Kronika II, 19:4 - BAIBLO ALOO NGMAMI KLƆUKLƆU Ɔ

⁴ Matsɛ Yehoshafat hi Yerusalem, se e pɔɔ blɔ hiami kɛ ya slaa e ma mi bi ɔmɛ, kɛ je Beersheba ngɛ leneyi je kɛ ya si Efraim yo ɔmɛ a nɔ ngɛ omleyi je. Ke e ya a, e kɛ ni ɔmɛ tuɔ munyu, bɔ nɛ pee nɛ a kpale ba nyɛɛ Yawɛ, a nɛmɛ a Mawu ɔ se ekohu.

Kronika II, 19:4 ပူးပေါင်းရင်းမြစ်များ

Mose I, 21:14

E nɔ jena mɔtu kpla a, Abraham ha Hagar niye ní, kɛ lohwe he womi tɔ nɛ nyu hyi lɛ. E ngɔ jokuɛ nyumuyo ɔ kɛ wo Hagar se mi, nɛ e wo lɛ blɔ. Hagar je lejɛ ɔ, nɛ e ya wo lalaalo ngɛ Beersheba nga a nɔ.

Mose I, 21:33

Enɛ ɔ se ɔ, Abraham du tso ngua ko ngɛ Beersheba, nɛ e ja Yawɛ Mawu nɛ ngɛ daa a ngɛ lejɛ ɔ.

Malaki 4:6

Lɛ nɛ e maa dɔ tsɛmɛ a tsui kɛ ba a bimɛ a he, nɛ bimɛ hu a tsui maa ba a tsɛmɛ a he; nɛ e maa pee mɛ kake ekohu. Ke pi ja a, ma ba, nɛ ma ba kpata nyɛ zugba a hɛ mi.” Yawɛ Tabohiatsɛ ɔ lɛ de.

Mateo 25:16

Nɔ nɛ na sika tsu yi akpe enuɔ ɔ ho amlɔ, nɛ e kɛ sika a ya tsu ní; nɛ e na sika tsu yi akpe enuɔ kɛ bɔ he.

Luka 1:17

E maa sɛ Nyɔmtsɛ ɔ hlami kɛ he wami, kɛ kã kaa gbalɔ Eliya. E maa pee tsɛmɛ kɛ a bimɛ kake ekohu. E ma ha nihi nɛ bui Mawu tue ɔ maa kpale ba nyɛɛ ni nɛmɛ nɛ buɔ lɛ tue ɔ a blɔ ɔmɛ a nɔ. Nɛ nihi nɛ Mawu nitsɛ hla a, e ma dla mɛ ngɔ to lɛ.”

Yoshua 17:15

Yoshua he nɔ ke, “Ke nyɛ he hiɛ babauu nɛ Efraim yo ɔ nɔ be nyɛ kpee ɔ, nyɛ ya gba hue ɔ ngɛ Periz bi ɔmɛ, kɛ Refaim bi ɔmɛ a zugba a nɔ, nɛ nyɛɛ hi lejɛ ɔ.”

Manyadali 19:1

Jamɛ a be ɔ mi nɛ Israel na we matsɛ lolo ɔ, Levi no ko ya to nubwɔ ngɛ Efraim yo ɔmɛ a nɔ tsitsaa lokoo; nɛ e ya su yo ko ngɛ Betlehem Yuda.

Manyadali 20:1

Israel ma kpekpemi ɔ tsuo hia, nɛ a ba bua a he nya ngɛ Yawɛ hɛ mi ngɛ Mizpa. A je Dan kɛ ya si Beersheba, kɛ Gilead zugba a hu nɔ.