Kronika II, 2:3 - BAIBLO ALOO NGMAMI KLƆUKLƆU Ɔ

³ Salomo tsɔ nɛ a kɛ sɛ gbi ya ha Tiro matsɛ, Hiram ke, “Kaa bɔ nɛ o kɛ tsaatsɛ David hi si, nɛ o ha lɛ seda tsohi nɛ e kɛ po we nɛ e hi mi ɔ, o kɛ mi nɛ hi si ja nɔuu.

Kronika II, 2:3 ပူးပေါင်းရင်းမြစ်များ

Kronika I, 14:1

Tiro matsɛ, Hiram wo tsɔli blɔ kɛ ba David ngɔ. A kɛ seda tsohi ba. Kapitɛhi, kɛ tɛ gbogbo tsu mali hu piɛ a he; a ba konɛ a ba po we ha David.

Samuel II, 5:11

Tiro matsɛ, Hiram wo tsɔli blɔ kɛ ba David ngɔ. A kɛ seda tsohi ba. Kapitɛhi, kɛ tɛ tsu fiali hu piɛ a he; nɛ a ba po we ha David.

Mose II, 25:30

Nɛ o ngɔ abolo klɛdɛɛ ɔ nɛ a kɛ maa ma ye hɛ mi daa a kɛ ma okplɔɔ ɔ nɔ.

Mose II, 29:38

“Jehanɛ ɔ, daa ligbi ɔ, o maa ngɔ jijɔ enyɔ nɛ ye jeha kakaaka kɛ sã bɔ ngɛ bɔ sami la tɛ ɔ nɔ.

Mose II, 29:39

Ngɔɔ jijɔ kake kɛ sã bɔ mɔtu, nɛ o kɛ kake hu nɛ sã bɔ gbɔkuɛ.

Mose II, 29:41

Gbɔkuɛ ɔ, ngɔɔ jijɔ enyɔne ɔ kɛ sã bɔ, konɛ o ngɔ mamu kɛ wai nɛ a kɛ maa sã wai bɔ ɔ hu kɛ piɛ he kaa mɔtu nɔ́ ɔ kɛ̃. E ji sami bɔ nɛ jee via saminya nɛ sa imi Yawɛ, ye hɛ mi.

Mose II, 30:7

Daa mɔtu ke Aaron ma kane ɔmɛ a he ní tsumi ɔ, e sã tsopa kɛ e he via ngɛ nɔ.

Mose III, 9:17

Enɛ ɔ se ɔ, e sã niye ní bɔ ɔ. E piti ngma a e dɛ kɔkɔ kake, nɛ e sã ngɛ bɔ sami la tɛ ɔ nɔ kɛ piɛ mɔtu sami bɔ ɔ he.

Mose IV, 28:9

“Hejɔɔmi ligbi ɔ, nyɛɛ ngɔ jijɔ ku enyɔ nɛ a ye jeha kakaaka, nɛ kpa ko kpa ko be a he kɛ sã bɔ. Nyɛɛ ngɔ ngma mamu bukɔbukɔ kilo enyɔ nɛ a kɛ nu futu mi kɛ pee ngma bɔ, kɛ e he wai bɔ, nɛ nyɛ kɛ piɛ lohwe ɔ he.

Mose IV, 28:11

“Daa nyɔhiɔ sisije ɔ, nyɛɛ ngɔ na niheyo enyɔ, agbosu kake, kɛ jijɔ ku kpaago nɛ a ye jeha kakaaka, nɛ kpa ko kpa ko be a he kɛ sã sami bɔ kɛ ha Yawɛ.

Kronika II, 4:19

Matsɛ Salomo ha a kɛ sika tsu pee ní nɛ ɔmɛ hulɔ kɛ ma Yawɛ we ɔ mi: bɔ sami la tɛ ɔ, okplɔɔ ɔ nɛ a kɛ abolo klɛdɛɛ ɔ maa nɔ ngɛ Yawɛ hɛ mi ɔ;

Kronika II, 8:13

E sã sami bɔhi, kaa bɔ nɛ Mose mlaa a tsɔɔ kaa a pee nyami be ɔmɛ, Hejɔɔmi ligbihi, Nyɔhiɔhe nyami behi, kɛ nyami be etɛ ɔmɛ nɛ a yeɔ ngɛ jeha mi ɔ. Mɛ ji Abolokplolo nyami be, Ngmakpami nyami be, kɛ Gbasisihimi nyami be.

Kronika II, 13:11

Daa mɔtu kɛ gbɔkuɛ ɔ, a sãã sami bɔhi, kɛ tsopa kɛ e he via kɛ haa Yawɛ. A toɔ abolo klɛdɛɛ ɔ ngɔ fɔɔ okplɔɔ nɛ he tsɔ ko nɔ kɛ maa Yawɛ hɛ mi, nɛ daa gbɔkuɛ ɔ, a suɔ kane ɔmɛ ngɛ sika tsu kane tso ɔmɛ a nɔ. Wɔɔ lɛɛ nɔ́ nɛ Yawɛ, wa Mawu ɔ fa wɔ ke waa pee ɔ, lɔ ɔ wa peeɔ; se nyɛɛ lɛɛ nyɛ kua lɛ.

Kronika II, 24:14

Benɛ a gbe ní tsumi ɔ nya a, a kɛ sika tsu, kɛ sika hiɔ nɛ piɛ ɔ ha matsɛ ɔ, kɛ Yehoyada, nɛ mɛ hu a kɛ pee kpluhi, kɛ ní kpa komɛ kɛ ma Yawɛ we ɔ mi. Yehoyada wami be ɔ tsuo ɔ, a sãã bɔhi daa ligbi ngɛ Yawɛ we ɔ.

Ezra 6:3

“Benɛ Matsɛ Sirus ngɛ tsɛ yee ɔ, kekleekle jeha a mi ɔ, e fa ke a ya ma Mawu we ɔ ngɛ Yerusalem ekohu, konɛ a sã bɔhi, kɛ sami bɔhi ngɛ lejɛ ɔ. Mawu we ɔ hiɔwe yami nɛ pee gugue nyɔngma kɛ enuɔ, nɛ e blimi hu nɛ pee gugue nyɔngma kɛ enuɔ.

Nehemia 10:34

Jehanɛ hu, wa ngɛ si woe ke daa jeha a, wɔ ma a, kɛ osɔfo ɔmɛ, waa kɛ Levi bi ɔmɛ maa fɔ sɔ kɛ na wekuhi nɛ maa ngɔ lɛ́ kɛ ba nɛ a kɛ sã bɔhi ha Yawɛ, wa Mawu ɔ kaa bɔ nɛ mlaa a tsɔɔ ɔ.