Kronika II, 19:6 - BAIBLO ALOO NGMAMI KLƆUKLƆU Ɔ

⁶ nɛ e de mɛ ke, “Nyɛɛ hyɛ saminya loko nyɛɛ bu nɔ ko fɔ, loo bemi. Tsa pi nɔmlɔ adesa nɛ nyɛ ngɛ ní ɔ tsue ha, se mohu Mawu. Ke nyɛ maa buá sane ko he ɔ, Yawɛ maa piɛ nyɛ he.

Kronika II, 19:6 ပူးပေါင်းရင်းမြစ်များ

Kronika I, 28:10

Ná nɛ o le kaa Yawɛ hla mo konɛ o ma e we klɔuklɔu ɔ. Pee kã nɛ o kɛ tsu ní tsumi nɛ ɔ.”

Fiɛlɔ 5:8

Ke o na nɛ a ngɛ ohiatsɛ yi mi wae, aloo a plɛ sane hɛ mi ngɔ bu si, nɛ a kojo we ngɛ blɔ nɛ da nɔ ngɛ zugba ko nɔ ɔ, e ko pee mo nyakpɛ kulaa. Tsɔli nɛ ngɛ ma a nya, kɛ je nɔ wayoo pe kulaa nɔ kɛ ya si nɔkɔtɔma pe kulaa nɔ ɔ, mɛ tsuo a le nɔ́ nɛ ngɛ nɔ yae ɔ he nɔ́ ko.

Mose III, 19:15

“Nyɛɛ ye dami sane ngɛ kojomi mi; nyɛ ko hyɛ nɔ ko hɛ mi, ohiatsɛ ji lɛ jio, niatsɛ ji lɛ jio.

Luka 12:15

Jehanɛ ɔ, e de ni ɔmɛ tsuo ke, “Nyɛɛ hyɛ saminya, nɛ nyɛ hɛ ko kɔ nɔ́ ko nɔ́ ko nɔ; ejakaa pi ní babauu nɛ adesa na a mi nɛ e wami ngɛ.”

Luka 21:8

Yesu de mɛ ke, “Nyɛɛ hyɛ saminya nɛ a ko mlɔɔ nyɛ, ejakaa nihi fuu maa ba, nɛ a kɛ ye biɛ maa tu munyu ke, ‘Imi ji Kristo ɔ nɛ!’ A ma de hu ke, ‘Be ɔ su ta!’ Se nyɛ ko ya nyɛɛ a se.

Ni Tsumi 22:26

Benɛ asafoatsɛ ɔ nu enɛ ɔ, e ya asafoatsɛngua a ngɔ, nɛ e ya de lɛ ke, “Mɛni o maa ho peemi ya nɛ ɔ? Nyumu ɔ, Roma no ji lɛ!”

Ni Tsumi 5:35

nɛ e de sihi he ɔ ke, “Sane nɛ nyɛɛ kɛ nimli nɛ ɔmɛ ngɛ yee nɛ ɔ, nyɛɛ hyɛ saminya.

Mose V, 1:17

Nyɛ ko hyɛ nɔ hɛ mi ngɛ sane yemi mi; nyɛɛ bu nɔ tsuaa nɔ tue pɛpɛɛpɛ. Nyɛ ko ye nɔmlɔ adesa hɛ mi gbeye; ejakaa Mawu ji nɔ nɛ buáá sane he. Se ke sane ko pa nyɛ ɔ, lɛɛ nyɛ kɛ ba ye hɛ mi, konɛ imi nitsɛ ma hyɛ mi.’

Yoshua 22:5

Nyɛɛ hyɛ saminya, nɛ nyɛɛ ye mlaa amɛ nɛ Yawɛ tsɔlɔ Mose wo nyɛ ɔ a nɔ. Nyɛɛ suɔ Yawɛ, nyɛ Mawu ɔ; nyɛɛ pee e suɔmi nya ní; nyɛɛ ye e mlaa amɛ a nɔ, nyɛɛ ye lɛ anɔkuale, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.”