Kronika II, 20:27 - BAIBLO ALOO NGMAMI KLƆUKLƆU Ɔ

²⁷ Yehoshafat nyɛɛ e tabo ɔ hɛ mi kɛ kpale kɛ ba Yerusalem kɛ manye, ejakaa Yawɛ ye a he nyɛli ɔmɛ a nɔ kunimi.

Kronika II, 20:27 ပူးပေါင်းရင်းမြစ်များ

Nehemia 12:43

A sã bɔhi babauu jamɛ a ligbi ɔ, nɛ ma a nyá saminya; ejakaa Mawu ha nɛ a bua jɔ wawɛɛ nitsɛ. Yi ɔmɛ, kɛ jokuɛwi ɔmɛ hu piɛ he kɛ ye nyami ligbi ɔ; nɛ a nu ngmlaa a he ngɛ se lokoo.

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Hebribi 6:20

Wa he ɔ, Yesu sɛ wa hɛ mi kɛ ho lejɛ ɔ ya, nɛ e ya pee osɔfo nɔkɔtɔma pe kulaa kɛ yaa neneene kaa Melkizedek pɛ.

Mika 2:13

Mawu ma bli blɔ ha mɛ, nɛ e ma je mɛ kɛ je a nyɔguɛ si himi ɔ mi. A maa gu ma agbo ɔmɛ a mi kɛ je kpo, nɛ a maa ye a he. A matsɛ ɔ nɛ ji Yawɛ nitsɛ maa nyɛɛ a hɛ mi.

Yesaya 51:11

Nihi nɛ mo Yawɛ, o kpɔ mɛ ɔ, a kɛ bua jɔmi ma la kɛ ba Yerusalem. A bua maa jɔ kɛ maa ya neneene; aywilɛho kɛ kɔmɔ yemi tsuo se maa po.

Yesaya 35:10

A maa kpale kɛ ba Yerusalem; a ma la nɛ a ma hwɔ lele. A be kɔmɔ kɛ aywilɛho yee gblegbleegble hu. A bua maa jɔ kɛ maa ya neneene.

La 30:1

Ma je o yi Yawɛ, ejakaa o he ye yi wami. O ha we nɛ ye he nyɛli nɛ nya; o ngmɛ́ mɛ blɔ nɛ a ye ye he fɛu.

La 20:5

Ke o ye kunimi ɔ, wa ma hwɔ lele. Wa ma wo aflangaa nɔ ngɛ wa Mawu ɔ hɛ mi kɛ tsɔɔ kaa wa bua jɔ. Yawɛ nɛ ha mo níhi tsuo nɛ o fa a he kue ɔ.

Samuel I, 2:1

Hana sɔle nɛ e de ke, “Yawɛ ha ye tsui mi hyi kɛ bua jɔmi; hyɛ bɔ nɛ ye bua jɔ ha ngɛ nɔ́ nɛ e pee ɔ he! I muɔ ye he nyɛli ɔmɛ; ye bua jɔ ye he, ejakaa Mawu ye bua mi!

Kronika II, 20:26

Ligbi nɛ ji eywiɛ ɔ, a ya bua a he nya ngɛ Beraka kɔ̃ ɔ mi, nɛ a je Yawɛ yi ngɛ nɔ́ nɛ e tsu ha mɛ ɔ he. Enɛ ɔ he je nɛ a tsɛɛ jamɛ a kɔ̃ ɔ ke “Beraka” a nɛ.

Kronika II, 20:28

Benɛ a ba su ma a mi ɔ, a fia saku, nɛ a kpa bɛ, kɛ titimati kɛ ya sɛ Yawɛ we ɔ mi.

Ezekiel 46:10

Ke ma a ma ja Yawɛ ɔ, ganɔ ɔ kɛ mɛ nɛ ba; ke a maa kpale kɛ ya a, e kɛ mɛ nɛ ho.