Yawɛ zugba a nɔ kɛ ho ma kpa nɔ ya nɛ ma ya ja mawu kpahi ngɛ lejɛ ɔ.

Yoel 3:5

Nyɛ muɔ ye sika tsu, ye sika hiɔ, kɛ ye juetli kpakpa amɛ kɛ ya wo nyɛ jami he ɔmɛ.

Amos 1:6

Yawɛ ke, “Gaza ma mi bi ɔmɛ pee yayamihi nɔtonɔto babauu; a nuu kɔpehi fuu a mi bi kɛ ho, nɛ a ya jua mɛ kaa nyɔguɛhi kɛ ha Edom bi. Enɛ ɔ he je ɔ, ja i gbla a tue kokooko.