Kronika II, 20:6 - BAIBLO ALOO NGMAMI KLƆUKLƆU Ɔ

⁶ nɛ e fa kue ke, “Yawɛ, wa nɛmɛ a Mawu lee, mo pɛ ji Mawu ngɛ hiɔwe, nɛ o yeɔ je ma amɛ tsuo a nɔ. O kle agbo; o ngɛ he wami, nɛ nɔ ko be nyɛe maa da o hɛ mi.

Kronika II, 20:6 ပူးပေါင်းရင်းမြစ်များ

Matsɛmɛ I, 8:23

nɛ e sɔle ke, “Yawɛ, Israel Mawu lee, mawu ko mawu ko be hiɔwe, loo zugba nɛ ngɛ kaa mo! Somi nɛ o kɛ o ma a so ɔ, o yeɔ nɔ; nɛ ke a bu mo tue kɛ a tsui tsuo ɔ, o jeɔ o suɔmi nɛ se pui ɔ kpo ngɔ tsɔɔ mɛ.

Matsɛmɛ I, 8:30

Ke o tsɔlɔ, aloo o ma, Israel ba hiɛmɛ nɛ ɔ ba kpa pɛɛ ɔ, o nu ngɛ o hi he ɔ ngɛ hiɔwe, nɛ o ngɔ pa wɔ.

Kronika I, 29:18

Yawɛ, wa nɛmɛ Abraham, Isak, kɛ Yakob a Mawu lee, ha nɛ suɔmi nɛ o ma a ngɛ kɛ ha mo ɔ nɛ tsa nɔ; ha nɛ a bu mo tue kɛ ya neneene.

Kronika II, 20:5

A kɛ ni nɛmɛ nɛ ngɛ Yerusalem ɔ tsuo ya bua a he nya ngɛ kue he ɔ mi ngɛ Yawɛ we ɔ. Kɛkɛ nɛ Matsɛ Yehoshafat ho ya da si ngɛ a kpɛti,

Kronika II, 25:8

Ke o susu kaa ke a ba piɛ o he nɛ o he maa wa a, o sisi o he pɛ. Ejakaa ke nɔ ko maa ye kunimi ngɛ ta mi, loo a maa ye e nɔ ɔ, e je Mawu; Mawu ma ha nɛ o he nyɛli ɔmɛ maa ye o nɔ.”

Kronika II, 6:14

E sɔle ke, “Yawɛ, Israel Mawu lee, mawu ko mawu ko be hiɔwe, loo zugba nɛ ngɛ kaa mo! Somi nɛ o kɛ o ma a so ɔ, o yeɔ nɔ; nɛ ke a bu mo tue kɛ a tsui tsuo ɔ, o jeɔ o suɔmi nɛ se pui ɔ kpo ngɔ tsɔɔ mɛ.

Hiob 9:4

Mawu ɔ, e le ní, nɛ e he wa. Mɛnɔ lɛ te si kɛ si Mawu hyɛ nɛ e hi ha lɛ?

La 115:3

Wa Mawu ɔ, hiɔwe e ngɛ; nɔ́ tsuaa nɔ́ nɛ e suɔ ɔ, lɔ ɔ e peeɔ.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 47:2

Yawɛ, nɔ nɛ ngɛ hiɔwe lokoo ɔ he ngɛ gbeye. Matsɛ kpetekpleenyɛ nɛ yeɔ je ɔ tsuo nɔ ji lɛ.

La 47:8

Mawu hii si ngɛ e matsɛ sɛ klɔuklɔu ɔ nɔ! E ngɛ je ma amɛ tsuo a nɔ yee.

La 54:1

Mawu, ngɔɔ o he wami ɔ kɛ kpɔ mi. Ngɔɔ o he wami kpetekpleenyɛ ɔ kɛ wo mi nguɔ!

La 62:11

Pi si kake pɛ nɛ Mawu tu munyu nɛ ɔ; e de si abɔ ke, he wami ɔ, lɛ Mawu ɔ e ngɔ e jee.

Mose II, 3:6

E ya nɔ nɛ e de lɛ ke, “Imi ji o nɛmɛ Abraham, Isak, kɛ Yakob a Mawu ɔ nɛ!” Mose ngɔ nɔ́ kɛ ha e hɛ mi, ejakaa e ngɛ gbeye yee kaa e maa na Mawu.

Yesaya 14:27

Yawɛ Tabohiatsɛ ɔ pee e yi mi kaa e ma tsu nɔ́ nɛ ɔ; e wo e kɔni nɔ momo ke e maa gbla a tue, nɛ nɔ ko nɔ ko be nyɛe maa tsi e nya.

Yesaya 66:1

Bɔ nɛ Yawɛ ngɛ dee ji nɛ ɔ nɛ: “Hiɔwe ji ye matsɛ sɛ, nɛ zugba ji nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ, nɛ jije ye he jɔɔmi he ngɛ?

Yeremia 49:19

Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja ma ba tlukaa, nɛ ma ba fie Edom bi ɔmɛ kɛ je a zugba a nɔ kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da nɛɛ?

Daniel 4:17

Mawu bɔfo ɔmɛ nɛ a nɔ tsɔ, nɛ a hɛngmɛhi ngɛ si poe ɔ, bɔ nɛ a de ji nɛ ɔ nɛ. Lɔ ɔ he ɔ, nihi tsuo pɛpɛɛpɛ nɛ a na nɛ a le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ, nɔmlɔ ngua jio, nɔmlɔ wayo jio.’

Daniel 4:25

A maa fie mo kɛ je nimlihi a kpɛti, nɛ o kɛ pu mi lohwehi ma ya hi si. O ma kpe nga kaa na, nɛ bɔ́ maa nɛɛ mo jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

Mateo 6:9

Lɔ ɔ he ɔ, nyɛɛ sɔle kaa kikɛ nɛ ɔ: ‘Wa Tsɛ nɛ ngɛ hiɔwe; O biɛ ɔ he nɛ tsɔ.

Ni Tsumi 11:17

E fɔɔ si paa kaa nike ní ɔ nɛ wa ná benɛ wa he Nyɔmtsɛ Yesu Kristo ye ɔ, lɔ ɔ nɔuu nɛ Mawu ha jamɛ a ma je li ɔmɛ ɔ nɛ. Mɛnɔ ji mi mɔ nɛ ma de ke i ngɛ Mawu nya tsie!”

Romabi 9:19

Nyɛ ti nɔ ko ma bi mi ke, “Mɛni he je Mawu piaa wɔ mɔ? Nɔ́ nɛ e to e yi mi kaa e maa pee ɔ, anɛ nɔ ko ma nyɛ tsi nya lo?”

Mose V, 4:39

Lɔ ɔ he ɔ, mwɔnɛ ɔ, nyɛ na nyɛɛ le, nɛ nyɛ hɛ ko je nɔ gblegbleegble kaa Yawɛ ji Mawu ngɛ hiɔwe kɛ zugba; e se ɔ, nɔ ko be.

Yoshua 2:11

Benɛ wa nu sane nɛ ɔmɛ ɔ, wa tsui po, nɛ nyumu ɔmɛ a kã nya ta; ejakaa Yawɛ, nyɛ Mawu ɔ pɛ ji Mawu nɛ ngɛ hiɔwe kɛ zugba.