Kronika II, 20:1 - BAIBLO ALOO NGMAMI KLƆUKLƆU Ɔ

¹ Pee se ɔ, Moab bi kɛ, Amon bi, kɛ a huɛmɛ nɛ ji Meun bi ɔmɛ ba tua Yuda ma a.

Kronika II, 20:1 ပူးပေါင်းရင်းမြစ်များ

Kronika I, 4:41

Yuda matsɛ, Hezekia yi nɔ ɔ, nihi nɛ a wo a biɛ ta nɛ ɔ ya Gerar nɛ a ya gbɛ lejɛ ɔ ma mi bi ɔmɛ a bo tsuhi, nɛ a kpata Meun bi ɔmɛ a hɛ mi. A fie ni ɔmɛ kɛ je ma a mi, nɛ a hi lejɛ ɔ, ejakaa niye ní ngɛ lejɛ ɔ kɛ ha a lohwe ɔmɛ.

Kronika II, 14:8

Matsɛ Asa ngɛ ta buli nɛ je Yuda. A hiɛmi ji akpe lafa etɛ; nɛ a hɛɛɔ tsɛ̃i kɛ akplɔ. E ngɛ ta buli nɛ je Benyamin hulɔ. A hiɛmi ji akpe lafa enyɔ kɛ nyingmi kpaanyɔ; nɛ mɛɛ a hɛɛɔ tsɛ̃i kɛ kɛ̃ɛ̃. Ta buli katsɛmɛ ji kulaa mɛ tsuo pɛpɛɛpɛ.

Kronika II, 19:11

Sanehi tsuo nɛ kɔɔ Yawɛ jami he ɔ, ke Amaria, osɔfo nɔkɔtɔma pe kulaa a ngɔ e nya ngɔ wo mi pɛ, a po sisi; nɔ kpa ko be he blɔ nɛ e deɔ nɔ́ ko hu. Ma mi sanehi lɛɛ, nɔkɔtɔma pe kulaa nɛ maa to blɔ nya ji Ishmael binyumu Zebadia, amlaalo ɔ nɛ ngɛ Yuda a. Ke lɛɛ e tu munyu ɔ, nɔ kpa ko be he blɔ nɛ e deɔ nɔ́ ko hu. Ke a ye sane ko gbe nya nɛ a buá he ɔ, Levi bi ɔmɛ a blɔ nya ní tsumi ji kaa a hyɛ konɛ blɔ nya nɛ kojomi he ɔ to ɔ, a ye nɔ. Nyɛɛ pee kã, nɛ nyɛɛ ye mlaa nɛ ɔmɛ a nɔ. Yawɛ nɛ piɛ nɔ nɛ peeɔ nɔ́ nɛ da a he!”

Kronika II, 19:2

Gbalɔ Yehu, Hanani binyumu ɔ ba kpee matsɛ ɔ, nɛ e de lɛ ke, “Anɛ e da ha mo kaa o ya piɛ yiwutsotsɛmɛ a he, nɛ o kɛ ni nɛmɛ nɛ a sume Yawɛ nɛ bɔ lo? Nɔ́ nɛ o pee nɛ ɔ ha nɛ Yawɛ mi mi fu mo.

Kronika II, 19:5

E to kojoli ngɛ Yuda mahi tsuo nɛ a fia gbogbo ngɔ wo a he ɔ a mi,

Kronika II, 20:10

“Amlɔ nɛ ɔ, Amon bi, Moab bi, kɛ Edom bi ba tua wɔ. Benɛ wa nɛmɛ ɔmɛ je Egipt kɛ ma a, o kplɛɛ we nɛ a ya gu jamɛ a zugba amɛ a nɔ. Enɛ ɔ he je ɔ, wa nɛmɛ ɔmɛ ya lɔgɔ mɛ, nɛ a kpataa we a hɛ mi.

Kronika II, 26:7

Mawu piɛ e he nɛ e kɛ ye Filisti bi, Arabia bi nɛ ngɛ Gurbaal ɔ, kɛ Meun bi ɔmɛ a nɔ kunimi.

Kronika II, 32:1

Matsɛ Hezekia ye Yawɛ anɔkuale, nɛ e sɔmɔ lɛ kɛ e tsui tsuo. Pee se ɔ, Asiria matsɛ, Senakerib ba tua Yuda. E sa mahi nɛ a fia gbogbo ngɔ wo a he ɔ a yi, nɛ e hla kaa e maa ku gbogbo ɔmɛ ngɔ pue si.

Yesaya 16:6

Yuda bi ɔmɛ ma he nɔ ke, “Wa nu kaa Moab bi ɔmɛ woɔ a he nɔ wawɛɛ; a peeɔ pupuupu, nɛ a bui nɔ, se a fiami ɔ ya peeɔ nya mi gu fiami.”

Yesaya 7:1

Ta ba te si benɛ Uzia bibi Ahaz, Yotam bi ɔ ngɛ matsɛ yee ngɛ Yuda a. Lɔ ɔ ji kaa Siria matsɛ, Rezin kɛ Remalia bi Peka, Israel matsɛ ɔ, ba tua Yerusalem; se a nyɛ we nɛ a ngɔ ma a.

Yeremia 10:24

Yawɛ, mo ka o ma a hɛ mi; ka wa hɛ mi bɔ pɛ nɛ sa kɛkɛ. Koo ngɔ abofu kɛ gbla wa tue; ke o pee ja a, wa hɛ mi ma kpata.

Yeremia 49:1

Bɔ nɛ Yawɛ de ngɛ Amon he ji nɛ ɔ nɛ: “Jije Israel nyumu ɔmɛ ngɛ? Anɛ nɔ ko be nɛ ma fa a zugba a he lo? Mɛni he je mɔ nɛ a ngmɛɛ Gad bi ɔmɛ a zugba a he ngɔ ha Milkom jali ɔmɛ nɛ a ba ngɔ zugba a kɛ pee a nɔ́ ɔ?

Kpojemi 3:19

Nihi nɛ i suɔ mɛ ɔ, i kaa a hɛ mi, nɛ i gblaa a tue. Lɔ ɔ he ɔ, o hɛ nɛ dɔ, nɛ o tsake o tsui.