Kronika II, 2:6 - BAIBLO ALOO NGMAMI KLƆUKLƆU Ɔ

⁶ Se mɛnɔ ma nyɛ maa po we nɛ sa ha Mawu? Hiɔwe lokoo ɔ nitsɛ po klee we ha lɛ. Lɛɛ mɛnɔ ji mi mɔ nɛ ma po we ha Yawɛ, kaa ja he nɛ a maa sã tsopa kɛ e he via kɛ ha lɛ ngɛ kɛkɛ.

Kronika II, 2:6 ပူးပေါင်းရင်းမြစ်များ

Samuel II, 7:18

Enɛ ɔ se ɔ, Matsɛ David ya sɛ bo tsu ɔ mi, nɛ e ya hi si ngɛ Yawɛ hɛ mi, nɛ e de ke, “Nyɔmtsɛ Yawɛ, mɛnɔ ji mi, nɛ ye we ɔ hu mɛnɔmɛ ji mɛ loko o hɛɛ mi kɛ ba su he nɛ i ngɛ nɛ ɔ?

Matsɛmɛ I, 7:13

Matsɛ Salomo tsɔ nɛ a ya ngɔ nyumu ko nɛ a tsɛɛ lɛ Huram kɛ je Tiro kɛ ba.

Matsɛmɛ I, 7:14

Yalɔyo ko nɛ je Naftali wɛtso ɔ mi ɔ bi ji lɛ; e tsɛ lɛɛ e je Tiro, nɛ akɔblee ga ní tsulɔ ji lɛ. Huram hu akɔblee ga ní tsulɔ kpanaa ji lɛ; nɛ e ba Salomo ngɔ nɛ e ba tsu akɔblee ní tsumi ɔ tsuo.

Matsɛmɛ I, 8:27

“Se anɛ mo Mawu, o ma nyɛ maa hi zugba a nɔ niinɛ lo? Mo nɛ hiɔwe, kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

Kronika I, 22:15

O ngɛ ní tsuli babauu, tɛ gbali, tso kɛ tɛ a he ni tsuli, ga ní tsuli slɔɔtoslɔɔtohi babauu nɛ tsuɔ

Kronika I, 29:14

“I kɛ ye ma a, mɛnɔmɛ ji wɔ nɛ wa ma nyɛ je wa tsui mi faa kɛ ke mo ní kaa kikɛ nɛ ɔ? Ejakaa nɔ́ tsuaa nɔ́ nɛ wa ngɛ ɔ, mo lɛ o ke wɔ. Lɔ ɔ he ɔ, mo nitsɛ o níhi wa ngɔ ba ha mo nɛ ɔ nɛ.

Kronika II, 1:10

lɔ ɔ he ɔ, ha mi nile, kɛ nɔ́ sisi numi nɛ ma kɛ ye ma nɛ ɔ a nɔ. Ke pi ja a, lɛɛ kɛ ma pee kɛ ye o ma kpetekpleenyɛ nɛ ɔ nɔ kɛɛ?”

Kronika II, 6:18

“Se anɛ mo Mawu, o kɛ nɔmlɔ adesa ma nyɛ maa hi zugba nɛ ɔ nɔ niinɛ lo? Mo, nɛ hiɔwe kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

Mose II, 3:11

Se Mose bi Mawu ke, “Mɛnɔ ji mi, nɛ ma ya Farao ɔ ngɔ, nɛ ma ya je Israel bi ɔmɛ kɛ je Egipt ɔ?”

Mose II, 31:5

nɛ e nine nya da kɛ tɛhi nɛ a he jua wa a he ní tsumi, tso hlɔmi, kɛ ga ní tsumi slɔɔtohi tsuo pɛpɛɛpɛ a tsumi.

Yesaya 66:1

Bɔ nɛ Yawɛ ngɛ dee ji nɛ ɔ nɛ: “Hiɔwe ji ye matsɛ sɛ, nɛ zugba ji nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ, nɛ jije ye he jɔɔmi he ngɛ?

Yeremia 23:24

Anɛ nɔ ko ma nyɛ maa laa e he ngɛ he ko nɛ i be lɛ nae lo? Anɛ nyɛ li kaa i ngɛ he tsuaa he lo? I ngɛ hiɔwe kɛ zugba tsuo.

2 Korintobi 2:16

Nihi nɛ ngɛ blɔ nɔ kɛ yaa hɛ mi kpatami mi ɔ, Kristo sɛ gbi ɔ ji gbenɔ ha mɛ. Se ni nɛmɛ nɛ ngɛ blɔ nɔ kɛ yaa neneene wami mi ɔ lɛɛ sɛ gbi ɔ ji wami ha mɛ. Ní tsumi kaa kikɛ nɛ ɔ, mɛnɔ ma nyɛ?

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Mose V, 12:11

Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.

Mose V, 12:14

Nyɛɛ sã bɔ ɔmɛ ha Yawɛ ngɛ he kake nɛ lɛ nitsɛ e maa to ngɛ nyɛ wɛtso ɔmɛ a kpɛti kake zugba mi ɔ pɛ. Lejɛ ɔ pɛ nyɛɛ sã nyɛ bɔ ɔmɛ nɛ nyɛ maa sã a, nɛ nyɛɛ pee ní kpa amɛ tsuo nɛ i fa nyɛ ke nyɛɛ pee ɔ ngɛ.

Mose V, 12:26

Nyɛɛ ngɔ nyɛ bɔ ɔmɛ nɛ a sãã a, kɛ nike ní klɔuklɔu ɔmɛ nɛ nyɛ wo si ɔ kɛ ya he kake ɔ nɛ Yawɛ to ke a ja lɛ ngɛ ɔ.