Kronika II, 2:16 - BAIBLO ALOO NGMAMI KLƆUKLƆU Ɔ

¹⁶ Wa maa hɛ seda tsuo nɛ o ngɛ hlae ɔ ngɛ Lebanon yo ɔmɛ a nɔ. Wa maa fi mɛ kɛ bla, nɛ waa kɛ maa gu wo nɔ kɛ ya pue Yopa, konɛ o ha nɛ a ya muɔ ngɛ lejɛ ɔ kɛ ya Yerusalem.”

Kronika II, 2:16 ပူးပေါင်းရင်းမြစ်များ

Yoshua 19:46

Meyarkon, Rakon, kɛ zugba a nɛ bɔle Yopa a.

Ni Tsumi 10:32

Moo tsɔ nihi kɛ ya Yopa, nɛ o ya kpee Simon nɛ a tsɛɛ lɛ Petro hulɔ ɔ kɛ ba. E ya to Simon, lohwe he womi tsopa wolɔ ɔ ngɔ ngɛ wo ɔ nya.’

Ni Tsumi 9:36

Yo ko hu ngɛ Yopa nɛ ji Yesu se nyɛɛlɔ. A tsɛɛ lɛ Tabita, aloo ngɛ Hela gbi mi ɔ, Dorka. Biɛ nɛ ɔ sisi ji Odabɔ. Daa nɛ ɔ, kpakpa sɔuu e peeɔ, titli ɔ, e hyɛɔ dɛgutsɛmɛ a nɔ.

Yohane 1:3

Munyu ɔ nɔ Mawu gu kɛ pee nɔ́ tsuaa nɔ́. Níhi tsuo nɛ a pee ɔ, a si we Munyu ɔ se kɛ pee ekoeko.

Ezra 3:7

Enɛ ɔ he je ɔ, ma a ha sika nɛ a kɛ wo tɛ gbali ɔmɛ, kɛ tso he ní tsuli ɔmɛ hiɔ, nɛ a ha niye ní, dã, kɛ oliv nu, nɛ a kɛ ya he seda tso ngɛ Tiro kɛ Sidon ngɛ Lebanon zugba a nɔ. A kɛ tso ɔmɛ gu wo nɔ kɛ ba Yopa. Persia matsɛ, Sirus lɛ ngmɛ blɔ kaa a pee ní nɛ ɔmɛ tsuo.

Ni Tsumi 9:38

Yopa kɛ Lida kɛ we. Lɔ ɔ he ɔ, benɛ Yesu se nyɛɛli nɛ ngɛ Yopa a nu kaa Petro ngɛ Lida a, a tsɔ ni enyɔ kɛ ya de lɛ ke, “Wa kpa mo pɛɛ nɛ o ba su wa ngɔ nɔuu; koo to tsle.”

Ni Tsumi 9:42

Sane nɛ ɔ gbɛ fia Yopa tsuo; nɛ nihi babauu he Nyɔmtsɛ ɔ ye.

Ni Tsumi 9:43

Petro hi Yopa be saii ngɛ lohwe he womi tsopa wolɔ ko nɛ a tsɛɛ lɛ Simon ngɔ.

Yona 1:3

Se Yona pue he kpa blɔ mohu, konɛ e tu fo kɛ je Yawɛ hɛ mi. E ho Yopa ya nɛ e ya na lɛ ko nɛ yaa Spania. E wo hiɔ, nɛ e sɛ lɛ ɔ mi konɛ e kɛ ni ɔmɛ nɛ ya Spania, nɛ e laa Yawɛ.

Yoshua 9:27

Se kɛ̃ ɔ, e pee mɛ nyɔguɛhi, nɛ a lɛɔ lɛ́, nɛ a yaa pa kɛ haa Israel bi ɔmɛ, kɛ Yawɛ bɔ sami la tɛ ɔ. Kɛ ba si mwɔnɛ ɔ, mɛ nɛ a tsuɔ ní tsumi nɛ ɔ ngɛ he nɛ Yawɛ hla ke a ja lɛ ngɛ ɔ.

Kronika I, 22:2

Matsɛ David fa, nɛ a kpee nibwɔhi tsuo nɛ ngɛ Israel zugba a nɔ ɔ kɛ ba, nɛ e ha mɛ ní tsumi. Ni komɛ kó tɛ nɛ a kɛ maa ma Yawɛ we ɔ.

Kronika II, 8:7

Benɛ Israel bi ɔmɛ ya ngɔ Kanaan zugba a, Kanaan bi nɛ piɛ ngɛ lejɛ ɔ nɛ Israel bi ɔmɛ gbi mɛ ɔ ji nihi nɛ Matsɛ Salomo nyɛ a nɔ kɛ tsu ní tsumi kpakpataahi. Mɛ ji Hit bi, Amor bi, Periz bi, Hiv bi, kɛ Yebus bi; nɛ a nina ngɛ nyɔguɛ yee kɛ ba si mwɔnɛ ligbi nɛ ɔ.

Kronika II, 30:25

Nɔ tsuaa nɔ bua jɔ e he; Yuda bi ɔmɛ, osɔfo ɔmɛ, Levi bi ɔmɛ, nihi nɛ je omleyi je kɛ ba a, kɛ nibwɔhi nɛ ngɛ Israel kɛ Yuda a.