Kronika II, 20:21 - BAIBLO ALOO NGMAMI KLƆUKLƆU Ɔ

²¹ Enɛ ɔ se ɔ, matsɛ ɔ kɛ ma a kpe yi, nɛ e fa lali ɔmɛ ke a wo a tade klɔuklɔu ɔmɛ, nɛ a nyɛɛ tabo ɔ hɛ mi, nɛ a hi lae ke, “Nyɛɛ na Yawɛ si, ejakaa e suɔmi ɔ ngɛ daa!”

Kronika II, 20:21 ပူးပေါင်းရင်းမြစ်များ

La 107:1

“Nyɛɛ na Yawɛ si, ejakaa e hi, nɛ e suɔmi ɔ ngɛ kɛ yaa neneene!”

La 106:1

Nyɛ je Yawɛ yi! Nyɛɛ na Yawɛ si, ejakaa e hi; e naa mɔbɔ kɛ yaa neneene!

Kronika I, 16:34

Nyɛɛ na Yawɛ si, ejakaa e hi; e suɔmi ɔ ngɛ kɛ yaa neneene.

Kronika I, 16:29

Nyɛɛ ngɔ hɛ mi nyami nɛ sa Yawɛ biɛ ɔ kɛ ha lɛ; nyɛɛ hɛɛ nɔke nɔ́ ko kɛ ba e hɛ mi. Nyɛɛ pee nyɛ he klɔuklɔu; nyɛ bua nyɛ he nya, nɛ nyɛ ja Yawɛ.

La 29:2

Nyɛɛ wo Yawɛ hɛ mi nyami bɔ nɛ sa lɛ. Nyɛ ja Yawɛ ngɛ klɔuklɔu peemi mi.

Yeremia 33:11

bua jɔmi, kɛ lele hwɔmi gbi ekohu. Nyɛ maa nu ayɛflo kɛ e huno a gbi, kɛ la nɛ nihi nɛ ngɔ sina bɔhi kɛ ma Yawɛ we ɔ ngɛ lae ke, ‘Nyɛɛ na Yawɛ Tabohiatsɛ ɔ si, ejakaa Yawɛ hi, nɛ e suɔmi ɔ ngɛ daa!’ Ma ha nɛ kplɔkɔtɔ, kɛ he jɔmi maa ba zugba nɛ ɔ nɔ kaa kekle ko ɔ. Imi, Yawɛ lɛ i de.”

Kronika II, 7:6

Osɔfo ɔmɛ ya da a blɔ he ɔmɛ, nɛ Levi bi ɔmɛ ya da si nɛ a plɛ a hɛ mi kɛ kpee osɔfo ɔmɛ. A fia sakuhi nɛ Matsɛ David kpɛ ɔ kɛ je Yawɛ yi, nɛ a la ke, “Yawɛ suɔmi ɔ ngɛ daa kɛ daa!” Blɔ nya nɛ David to kɛ ha Levi bi ɔmɛ ji nɛ ɔ nɛ. Benɛ Israel ma a tsuo daa si ɔ, osɔfo ɔmɛ kpa titimatihi.

Kronika II, 7:3

Benɛ Israel bi ɔmɛ tsuo na la nɛ je hiɔwe ɔ, kɛ Yawɛ hɛ mi nyami ɔ nɛ ba hyi we ɔ tɔ ɔ, a kɛ a hɛ mi bu si ngɛ he nɛ a ka tɛ ngɛ ɔ. A ja Yawɛ, nɛ a na lɛ si, nɛ a de ke, “A je Yawɛ yi! Ejakaa e hi, Ejakaa e mɔbɔ nami ɔ ngɛ kɛ yaa neneene.”

La 96:9

Nyɛɛ pee klɔuklɔu nɛ nyɛ ja Yawɛ; nyɛ je ɔ tsuo, nyɛ he nɛ do blibliibli ngɛ e hɛ mi.

La 90:17

Nyɔmtsɛ, wa Mawu, naa wɔ mɔbɔ! Ha nɛ wa ní tsumi nɛ ya nɔ! Ee, ha nɛ wa ní tsumi nɛ ya nɔ!

Nehemia 12:27

Benɛ a maa julaa Yerusalem gbogbo ɔ, a ya kpee Levi bi ɔmɛ kɛ je hehi tsuo nɛ a ngɛ ɔ kɛ ba. A ba piɛ Yerusalem ma mi bi ɔmɛ a he, nɛ a fia gɔgɔ, kɛ saku, nɛ a la sina lahi nɛ a kɛ ye nyami ligbi ɔ.

Kronika I, 16:41

Ni nɛmɛ nɛ piɛɔ a he kɛ tsuɔ ní tsumi nɛ ɔ ngɛ lejɛ ɔ ji Heman, Yedutun, kɛ ni komɛ nɛ a je blɔ hla mɛ ke a la kɛ je Yawɛ yi ngɛ e suɔmi nɛ ngɛ daa a he.

Abɛ Womi 11:14

Ma nɛ na we ga woli kpakpa a, e ywiaa. Se ma, he nɛ ga woli kpakpa hiɛ ngɛ ɔ, tue mi jɔmi ngɛ lejɛ ɔ.

La 50:2

Mawu hɛ mi nyami ɔ ngɛ kpɛe saminyayoo; Zion, ma nɛ ngɛ fɛu kɛ pi si ɔ mi e ngɛ kpɛe kɛ ngɛ jee.

Kronika II, 30:21

Israel bi nɛ bua a he nya ngɛ Yerusalem ɔ ye Abolokplolo nyami be ɔ ligbi kpaago sɔuu kɛ bua jɔmi nɛ nya wa. Daa ligbi ɔ, Levi bi ɔmɛ, kɛ osɔfo ɔmɛ fiaa kpa saku, nɛ a laa kɛ jeɔ Yawɛ yi kɛ a tsui tsuo.

La 18:4

Gbenɔ oslaa bɔle mi kɛ kpe; niinɛ, nimli yayamihi babauu bɔle mi kaa pa nɛ hia kɛ bee.