Kronika II, 2:4 - BAIBLO ALOO NGMAMI KLƆUKLƆU Ɔ

⁴ I yaa po we kɛ wo Yawɛ, ye Mawu ɔ hɛ mi nyami. We nɛ ɔ maa pee he klɔuklɔu nɛ a hla kɛ to ha Yawɛ. Lejɛ ɔ i kɛ ye ma a ma sɔmɔ Yawɛ ngɛ. Wa maa sã tsopa kɛ e he via, nɛ waa kɛ abolo klɔuklɔu ɔ maa ma Yawɛ hɛ mi daa ngɛ lejɛ ɔ. Daa mɔtu kɛ gbɔkuɛ ɔ, wa maa sã sami bɔhi ngɛ lejɛ ɔ. Wa maa sã sami bɔhi Hejɔɔmi ligbi, Nyɔhiɔhe nyami be, kɛ nyami be kpahi hu ngɛ lejɛ ɔ kɛ wo Yawɛ, wa Mawu ɔ hɛ mi nyami. Blɔ nya nɛ Yawɛ to kɛ ha Israel kɛ yaa neneene ji nɛ ɔ nɛ.

Kronika II, 2:4 ပူးပေါင်းရင်းမြစ်များ

Mose II, 30:7

Daa mɔtu ke Aaron ma kane ɔmɛ a he ní tsumi ɔ, e sã tsopa kɛ e he via ngɛ nɔ.

Mose II, 25:30

Nɛ o ngɔ abolo klɛdɛɛ ɔ nɛ a kɛ maa ma ye hɛ mi daa a kɛ ma okplɔɔ ɔ nɔ.

Kronika II, 2:1

Jehanɛ, Matsɛ Salomo to e yi mi kaa e maa po we kɛ ha Yawɛ nɛ a ja lɛ ngɛ lejɛ ɔ, konɛ e ma matsɛ we kɛ ha lɛ nitsɛ e he.

Matsɛmɛ I, 8:18

se Yawɛ de lɛ ke, ‘O pee saminya kaa o to o yi mi kaa o maa po we ha mi,

Matsɛmɛ I, 5:5

Yawɛ wo tsaatsɛ David si ke, ‘O binyumu, nɔ nɛ ma ha nɛ e ye tsɛ ngɛ o se ɔ, lɛ ji nɔ nɛ maa ma tsu nɛ a ma ja mi ngɛ mi.’ I to ye yi mi kaa ma ma jamɛ a tsu ɔ ha Yawɛ, ye Mawu ɔ, nɛ́ a ja lɛ ngɛ mi.

Kronika II, 13:11

Daa mɔtu kɛ gbɔkuɛ ɔ, a sãã sami bɔhi, kɛ tsopa kɛ e he via kɛ haa Yawɛ. A toɔ abolo klɛdɛɛ ɔ ngɔ fɔɔ okplɔɔ nɛ he tsɔ ko nɔ kɛ maa Yawɛ hɛ mi, nɛ daa gbɔkuɛ ɔ, a suɔ kane ɔmɛ ngɛ sika tsu kane tso ɔmɛ a nɔ. Wɔɔ lɛɛ nɔ́ nɛ Yawɛ, wa Mawu ɔ fa wɔ ke waa pee ɔ, lɔ ɔ wa peeɔ; se nyɛɛ lɛɛ nyɛ kua lɛ.

Nehemia 10:33

Wɔ tsuo wa maa ngɔ ní nɛ ɔmɛ kɛ ba nɛ a kɛ sɔmɔ ngɛ Yawɛ we ɔ: abolo klɔuklɔu ɔ, niye ní bɔ nɛ a sãã daa ligbi ɔ, lohwehi nɛ a kɛ sãã bɔ daa ligbi ɔ, bɔ klɔuklɔu ɔmɛ nɛ a sãã Hejɔɔmi ligbi ɔmɛ ɔ, kɛ Nyɔhiɔhe nyami be ɔ, kɛ nyami be kpa amɛ a nɔ ɔ. Wa ma ha níhi nɛ a kɛ sãã bɔ klɔuklɔu kpa amɛ hulɔ kaa yayami pami bɔ nɛ a kɛ kpataa Yawɛ ha Israel kikɛ nɛ ɔ, kɛ nɔ́ ko saisaa nɛ he hia nɛ a kɛ ma sɔmɔ ngɛ wa Mawu ɔ we ɔ.

Kronika I, 22:5

David de e he ke, “We ɔ nɛ ye bi Salomo ma ba ma ha Yawɛ ɔ, e sa nɛ e kle agbo, nɛ́ e he biɛ ngɛ je ɔ mi tsuo. Se ye bi ɔ, jokuɛyo ji lɛ, nɛ e hɛ mi fa we lolo. Lɔ ɔ he ɔ, e hia kaa imi nitsɛ ma bɔni níhi a nya buami kɛ to nyɔngloo.” Enɛ ɔ he je ɔ, David bua tsu mami níhi babauu nya loko e gbo.

La 86:8

Nyɔmtsɛ, mawu ko mawu ko be nɛ kɛ mo sɔ; níhi nɛ o pee ɔ hu, nɔ́ ko nɔ́ ko be nɛ a kɛ maa to a he.

La 96:4

Yawɛ kle agbo; e sa nɛ a je e yi wawɛɛ nitsɛ. E sa nɛ a wo e hɛ mi nyami pe mawu ɔmɛ tsuo.

Abɛ Womi 7:20

E hɛɛ sika fuu kɛ to dɛ, nɛ e maa ye otsi enyɔ loko e maa kpale kɛ ba.”