Kronika II, 20:17 - BAIBLO ALOO NGMAMI KLƆUKLƆU Ɔ

¹⁷ Pi nyɛ nɛ nyɛ maa hwu ta nɛ ɔ. Nyɛɛ lɛɛ nyɛ ya da nyɛ blɔ hehi ngɛ nyɛ ta a nya, nɛ nyɛɛ mlɛ; nyɛ maa na kunimi nɛ Yawɛ maa ye ha nyɛ. Nyɛ Yuda, kɛ Yerusalem bi, nyɛ ko ye gbeye, nɛ nyɛ tsui ko po. Hwɔɔmɛ a je hwɔɔ ɔ, nyɛɛ ya nɛ nyɛɛ kɛ mɛ ya kpe, ejakaa Yawɛ kɛ nyɛ ngɛ!”

Kronika II, 20:17 ပူးပေါင်းရင်းမြစ်များ

Matsɛmɛ I, 20:13

Jamɛ a be ɔ nɔuu ɔ, gbalɔ ko ba Israel matsɛ Ahab ngɔ, nɛ e ba de lɛ ke, “Yawɛ ke, ‘Koo ye tabo agbo nɛ ɔ gbeye! Mwɔnɛ ɔ, ma ngɔ mɛ kɛ wo o dɛ mi, konɛ o na nɛ o le kaa imi ji Yawɛ.’ ”

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Kronika II, 20:16

Hwɔɔ ɔ, nyɛɛ hia nɛ nyɛɛ kɛ mɛ ya kpe; a gu Ziz yo kpɛ blɔ ɔ nɔ kɛ ma; nyɛ ma ya na mɛ ngɛ kɔ̃ ɔ nya ngɛ Yeruel nga a hɛ mi.

Kronika II, 32:7

“Nyɛ wlua nyɛ, nɛ nyɛɛ pee kã. Nyɛ ko ye Asiria matsɛ ɔ kɛ e ta babauu ɔ gbeye; ejakaa nɔ nɛ kɛ wɔ ngɛ ɔ, e he wa kulaa pe nɔ nɛ kɛ mɛ ngɛ ɔ.

Kronika II, 32:8

Niinɛ, Asiria matsɛ ɔ ngɛ ta buli babauu, se mɛ tsuo pɛpɛɛpɛ ɔ, nimli adesahi kɛkɛ ji mɛ. Wɔɔ lɛɛ Yawɛ, wa Mawu ɔ maa piɛ wa he; lɛ ji nɔ nɛ maa hwu ta amɛ ha wɔ!” Munyu nɛ ɔ nɛ Yuda matsɛ, Hezekia tu ɔ, wo ma a he wami.

La 46:7

Yawɛ, Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

Mose II, 14:25

Yawɛ ha nɛ Egipt bi ɔmɛ a ta zugba lɛ ɔmɛ a nanehi pu zu, nɛ a nyɛɛmi pee dengme. Egipt bi ɔmɛ a nya hé gbi nɛ a de ke, “Nyɛ ha waa tu fo ngɛ Israel bi ɔmɛ a nya; ejakaa Yawɛ piɛ a he nɛ e kɛ wɔ Egipt bi ɔmɛ ngɛ fiae.”

Mose II, 6:1

Kɛkɛ nɛ Yawɛ de Mose ke, “Kpaako loko o maa na nɔ́ nɛ ma pee Farao ɔ, ejakaa lɛ nitsɛ e kɛ e he wami maa fie Israel bi ɔmɛ kɛ maa je e zugba a nɔ.”

Yesaya 30:15

Nyɔmtsɛ Yawɛ, Israel Mawu klɔuklɔu ɔ ngɛ ma a dee ke, “Nyɛɛ kpale kɛ ba, nɛ nyɛɛ ngɔ nyɛ hɛ ngɔ fɔ ye nɔ kpoo. Ja jã loko nyɛ he maa wa, nɛ nyɛ ma na wami.” Se nyɛ kplɛɛ we kaa nyɛ maa pee ja!

Yesaya 30:7

Egipt be nɔ́ kpakpa ko nyɛe maa pee. Lɔ ɔ he ɔ, i wo lɛ se mi biɛ ke, ‘Nyaka nɛ tee, se e he be gbeye.’ ”

Yesaya 37:6

e ngɔ Yawɛ sɛ gbi nɛ ɔ mane lɛ ke, “Munyuhi nɛ nyɛ nu nɛ Asiria matsɛ tsɔli ɔmɛ ba tu kɛ pue ye hɛ mi si ɔ, nyɛ ko ye gbeye ngɛ he.

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Kɔmɔ Yemi 3:26

Lɔ ɔ he ɔ, e sa kaa waa to wa tsui si kɛ hyɛ Yawɛ blɔ, konɛ e he wa yi wami.

Amos 5:14

Nyɛɛ pee nɔ́ kpakpa, se pi nɔ́ yayami, konɛ nyɛ yi nɛ na wami. Ke nyɛ pee ja a, Yawɛ Tabohiatsɛ Mawu ɔ kɛ nyɛ maa hi si saminya kaa bɔ nɛ nyɛ deɔ daa ke e kɛ nyɛ ngɛ ɔ.

Mose IV, 14:9

Se, nyɛ ko tsɔ Yawɛ hɛ mi atuã. Nimli nɛ ngɛ zugba a nɔ hu, nyɛ ko ye mɛ gbeye; wa maa ye a nɔ kunimi hɛngmɛfia. A he wami nya ba si, se wɔɔ lɛɛ Yawɛ kɛ wɔ ngɛ. Lɔ ɔ he ɔ, nyɛ ko ye mɛ gbeye.”

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Mose V, 3:22

Nyɛ ko ye mɛ gbeye, ejakaa Yawɛ, nyɛ Mawu ɔ maa hwu ha nyɛ.’ ”

2 Timoteo 4:22

Wa Nyɔmtsɛ Yesu Kristo nɛ gbaa mo. Mawu dloomi ɔ kɛ nyɛ nɛ hi si!

Manyadali 7:21

Nɔ tsuaa nɔ daa si ngɛ e blɔ he kɛ bɔle ta a kɛ kpe. Kɛkɛ nɛ he nyɛli ɔmɛ a tabo ɔ tsuo gbɛ, nɛ a kɛ bubuubui tu fo.

Samuel I, 17:47

nɛ ma a nɛ bua ngɛ hiɛ ɔ hu maa le kaa pi klaate kɛ akplɔ nɛ Yawɛ kɛ heɔ nɔ yi wami. Yawɛ ye kunimi momo ngɛ ta a nya, nɛ e ma je nyɛ kɛ wo wa dɛ mi.”