Kronika II, 19:2 - BAIBLO ALOO NGMAMI KLƆUKLƆU Ɔ

² Gbalɔ Yehu, Hanani binyumu ɔ ba kpee matsɛ ɔ, nɛ e de lɛ ke, “Anɛ e da ha mo kaa o ya piɛ yiwutsotsɛmɛ a he, nɛ o kɛ ni nɛmɛ nɛ a sume Yawɛ nɛ bɔ lo? Nɔ́ nɛ o pee nɛ ɔ ha nɛ Yawɛ mi mi fu mo.

Kronika II, 19:2 ပူးပေါင်းရင်းမြစ်များ

Matsɛmɛ I, 16:1

Yawɛ kɛ gbalɔ Yehu, Hanani binyumu ɔ tu munyu, nɛ e kɛ sɛ gbi ha lɛ nɛ e ya de Baasha ke,

Matsɛmɛ I, 16:12

Lɔ ɔ he ɔ, kaa bɔ nɛ Yawɛ de to kɛ gu gbalɔ Yehu nɔ ɔ, Zimri kpata Baasha we ɔ tsuo hɛ mi.

Matsɛmɛ I, 16:7

Yawɛ ngɔ sɛ gbi nɛ ɔ kɛ gu gbalɔ Yehu, Hanani binyumu ɔ nɔ ya ha Baasha kɛ e we ɔ, ejakaa Baasha pee yayami kɛ si lɛ, Yawɛ ɔ. Pi yayami nɛ Baasha pee kɛ si Yawɛ kaa bɔ nɛ Matsɛ Yeroboam hu pee be ko ɔ kɛkɛ ji nɔ́ nɛ wo Yawɛ mi mi la a, gbemi nɛ Baasha gbe Yeroboam we mi bimɛ ɔmɛ tsuo ɔ hu piɛ he.

Matsɛmɛ I, 21:25

(Nɔ ko nɔ ko be nɛ ngɔ e he tsuo ngɔ ha yayami peemi ngɛ Yawɛ hɛ mi kaa Ahab, ejakaa e yo Yezebel ji nɔ nɛ tsitsɛɛ e kuɛ se mi.

Matsɛmɛ I, 22:44

Yehoshafat kɛ Israel matsɛ ɔ hi si ngɛ tue mi jɔmi mi.

Kronika II, 16:7

Jamɛ a be ɔ mi ɔ, gbalɔ Hanani ba Yuda matsɛ, Asa ngɔ, nɛ e ba de lɛ ke, “Akɛnɛ o ngɔ o hɛ ngɔ fɔ Siria matsɛ ɔ nɔ, nɛ o ngɔɛ o hɛ ngɔ fɔɛ Yawɛ, o Mawu ɔ nɔ he je ɔ, Siria matsɛ tabo ɔ tu fo kɛ je o he.

Kronika II, 18:1

Benɛ Yuda matsɛ, Yehoshafat ba na ní nɛ e he biɛ hulɔ ɔ, e kɛ Israel matsɛ, Ahab ba pee ngatsɛ.

Kronika II, 18:28

Pee se ɔ, Israel matsɛ, Ahab kɛ Yuda matsɛ, Yehoshafat ho ya tua Ramot nɛ ngɛ Gilead ɔ.

Kronika II, 18:3

Ahab bi Yehoshafat ke, “Anɛ o kɛ mi maa ya nɛ wa ya tua Ramot nɛ ngɛ Gilead ɔ lo?” Yehoshafat he nɔ ke, “Imi kɛ mo ɔ, nyɛmimɛ ji wɔ; ye ma a, mo hu o nɔ. Waa kɛ mo maa ya ta a.

Kronika II, 18:7

Ahab he nɔ ke, “Nɔ kake ngɛ; lɛ ji Imla binyumu Mikaya. Se i sume lɛ, ejakaa e gbɛ manye nɔ́ ko ha we mi hyɛ gblee, kaa ja nɔ́ yaya pɛ lɛ e gbaa.” Yehoshafat de lɛ ke, “Mo ko de ja!”

Kronika II, 19:1

Yuda matsɛ, Yehoshafat kpale kɛ ba e we ɔ ngɛ Yerusalem fiafiaafia.

Kronika II, 19:10

Ke nyɛ nyɛmimɛ kojoli ɔmɛ nɛ ngɛ ma amɛ a mi ɔ ngɔ sane ba ha nyɛ nɛ nyɛɛ hyɛ mi ɔ, muɔ si puemi sane jio, Mawu mlaa amɛ, aloo blɔ nya tomi ɔmɛ eko nɔ tɔmi sane jio, nyɛɛ tsɔɔ mɛ bɔ nɛ a ma plɛ kɛ ye sane ɔ ha, nɛ nyɛɛ piɛ a he kɛ ye sane ɔ ngɛ blɔ nɛ da nɔ. Ke nyɛ pee ja a, a be fɔ yee ngɛ Yawɛ hɛ mi; Yawɛ mi mi fumi be nyɛɛ kɛ nyɛ nyɛmimɛ ɔmɛ a nɔ bae. Bɔ nɛ nyɛ maa pee nɛ sɔ̃ be nyɛ tlooe ji nɛ ɔ nɛ.

Kronika II, 20:34

Ní kpahi tsuo nɛ Yehoshafat pee kɛ je e matsɛ yemi ɔ sisije kɛ ya si nyagbe ɔ, a ngma ngɛ Hanani binyumu Yehu Blema Sanehi Womi ɔ mi. Israel Matsɛmɛ ɔmɛ a Blema Sanehi Womi ɔ mi fa ji womi nɛ ɔ nɛ.

Kronika II, 24:18

Nɔ́ nɛ ɔ ha nɛ a jɔɔ Yawɛ, a nɛmɛ a Mawu ɔ we ɔ yami, nɛ a ya ja amagahi, kɛ yo mawu ɔ nɛ a tsɛɛ Ashera a. Yayami nɛ a pee nɛ ɔ ha nɛ Yawɛ mi mi fu Yuda, kɛ Yerusalem.

Kronika II, 26:18

nɛ a ya tsi e nya. A de lɛ ke, “Uzia, o be he blɔ nɛ o sãã tsopa kɛ e he via kɛ haa Yawɛ. Osɔfo ɔmɛ, nɛ ji Aaron nina a, mɛ pɛ ji ni nɛmɛ nɛ a hla ngɔ to nɛ a tsu nɔ́ nɛ ɔ. Jee he klɔuklɔu nɛ ɔ. O tɔ̃ Yawɛ Mawu ɔ nɔ, nɛ e gbaami be o nɔ hu.”

Kronika II, 32:25

Se kpakpa nɛ ɔ nɛ a pee Hezekia a, e nɛ Yawɛ si, nɛ e je we Yawɛ yi kɛ to nane mi; mohu ɔ, e wo e he nɔ. Enɛ ɔ he je ɔ, Yawɛ mi mi fu lɛ, kɛ Yuda, kɛ Yerusalem.

La 15:4

Nɔ nɛ tuɔ munyu kɛ siɔ yayami peeli, nɛ e woɔ nihi nɛ yeɔ Yawɛ gbeye ɔ a hɛ mi nyami. Nɔ nɛ ke e ka kita, nɛ e kpale we e nya se, ke ji kaa lɔ ɔ maa pee haomi ha lɛ po.

La 21:8

Matsɛ, o nine maa su o he nyɛli ɔmɛ tsuo a nɔ. Nihi tsuo nɛ sume mo ɔ, o nine maa su a nɔ.

La 68:1

Mawu nɛ te si koo! Á gbɛ e he nyɛli ɔmɛ ngɔ fĩa koo! Nihi nɛ sume lɛ ɔ, ha nɛ a tu fo ngɛ e nya.

La 71:15

Ligbi mluku ɔ tsuo ma wo o ta kaa o yeɔ dami sane; ma de daa ke yi wami helɔ ji mo. Pohu níhi nɛ o peeɔ ɔ hiɛ babauu pe bɔ nɛ ye juɛmi maa su he hulɔ.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Amos 7:14

Kɛkɛ nɛ Amos he nɔ nɛ e de Amazia ke, “Pi gbalɔ ji mi, nɛ pi gbalɔ bi ji mi hulɔ. To hyɛlɔ ji mi, nɛ i tsuɔ ngmɔkɔ tso he ní.

Yohane 15:18

“Ke je ɔ ngɛ nyɛ nyɛe ɔ, nyɛ na nɛ nyɛɛ le kaa imi a nyɛ kekle.

Yohane 15:23

Nɔ tsuaa nɔ nɛ nyɛɔ mi ɔ, e nyɛɔ Tsaatsɛ hulɔ.

Romabi 1:18

Nihi nɛ peeɔ yayami, nɛ a bɔɔ musu kɛ tsiɔ anɔkuale ɔ nɛ kɔɔ Mawu he ɔ nya a, Mawu kɛ mi mi fumi nɛ jeɔ hiɔwe gblaa a tue.

Romabi 1:30

a yeɔ sieku, nɛ a sume Mawu sane; a bui nɔ, a woɔ a he nɔ, a fĩaa, a toɔ nɔ́ yaya he ga, nɛ a bui a fɔli;

Romabi 1:32

A le kaa Mawu de ke nihi nɛ tsuɔ ní nɛ ɔmɛ ɔ, a sa gbenɔ, se kɛ̃ pi kaa mɛ nitsɛmɛ a peeɔ yayami nɛ ɔmɛ kɛkɛ, se mohu a jeɔ nihi nɛ peeɔ ní nɛ ɔmɛ ɔ a yi.

Romabi 8:7

Nɔ nɛ susuɔ he lo mi níhi a he ɔ, e ngɛ Mawu nyɛe, ejakaa e bui Mawu mlaa a; pohu e be nɔ nyɛe maa ye tete.

Efesobi 5:11

Diblii mi níhi nɛ se nami be he ɔ, nyɛ ko pee. Mohu ɔ, nyɛ je mɛ kpo nɛ nihi nɛ a na.

Mose V, 32:41

ma duɔ ye klaate nɛ kpɛɔ nylamnylam ɔ nya, nɛ ma hyɛ nɛ a ye dami sane. Ma ye lue ngɛ he nyɛli ɔmɛ a nɔ; nihi nɛ sume mi ɔ, ma gbla a tue.

Mose V, 33:11

Lɔ ɔ he ɔ, Yawɛ, moo gbaa Levi bi ɔmɛ, nɛ a he nɛ wa. Ha nɛ a pee nɔ́ nɛ maa sa o hɛ mi. Moo ku a he nyɛli ɔmɛ tsuo a mi kɛ pue si, nɛ a ko te si gblegbleegble.”

Mose V, 5:9

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛɔ mi ɔ, kɛ a bimɛ, kɛ a bibimɛ a tue hluu kɛ ya siɔ yi nɔ etɛne kɛ eywiɛne bimɛ a nɔ;

Mose V, 7:10

se ni nɛmɛ nɛ sume lɛ ɔ, e maa gbla a tue amlɔ.

Yakobo 4:4

Nyɛ gba puɛli nɛ nyɛ yi Mawu anɔkuale! Anɛ nyɛ li kaa ke nɔ ko suɔ je ɔ, nɔ ɔ ngɛ Mawu nyɛe lo? Lɔ ɔ he ɔ, nɔ tsuaa nɔ nɛ e kɛ je ɔ bɔɔ ɔ, e peeɔ Mawu he nyɛlɔ.

Samuel I, 9:9

Saul de ke, “Mo! O le demi; ha nɛ waa ho.” Nɛ a pue nɔ kɛ ho ma a mi he nɛ Mawu nɔmlɔ ɔ ngɛ ɔ ya. Benɛ a ngɛ yoku ɔ kuɔe kɛ yaa a, a kɛ yihewi komɛ kpe nɛ a yaa yɛ nyu. A bi yihewi ɔmɛ ke, “Ní nalɔ ɔ ngɛ ma a mi lo?” (Jamɛ a be ɔ, bɔ nɛ a tsɛɔ gbalɔ ji ní nalɔ. Lɔ ɔ he ɔ, ke nɔ ko yaa bi ní ngɛ Israel ɔ, bɔ nɛ e deɔ ji, “Nyɛ ha waa ho ní nalɔ ɔ ngɔ ya.”)