Kronika II, 20:22 - BAIBLO ALOO NGMAMI KLƆUKLƆU Ɔ

²² Benɛ a hia la a nɛ a bɔni Yawɛ yi jemi pɛ Yawɛ ha nɛ basabasa te si ngɛ he nyɛli ɔmɛ nɛ ba tua Yuda a a kpɛti, nɛ a fia a he ní. Mɛ ji Amon, Moab kɛ Edom bihi.

Kronika II, 20:22 ပူးပေါင်းရင်းမြစ်များ

Ezekiel 38:21

Ma ngɔ haomi slɔɔtoslɔɔtohi babauu kɛ wo Gog he gbeye. Imi, Nyɔmtsɛ Yawɛ lɛ i de. A maa hwu ta gbeyegbeye ko ngɛ yo ɔmɛ a nɔ. Nimli maa hia klaate kɛ wo a sibi.

Samuel I, 14:20

Kɛkɛ nɛ Saul kɛ e we bi ɔmɛ tsuo bua a he nya kɛ ya sɛ ta a mi; se basabasa a ha Filisti bi ɔmɛ wo klaate nɔ ngɛ mɛ nitsɛmɛ a sibi a nɔ.

Yesaya 19:2

Yawɛ ke, “Ma ha Egipt bi ɔmɛ ma gba ta kɛ wo mɛ nitsɛmɛ a he; nɔ kɛ e nyɛmi, nɔ kɛ e piɛ nine nɔ no, zugba kɛ zugba, ma kɛ ma, matsɛ kɛ matsɛ.

Matsɛmɛ II, 6:17

Kɛkɛ nɛ Elisha sɔle nɛ e de ke “Yawɛ, i kpa mo pɛɛ, bli e hɛngmɛ nɛ e hyɛ nɔ́.” Yawɛ bli niheyo ɔ hɛngmɛ; nɛ benɛ e ke e hyɛɛ ɔ, la okpɔngɔhi, kɛ la ta zugba lɛhi babauu ji nɛ ɔ ngɛ yoku ɔ nɔ nɛ bɔle Elisha kɛ kpe.

Manyadali 7:22

Benɛ Gideon we bi ɔmɛ ngɛ titimati lafa etɛ ɔmɛ kpae ɔ, jamɛ a be ɔ mi nɔuu ɔ, Yawɛ ha he nyɛli ɔmɛ hia klaate kɛ wo mɛ nitsɛmɛ a sibi a he. Nɛ ta buli ɔmɛ tsuo tu fo kɛ ho tsitsaa Bet Shita ya ngɛ Zerera kasa nya, kɛ ya su Abel Mehola huzu ɔ nya, ngɛ Tabat kasa nya.

Kronika II, 20:10

“Amlɔ nɛ ɔ, Amon bi, Moab bi, kɛ Edom bi ba tua wɔ. Benɛ wa nɛmɛ ɔmɛ je Egipt kɛ ma a, o kplɛɛ we nɛ a ya gu jamɛ a zugba amɛ a nɔ. Enɛ ɔ he je ɔ, wa nɛmɛ ɔmɛ ya lɔgɔ mɛ, nɛ a kpataa we a hɛ mi.

Kronika II, 13:13

Jamɛ a be ɔ mi ɔ, Yeroboam tsɔ e ta buli ɔmɛ ekomɛ nɛ a ya wo ka ngɛ Yuda tabo ɔmɛ a se je. Tabo ɔmɛ nɛ piɛ ɔ, mɛɛ lɛɛ a ngɔ a hɛ mi ngɔ kpee Yuda tabo ɔmɛ.

Samuel I, 14:16

Saul e buli ɔmɛ nɛ ngɛ Gibea ngɛ Benyamin ɔ na Filisti bi ɔmɛ nɛ a gbɛ fĩa, nɛ́ a ngɛ fo tue nɛ a li he nɛ a yaa.

Kronika II, 21:8

Yehoram yi nɔ ɔ, Edom tsɔ Yuda hɛ mi atuã, nɛ mɛ nitsɛmɛ a ya wo matsɛ kɛ ha a he.

Yoshua 6:16

Si kpaagone ɔ, benɛ osɔfo ɔmɛ ma bɔni titimati ɔmɛ kpami pɛ nɛ Yoshua fa ma a ke, “Nyɛ he ose, ejakaa Yawɛ ngɔ ma a ngɔ wo nyɛ dɛ!

Samuel II, 22:4

Ma fa kue ha Yawɛ; e ma kpɔ mi ngɛ ye he nyɛli a dɛ mi. A je Yawɛ yi.

Kronika II, 13:15

Yuda bi ɔmɛ he ose, nɛ Abiya nyɛɛ a hɛ mi kɛ ya tua Israel bi ɔmɛ. Mawu ye Yeroboam kɛ Israel ma a tsuo a nɔ kunimi.

La 18:4

Gbenɔ oslaa bɔle mi kɛ kpe; niinɛ, nimli yayamihi babauu bɔle mi kaa pa nɛ hia kɛ bee.