Kronika II, 20:24 - BAIBLO ALOO NGMAMI KLƆUKLƆU Ɔ

²⁴ Benɛ Yuda ta buli ɔmɛ ba su buli a mɔ ɔ he ngɛ nga a nɔ ɔ, a plɛ hyɛ he nyɛli ɔmɛ, nɛ a na kaa mɛ tsuo pɛpɛɛpɛ a gbo kɛ pueɔ si. Nɔ kake ngmelu ji mi.

Kronika II, 20:24 ပူးပေါင်းရင်းမြစ်များ

Yesaya 37:36

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli 185,000 ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.

La 110:6

E maa gbla je ma amɛ a tue; nɛ ma amɛ a mi ma hyi tɔ kɛ ni gbogboehi. E ma kpata matsɛmɛ ɔmɛ a hɛ mi ngɛ je ɔ mi tsuo.

Ezra 9:14

Anɛ wa ma gbo tue ekohu nɛ waa kɛ nihi nɛ peeɔ musu bɔmi ní nɛ ɔmɛ nɛ sɛ gba si himi mi lo? Anɛ o mi mi be la woe wawɛɛ kɛ yaa si o ma kpata wɔ tsuo wa hɛ mi pɛsɛpɛsɛ nɛ nɔ kake po be piɛe lo?

Kronika I, 5:22

A gbe he nyɛli ɔmɛ a ti nihi babauu, ejakaa ta a, Mawu nine ngɛ mi. Nɛ a hi jamɛ a zugba a nɔ hluu kɛ ya si be nɛ a je Asiria nɛ a ba nuu mɛ kɛ ho.

Mose II, 14:30

Bɔ nɛ Yawɛ pee kɛ kpɔ Israel bi ɔmɛ kɛ je Egipt bi ɔmɛ a dɛ jamɛ a ligbi ɔ ji nɛ ɔ nɛ. Israel bi ɔmɛ na Egipt bi ɔmɛ nɛ a gbo kɛ pueɔ si ngɛ wo ɔ nya.

Kronika II, 20:23

Amon bi ɔmɛ, kɛ Moab bi ɔmɛ ya tua Edom bi ɔmɛ, nɛ a kpata a hɛ mi. Benɛ a gbe Edom bi ɔmɛ se ɔ, a plɛ ngɔ kpee a he kɛ ya si a kpata a sibi a hɛ mi.

Kronika II, 20:25

Yehoshafat kɛ e ta buli ɔmɛ ba nɛ a ba ha ní ngɛ ni gbogboe ɔmɛ a he. Ta yibu ní nɛ a ha ji nɛ ɔmɛ nɛ: na babauu, niye ní, tade, kɛ ní kpa komɛ nɛ a he jua wa. A ngɔ ligbi etɛ kɛ bua ta yibu ní ɔmɛ a nya. Se a je fuu he, ejakaa ní ɔmɛ hiɛ tsɔ.

Mose II, 14:28

Nyu ɔ kpale ba tsa, nɛ Farao ɔ ta zugba lɛ ɔmɛ, e we okpɔngɔ ta buli ɔmɛ, kɛ e tabo ɔ tsuo nɛ nyɛɛ Israel bi ɔmɛ a se kɛ ya sɛ wo ɔ mi ɔ tlɔ mi nɛ a ti nɔ kake po píɛ.

Matsɛmɛ II, 19:35

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli akpe lafa kɛ nyingmi kpaanyɔ kɛ enuɔ ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.