Kronika II, 2:5 - BAIBLO ALOO NGMAMI KLƆUKLƆU Ɔ

⁵ We nɛ ma po nɛ ɔ maa kle agbo; ejakaa wa Mawu ɔ kle pe mawu ɔmɛ tsuo.

Kronika II, 2:5 ပူးပေါင်းရင်းမြစ်များ

Kronika I, 16:25

Yawɛ kle, nɛ e sa yi jemi wawɛɛ nitsɛ. E sa nɛ a wo e hɛ mi nyami pe mawu ɔmɛ tsuo.

La 135:5

Imi lɛɛ i le kaa Yawɛ kle; Yawɛ kle pe mawu ɔmɛ tsuo kulaa.

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

1 Timoteo 6:15

Mawu pɛ ji je ɔ tsuo nɔ yelɔ nɛ pe kulaa. Lɛ ji matsɛmɛ a matsɛ, kɛ nyɔmtsɛmɛ tsuo a nyɔmtsɛ. E ma je Kristo kpo kɛ tsɔɔ ngɛ lɛ nitsɛ e be nɛ e to nɛ sa a mi.

Yeremia 10:6

Yawɛ, nɔ ko nɔ ko be nɛ kɛ mo sɔ; O je agbo, nɛ o biɛ hu kle nɛ e je agbo ja nɔuu.

La 145:3

Yawɛ kle, nɛ e sa kaa a je e yi wawɛɛ nitsɛ. E kle pe bɔ nɛ adesa juɛmi ma nyɛ maa su he.

Kronika II, 2:9

kɛ gba tso babauu ha mi; ejakaa we nɛ i to nɛ ma po nɛ ɔ maa kle agbo, nɛ e maa hi fɛu saminya.

Kronika I, 29:1

Matsɛ David de ma kpekpemi ɔ tsuo ke, “Ye bi Salomo nɔ kake too nɛ Mawu hla a, jokuɛyo ji lɛ; e kpa we níhi a si lolo. Ní tsumi ɔ yi gbo; ejakaa pi nimli a mɔ nɛ a yaa mami ɔ, se Yawɛ Mawu ɔ nitsɛ e we.

Matsɛmɛ I, 9:8

We nɛ ɔ maa pee we doku, nɛ nɔ tsuaa nɔ nɛ bee ɔ he mi ma jɔ̃, nɛ e nya maa kpɛ e he; nɛ e ma bi ke, ‘Mɛni he je nɛ Yawɛ pee zugba nɛ ɔ, kɛ we nɛ ɔ kikɛ nɛ ɔ?’

Ezekiel 7:20

A ngɔ a he dlami ní saminyawiiwi nɛ ɔmɛ kɛ pee amagahi, níhi nɛ a hiee, kɛ níhi nɛ ngɛ tai. Enɛ ɔ he ɔ, Yawɛ ha nɛ a june ɔmɛ plɛ pee níhi nɛ he tsɔ we ha mɛ.

Mose II, 18:11

Kpaako loko i ná le paa kaa Yawɛ kle pe mawu ɔmɛ kulaa; ejakaa e he ma a yi wami kɛ je Egipt bi ɔmɛ a dɛ mi, benɛ a ngɛ mɛ nisɛ ní pee ɔ.”

Matsɛmɛ I, 8:27

“Se anɛ mo Mawu, o ma nyɛ maa hi zugba a nɔ niinɛ lo? Mo nɛ hiɔwe, kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

Kronika I, 29:14

“I kɛ ye ma a, mɛnɔmɛ ji wɔ nɛ wa ma nyɛ je wa tsui mi faa kɛ ke mo ní kaa kikɛ nɛ ɔ? Ejakaa nɔ́ tsuaa nɔ́ nɛ wa ngɛ ɔ, mo lɛ o ke wɔ. Lɔ ɔ he ɔ, mo nitsɛ o níhi wa ngɔ ba ha mo nɛ ɔ nɛ.

Kronika II, 6:18

“Se anɛ mo Mawu, o kɛ nɔmlɔ adesa ma nyɛ maa hi zugba nɛ ɔ nɔ niinɛ lo? Mo, nɛ hiɔwe kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

Kronika II, 29:11

Ye bimɛ! Nyɛ ko puɛ be ko hu. Nyɛ ji nihi nɛ Yawɛ hla nɛ nyɛɛ sã tsopa kɛ e he via kɛ ha lɛ. Yawɛ hla nyɛ nɛ nyɛɛ nyɛɛ ma a hɛ mi kɛ sɔmɔ lɛ.”

La 148:4

Nyɛ hiɔwe tsuo, nyɛ je e yi! Nyu nɛ ngɛ hiɔwe yi mi, mo je e yi!

Yesaya 66:1

Bɔ nɛ Yawɛ ngɛ dee ji nɛ ɔ nɛ: “Hiɔwe ji ye matsɛ sɛ, nɛ zugba ji nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ, nɛ jije ye he jɔɔmi he ngɛ?