Kronika II, 21:12 - BAIBLO ALOO NGMAMI KLƆUKLƆU Ɔ

¹² Gbalɔ Eliya ngma Yehoram womi, nɛ nɔ́ nɛ e ngma ngɛ womi ɔ mi ji nɛ ɔ nɛ: “Yawɛ, o nɛ̃ David Mawu ɔ bu mo fɔ; ejakaa o ya nyɛɛ we o tsɛ Yehoshafat, aloo Yuda matsɛ, Asa blɔ kpakpa amɛ a nɔ.

Kronika II, 21:12 ပူးပေါင်းရင်းမြစ်များ

Matsɛmɛ II, 2:1

Benɛ e piɛ bɔɔ nɛ Yawɛ maa ngɔ Eliya kɛ ho hiɔwe ya ngɛ lasiogblee mi ɔ, jamɛ a be ɔ, Eliya kɛ Elisha ngɛ nyɛɛe kɛ je Gilgal.

Daniel 5:5

Tlukaa a, nɔmlɔ nine ko je kpo, nɛ e bɔni ní ngmami ngɛ gbogbo nɛ a sa he ɔ he ngɛ matsɛ we ɔ mi. Matsɛ ɔ na nine ɔ nɛ ngɛ ní ɔ ngmae, ejakaa kane la a ngɛ kpɛe saminya ngɛ lejɛ ɔ.

Yeremia 36:23

Ke Yehudi kane womi ba fa etɛ, loo eywiɛ gbe nya pɛ matsɛ ɔ kɛ ha bi ko po mɛ, kɛkɛ e sake kɛ wo la mi ngɛ ngɛyu ɔ mi. Matsɛ ɔ ya nɔ nɛ e pee ja hluu kɛ ya si womi kpo ɔ tsuo pɛpɛɛpɛ sã.

Yeremia 36:2

“Yaa hla womi kpo nɛ o ngma níhi tsuo nɛ i de mo nɛ kɔɔ Israel, Yuda, kɛ je ma amɛ tsuo a he ɔ kɛ wo mi. Ngmaa nɔ́ tsuaa nɔ́ nɛ i de mo kɛ je be nɛ i kɛ mo tu munyu kekleekle ngɛ matsɛ, Yosia yi nɔ kɛ ba si mwɔnɛ ligbi nɛ ɔ.

Matsɛmɛ II, 2:11

Benɛ a ngɛ ní sɛɛe kɛ yaa a, ta zugba lɛ nɛ la okpɔngɔhi ngɛ gblae ba gba mɛ ni enyɔ ɔmɛ a kpɛti; nɛ lasiogblee sá Eliya kɛ ho hiɔwe ya.

Matsɛmɛ I, 22:43

Yehoshafat ya wo e tsɛ Asa nane, nɛ e pee nɔ́ nɛ sa Yawɛ hɛ mi. Se kɛ̃ ɔ, e hule we wɔ piɛ ɔmɛ, nɛ ma a ya nɔ sã bɔ, kɛ tsopa kɛ e he via ngɛ lejɛ ɔmɛ.

Matsɛmɛ I, 15:11

Asa pee Yawɛ suɔmi nya ní kaa bɔ nɛ e nɛ, David pee ɔ pɛpɛɛpɛ.

Matsɛmɛ I, 17:1

Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

Kronika II, 14:1

Matsɛ Abiya ba gbo, nɛ a pu lɛ ngɛ David ma a mi, nɛ e bi Asa ba ye tsɛ ngɛ e se. Asa yi nɔ ɔ, tue mi jɔmi ba zugba a nɔ jeha nyɔngma.