Kronika II, 2:12 - BAIBLO ALOO NGMAMI KLƆUKLƆU Ɔ

¹² Á je Yawɛ, Israel Mawu nɛ bɔ hiɔwe kɛ zugba a yi! E ha Matsɛ David bi ní lelɔ; nɔ nɛ hɛ mi ka si, nɛ e ngɛ juɛmi; nɔ nɛ ma ba po we ha Yawɛ, nɛ e maa ma lɛ nitsɛ hu e we.

Kronika II, 2:12 ပူးပေါင်းရင်းမြစ်များ

Matsɛmɛ I, 5:7

Benɛ Hiram nu Salomo sɛ gbi ɔ, e ná bua jɔmi babauu, nɛ e de ke, “A gbaa Yawɛ mwɔnɛ ligbi nɛ ɔ, kaa e ha David binyumu ní lelɔ nɛ maa ye ma nguaa nɛ ɔ nɔ!”

Kronika I, 29:20

Jehanɛ, David de ma kpekpemi ɔ ke, “Nyɛ je Yawɛ, nyɛ Mawu ɔ yi!” Kɛkɛ nɛ ma kpekpemi ɔ tsuo je Yawɛ a nɛmɛ a Mawu ɔ yi. A kpla si nɛ a ja Yawɛ, nɛ a wo matsɛ ɔ hu hɛ mi nyami.

Kronika II, 2:1

Jehanɛ, Matsɛ Salomo to e yi mi kaa e maa po we kɛ ha Yawɛ nɛ a ja lɛ ngɛ lejɛ ɔ, konɛ e ma matsɛ we kɛ ha lɛ nitsɛ e he.

Kronika II, 2:13

I ngɛ ga ní tsulɔ ko nɛ hɛ mi ka si saminya tsɔe kɛ ma o ngɔ; e biɛ ji Huram.

La 102:25

Blema lokoo nɛ o bɔ je ɔ; mo nitsɛ o nine o kɛ pee hiɔwe ɔ.

La 102:5

Daa nɛ ɔ, kɛmɛmi kɛkɛ lɛ i ngɛ kɛmɛe. Enɛ ɔ ha nɛ ye wuhi tsuo je kpo, nɛ i pee kanyakanya.

La 124:8

Yawɛ, hiɔwe kɛ zugba bɔlɔ ɔ ji nɔ nɛ piɛɔ wa he.

La 33:6

Fami kɛkɛ lɛ Yawɛ fa nɛ e kɛ pee hiɔwe. Munyu kɛkɛ lɛ je e nya nɛ pu, kɛ nyɔhiɔ, kɛ dodoehi ba.

Yeremia 10:10

Se mo Yawɛ, Mawu nitsɛnitsɛ ji mo; mo ji Mawu hɛ kalɔ ɔ nɛ; neneene matsɛ ji mo. Ke o mi mi fu ɔ, zugba mimiɛɔ, nɛ je ma amɛ nyɛ we nya dami.

Luka 1:68

“Nyɛ ha wa je Nyɔmtsɛ, Israel Mawu ɔ yi. Ejakaa e ba piɛ e ma a he, nɛ e ha nɛ a ye a he.

Ni Tsumi 14:15

“Tsaatsɛmɛ, mɛni nyɛ ngɛ pee nɛ ɔ? Wɔ hu nimli adesahi kɛkɛ ji wɔ kaa nyɛ nɔuu. Wa ngɛ sane kpakpa a fiɛe kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a ní nɛ ɔmɛ nɛ a he be se nami ɔ a he kɛ ba Mawu hɛ kalɔ ɔ ngɔ. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi ɔ.

Ni Tsumi 4:24

Benɛ nyɛmimɛ ɔmɛ nu ɔ, a kɛ juɛmi kake fa kue ha Mawu ke, “Mo Nyɔmtsɛ nɛ o bɔ hiɔwe kɛ zugba, kɛ wo, kɛ níhi tsuo nɛ ngɛ a mi.

1 Petro 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.

Kpojemi 10:6

nɛ e ka kita ngɛ Mawu nɛ ngɛ kɛ yaa neneene ɔ biɛ mi. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi. Bɔfo ɔ de ke, “Mawu be tsle toe hu!

Kpojemi 4:11

“Wa Nyɔmtsɛ, kɛ wa Mawu! Mo ji nɔ nɛ sa kaa a ngɔ hɛ mi nyami, bu, kɛ he wami kɛ ha. Mo lɛ o bɔ níhi tsuo; o bɔ mɛ bɔ nɛ o suɔ kaa a hi. Nɛ a ngɛ ja pɛ!”