Kronika II, 21:13 - BAIBLO ALOO NGMAMI KLƆUKLƆU Ɔ

¹³ Mohu ɔ, o ya wo Israel matsɛmɛ ɔmɛ a nane, nɛ o ha nɛ Yuda ma a, kɛ Yerusalem tsuo ja amagahi kaa bɔ nɛ Ahab, kɛ ni nɛmɛ nɛ nyɛɛ e se ɔ ha nɛ Israel ma a pee ɔ pɛpɛɛpɛ. O nyɛminyumuhi nɛ a hi pe mo ɔ hu, o gbe mɛ.

Kronika II, 21:13 ပူးပေါင်းရင်းမြစ်များ

Matsɛmɛ I, 16:25

Omri pee yayami babauu kɛ si Yawɛ pe ni nɛmɛ tsuo nɛ nyɛɛ e hɛ mi ɔ.

Matsɛmɛ II, 9:22

Benɛ Yoram na Yehu ɔ, e bi lɛ ke, “Yehu, o ba kɛ tue mi jɔmi lo?” Yehu he nɔ ke, “Tue mi jɔmi? Yayami babauu nɛ o nyɛ Yezebel pee, nyuami kɛ amaga jami nɛ ɔmɛ a se ɔ, mɛni tue mi jɔmi ma pa hi si?”

Kronika II, 21:11

Jehanɛ se hu, Yehoram po jami hehi ngɛ Yuda yo ɔmɛ a nɔ, nɛ e ha nɛ Yuda ma a, kɛ Yerusalem tsuo pee yayami kɛ si Yawɛ.

Kronika II, 21:14

Níhi nɛ o pee nɛ ɔ a he je ɔ, Yawɛ maa gbla o ma a, kɛ o bimɛ ɔmɛ, kɛ o yi ɔmɛ a tue wawɛɛ nitsɛ; nɛ e ma kpata o níhi nɛ o ngɛ ɔ tsuo a hɛ mi.

Kronika II, 21:4

Benɛ Yehoram ba hi sɛ ɔ nɔ ngɛ e tsɛ se, nɛ e matsɛ yemi ɔ ba da si ɔ, e gbe e nyɛminyumu ɔmɛ tsuo, kɛ Israel ganɔ komɛ hulɔ.

Kronika II, 21:6

Lɛ hu e ya wo Israel matsɛmɛ ɔmɛ a nane kaa bɔ nɛ Ahab pee ɔ, ejakaa e ngɔ Ahab biyo. E pee yayami kɛ si Yawɛ.

Kronika II, 24:18

Nɔ́ nɛ ɔ ha nɛ a jɔɔ Yawɛ, a nɛmɛ a Mawu ɔ we ɔ yami, nɛ a ya ja amagahi, kɛ yo mawu ɔ nɛ a tsɛɛ Ashera a. Yayami nɛ a pee nɛ ɔ ha nɛ Yawɛ mi mi fu Yuda, kɛ Yerusalem.

Mose II, 34:15

O kɛ nihi nɛ ngɛ zugba a nɔ ɔ kó so somi ko. Ke pi ja a, ke a ngɛ a mawu ɔmɛ jae nɛ a ngɛ bɔ sãe kɛ ngɛ mɛ hae ɔ, a ti nɔ ko kɛ̃ ma tsɛ mo ní yemi, nɛ o ma ya ye ní nɛ a kɛ sã bɔ ha a mawu ɔmɛ ɔ eko.

Yesaya 26:21

Ejakaa Yawɛ je e hi he ɔ kɛ ma je ɔ mi nɛ e ba gbla nimli adesahi a tue ngɛ a he yayami ɔmɛ a he. Nihi nɛ a gbe ngɛ laami mi ngɛ je ɔ mi ɔ, a ma je mɛ tsuo kpo nɛ a na mɛ; zugba a be jamɛ a ni ɔmɛ a nɔ laae hu.

Habakuk 2:12

Mo nɛ o pee yayami kɛ to ma sisi, nɛ o pue muɔ si kɛ fia gbogbo ɔ, musu tloo mo!

Mose V, 31:16

Yawɛ de Mose ke, “E be kɛe nɛ o ma gbo; nɛ o gbenɔ se ɔ, Israel ma a be mi anɔkuale yee hu; a be somi nɛ i kɛ mɛ so ɔ nɔ yee. A maa je ye se ya ja ma se mawuhi nɛ ngɛ zugba a nɔ he nɛ a yaa a.

1 Yohane 3:12

Wa ko pee kaa bɔ nɛ Kain pee ɔ; ejakaa Abosiami mumi ngɛ e mi, nɛ e gbe lɛ nitsɛ e nyɛmi Habel. Mɛni he je Kain gbe e nyɛmi ɔ? Ejakaa níhi nɛ e tsu ɔ, ní ɔmɛ dɛ, se e nyɛmi ɔ lɛɛ níhi nɛ e tsu ɔ da.