Kronika II, 21:10 - BAIBLO ALOO NGMAMI KLƆUKLƆU Ɔ

¹⁰ Kɛ je jamɛ a ligbi ɔ, Edom tsɔ e he kɛ je Yuda nɔ yemi ɔ sisi kɛ ba si mwɔnɛ ɔ. Jamɛ a be ɔ mi nɔuu ɔ, Libna ma a hu tsɔ atuã, ejakaa Yehoram je Yawɛ, e nɛmɛ a Mawu ɔ se.

Kronika II, 21:10 ပူးပေါင်းရင်းမြစ်များ

Matsɛmɛ I, 11:31

nɛ e de Yeroboam ke, “Tade nɛ i hía nɛ ɔ, mo he e mi dlami nyɔngma, ejakaa Yawɛ, Israel Mawu ɔ ngɛ mo dee ke, ‘Ma kpɔ matsɛ yemi ɔ ngɛ Salomo dɛ, nɛ ma ngɔ wɛtso nyɔngma ngɔ ha mo.

Matsɛmɛ I, 11:33

I ma pee nɔ́ nɛ ɔ, ejakaa Salomo kua mi, nɛ e ya ja Astarte, Sidon yo mawu ɔ; Kemosh, Moab mawu ɔ; kɛ Milkom, Amon mawu ɔ. Salomo gbo tue; e pee yayami, nɛ e yi ye mlaa amɛ, kɛ blɔ nya tomi ɔmɛ a nɔ kaa bɔ nɛ e tsɛ David pee ɔ.

Matsɛmɛ II, 19:8

Asiria asafoatsɛngua a nu kaa Asiria matsɛ ɔ hia kɛ je Lakish nɛ e kɛ Libna bi ya ngɛ ta hwue. Lɔ ɔ he ɔ, e ho nɛ e ya ná lɛ ngɛ lejɛ ɔ.

Kronika II, 13:10

“Se wɔɔ lɛɛ Yawɛ ji wa Mawu; wa kua we lɛ. Wa ngɛ osɔfohi nɛ ji Aaron nina nɛ sɔmɔɔ Yawɛ, kɛ Levi bi nɛ piɛɔ a he kɛ tsuɔ ní.

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Kronika II, 21:11

Jehanɛ se hu, Yehoram po jami hehi ngɛ Yuda yo ɔmɛ a nɔ, nɛ e ha nɛ Yuda ma a, kɛ Yerusalem tsuo pee yayami kɛ si Yawɛ.

Kronika II, 21:8

Yehoram yi nɔ ɔ, Edom tsɔ Yuda hɛ mi atuã, nɛ mɛ nitsɛmɛ a ya wo matsɛ kɛ ha a he.

Kronika II, 21:9

Lɔ ɔ he ɔ, Yehoram kɛ e we asafoatsɛmɛ ɔmɛ, kɛ e ta zugba lɛ ɔmɛ tsuo ho ya tua Edom. Edom bi ɔmɛ sa a yi. Se nyɔ mi ɔ, a bɔ mɔde fia Edom bi ɔmɛ ní, nɛ a ma fo.

Yesaya 1:28

Se nihi nɛ peeɔ yayami, nɛ tsɔɔ e hɛ mi atuã a, e ma kpata a hɛ mi; e maa gbe nɔ tsuaa nɔ nɛ kuaa lɛ ɔ.

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Yeremia 2:19

Mo nitsɛ o ní yayami ɔmɛ maa gbla o tue; o se yami ɔ ma ka o hɛ mi. O ma ba na paa kaa kuami nɛ o kua imi, Yawɛ o Mawu ɔ, kɛ ye hɛ mi atuã nɛ o tsɔ ɔ ji nɔ́ ko nɛ hí kulaa; e ngɛ kaa nɔ́ ko nɛ dooɔ kaa agba. Imi, Nyɔmtsɛ Yawɛ Tabohiatsɛ ɔ lɛ i de.”

Mose V, 31:17

Ke e ba mi ja a, ye mi mi ma fu. I ma kua mɛ, nɛ a hɛ mi ma kpata. Haomihi nɛ ngɛ gbeyegbeye maa ba a nɔ, nɛ lɔ ɔ loko a ma kpa si kaa ní nɛ ɔmɛ ngɛ a nɔ bae, ejakaa imi a Mawu ɔ, i kua mɛ.

Mose V, 32:21

A kɛ a we amagahi wo ye mi mi la. A kɛ a yaka mawu ɔmɛ ye ye tsui. Lɔ ɔ he ɔ, ma ngɔ ma gu ko kɛ wo a mi mi la; ma ngɔ ma kɛ e mi kuasiahi sɔuu kɛ ye a tsui.

Yoshua 10:29

Jehanɛ, Yoshua kɛ Israel tabo ɔ tsuo hia kɛ je Makeda kɛ ho Libna ya, nɛ e ya tua Libna.

Yoshua 21:13

A ngɔ ma kpa komɛ hu ngɔ piɛ Hebron kɛ e he lohwe lɛmi zugba amɛ a he ngɔ ha osɔfo Aaron nina. (Hebron ji wesa he ma amɛ a kpɛti kake). Ma kpa amɛ ji Libna,

Manyadali 10:13

Se nyɛɛ lɛɛ nyɛ kua mi, nɛ nyɛ ya sɔmɔ mawu kpahi. Enɛ ɔ he je ɔ, imi hu i be nyɛ yi wami hee hu.