Kronika II, 20:9 - BAIBLO ALOO NGMAMI KLƆUKLƆU Ɔ

⁹ kaa ke amanehlu ko ba a nɔ ɔ, ta jio, gbenɔ hiɔ jio, hwɔ jio, a ma ba da si ngɛ we nɛ ɔ hɛ mi, he nɛ a jaa mo ngɛ ɔ. Kɛkɛ ɔ, ke a fa kue ha mo ngɛ a haomi ɔ mi ɔ, o maa nu, nɛ o ma he a yi wami.

Kronika II, 20:9 ပူးပေါင်းရင်းမြစ်များ

Matsɛmɛ I, 8:30

Ke o tsɔlɔ, aloo o ma, Israel ba hiɛmɛ nɛ ɔ ba kpa pɛɛ ɔ, o nu ngɛ o hi he ɔ ngɛ hiɔwe, nɛ o ngɔ pa wɔ.

Matsɛmɛ I, 8:33

“Ke o ma, Israel a he nyɛli ba ye a nɔ ngɛ yayami ko nɛ a pee kɛ si mo he, nɛ a pia a he, nɛ a ba we nɛ ɔ mi ba kpa mo pɛɛ kɛ he si bami ɔ,

Matsɛmɛ I, 8:37

“Ke hwɔ, loo gbenɔ hiɔ, loo tsohi a he hiɔ, loo baalɛ ba zugba a nɔ, aloo ke he nyɛli ba sa o ma mi bi ɔmɛ a yi ngɔ wo a ma amɛ eko mi ɔ, haomi tsuaa haomi, aloo hiɔ tsuaa hiɔ nɛ ji ɔ,

Kronika II, 20:8

O ma a ba hi zugba a nɔ hiɛ ɔ, nɛ a po we kɛ wo o hɛ mi nyami. A le

Kronika II, 6:20

Bu we nɛ ɔ he nyɔ kɛ pia. O wo si kaa hiɛmɛ nɛ ɔ ji he nɛ a ma ja mo ngɛ. Lɔ ɔ he ɔ, ke i plɛ ye hɛ mi ngɔ kpee we nɛ ɔ nɛ i fa kue ha mo ɔ, moo bu mi tue.

Kronika II, 6:5

‘Kɛ je be nɛ i jé ye ma Israel kɛ je Egipt ɔ, i hla we ma ko ma ko kɛ ji Israel wɛtso ko mi nɛ a po we ha mi, nɛ a ja mi ngɛ lejɛ ɔ; nɛ i hla we nɔ ko nɔ ko nɛ ba ye ganɔ ngɛ ye ma Israel ɔ nɔ.

Ezra 10:1

Jehanɛ Ezra ya Mawu we ɔ hɛ mi. E fa kue ha Mawu, nɛ e jaje Israel ma a he yayami. Jamɛ a be ɔ tsuo ɔ, e ngɛ ya foe, nɛ e ngɔ e he kɛ ngɛ si fiae. Kɛkɛ nɛ Israel bi babauu, nyumihi, yihi, kɛ jokuɛwi ba bua a he nya ngɛ lejɛ ɔ, nɛ a wo yana.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

La 91:3

E ma je mo kɛ je klamahi nɛ a tsɔ mo ɔ tsuo mi. E ma je mo kɛ je gbenɔ hiɔ hu mi ja nɔuu.

Mose II, 20:24

Nyɛɛ ngɔ zu kɛ puɛ bɔ sami la tɛ ha mi, nɛ nyɛɛ ngɔ jijɔ, kɛ na kɛ pee sami bɔ, kɛ tue mi jɔmi bɔ ngɛ nɔ. He tsuaa he nɛ i fa nyɛ ke nyɛ ja mi ngɛ ɔ, ma ba lejɛ ɔ nɛ ma ba gbaa nyɛ.

Mose II, 23:21

Moo bu lɛ, nɛ o nu e gbi, nɛ o ko tsɔ e hɛ mi atuã; ejakaa imi nɛ i tsɔ lɛ, nɛ e kɛ nyɛ tɔmi ɔmɛ be nyɛ pae.

Mateo 18:20

Ejakaa he nɛ ni enyɔ, loo ni etɛ bua a he nya ngɛ ngɛ ye biɛ mi ɔ, i ngɛ a kpɛti ngɛ lejɛ ɔ.”