Kronika II, 20:30 - BAIBLO ALOO NGMAMI KLƆUKLƆU Ɔ

³⁰ Yehoshafat ye matsɛ ngɛ tue mi jɔmi mi, ejakaa e Mawu ɔ ha lɛ he jɔmi ngɛ he tsuaa he kɛ bɔle si.

Kronika II, 20:30 ပူးပေါင်းရင်းမြစ်များ

Kronika II, 15:15

Yuda ma a tsuo nya, ejakaa a so somi nɛ ɔ kɛ a tsui tsuo. A bua jɔ Yawɛ jami ɔ he, nɛ Yawɛ hu he mɛ, nɛ e ha mɛ tue mi jɔmi ngɛ he tsuaa he.

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

Abɛ Womi 16:7

Ke Yawɛ ná o he bua jɔmi ɔ, o he nyɛli tete po e ma ha o kɛ mɛ maa hi si ngɛ tue mi jɔmi mi.

Hiob 34:29

Ke Mawu pee dii ɔ, mɛnɔ maa pa e nya mi? Ke e ngɔ e hɛ mi kɛ laa a, mɛnɔ maa na lɛ; ma ko loo, aloo nɔmlɔ adesa ko?

Samuel II, 7:1

Benɛ Matsɛ David ba ngɛ e we ɔ mi, nɛ Yawɛ ha he jɔmi ba zugba a nɔ, nɛ David kɛ e he nyɛli nɛ bɔle lɛ kɛ kpe ɔ jɔɔ ta hwumi ɔ,

Yoshua 23:1

Be saii se ɔ, Yawɛ ha Israel tue mi jɔmi, nɛ a he nyɛli ɔmɛ nɛ bɔle mɛ ɔ doo we a nya hu. Jamɛ a be ɔ mi ɔ, Yoshua bwɔ kotokoto.

La 76:8

O kojo, nɛ a nu he kɛ je hiɔwe tɔɔ; je ɔ ye gbeye, nɛ e pee dii.

Mose III, 26:6

“Ma ha nyɛ tue mi maa jɔ nyɛ ngɛ nyɛ zugba a nɔ. Nyɛ maa hwɔ mahe fuaa, nɛ nyɛ be nɔ ko gbeye yee. Ma je lohwe dikali kɛ je zugba a nɔ, nɛ a be ta hwue ngɛ zugba a nɔ hu.

Hiob 11:19

Ke o hwɔ si ɔ, o be gbeye yee; nihi babauu ma ba bi yemi kɛ buami ngɛ o dɛ.

Abɛ Womi 3:24

Ke o hwɔ si ɔ, o be gbeye yee; o maa hwɔ mahe vii nyɔ mi tsuo.

Zefania 3:13

Israel bi nɛ maa piɛ ɔ, a be nɔ́ yayami pee; a be lakpa yee, nɛ a be nɔ sisie hulɔ. A ma plɔke, nɛ a he mi maa jɔ mɛ, nɛ nɔ ko nɔ ko be nyɛe maa wo a he gbeye.”