Yahaziel de ke, “Nɛnɛ Yehoshafat, nyɛ Yuda bi, kɛ Yerusalem bi tsuo, nyɛɛ bu tue! Yawɛ ke nyɛ tsui nɛ ko po, nɛ nyɛ ko ye gbeye kaa nyɛɛ kɛ ta babauu nɛ ɔ ma ya kpe, ejakaa ta a, tsa pi nyɛ nɔ́; Mawu nitsɛ ta ji ta a!
Pi nyɛ nɛ nyɛ maa hwu ta nɛ ɔ. Nyɛɛ lɛɛ nyɛ ya da nyɛ blɔ hehi ngɛ nyɛ ta a nya, nɛ nyɛɛ mlɛ; nyɛ maa na kunimi nɛ Yawɛ maa ye ha nyɛ. Nyɛ Yuda, kɛ Yerusalem bi, nyɛ ko ye gbeye, nɛ nyɛ tsui ko po. Hwɔɔmɛ a je hwɔɔ ɔ, nyɛɛ ya nɛ nyɛɛ kɛ mɛ ya kpe, ejakaa Yawɛ kɛ nyɛ ngɛ!”
Yawɛ de Yoshua ke, “Koo ye mɛ gbeye. Hwɔɔ be nɛ ɔ mi ɔ, i gbe mɛ tsuo pɛpɛɛpɛ kɛ ha Israel momo. O maa poo a we okpɔngɔ ɔmɛ a nane se pani, nɛ o maa sã a ta zugba lɛ ɔmɛ.”