Kronika II, 19:10 - BAIBLO ALOO NGMAMI KLƆUKLƆU Ɔ

¹⁰ Ke nyɛ nyɛmimɛ kojoli ɔmɛ nɛ ngɛ ma amɛ a mi ɔ ngɔ sane ba ha nyɛ nɛ nyɛɛ hyɛ mi ɔ, muɔ si puemi sane jio, Mawu mlaa amɛ, aloo blɔ nya tomi ɔmɛ eko nɔ tɔmi sane jio, nyɛɛ tsɔɔ mɛ bɔ nɛ a ma plɛ kɛ ye sane ɔ ha, nɛ nyɛɛ piɛ a he kɛ ye sane ɔ ngɛ blɔ nɛ da nɔ. Ke nyɛ pee ja a, a be fɔ yee ngɛ Yawɛ hɛ mi; Yawɛ mi mi fumi be nyɛɛ kɛ nyɛ nyɛmimɛ ɔmɛ a nɔ bae. Bɔ nɛ nyɛ maa pee nɛ sɔ̃ be nyɛ tlooe ji nɛ ɔ nɛ.

Kronika II, 19:10 ပူးပေါင်းရင်းမြစ်များ

1 Tesalonikabi 5:14

Ye nyɛmimɛ nɛ i suɔ, wa kpa nyɛ pɛɛ! Nyɛɛ tu munyu ngɔ tsɔɔ hejɔtsɛmɛ ɔmɛ; nyɛɛ wo ni nɛmɛ nɛ be tsui ɔ he wami; nyɛɛ ye bua ni nɛmɛ nɛ gbɔjɔ ɔ, nɛ nyɛɛ to nyɛ tsui si ha nɔ tsuaa nɔ.

Ni Tsumi 20:31

Lɔ ɔ he ɔ, nyɛ hɛ nɛ hi nyɛ he nɔ be tsuaa be, nɛ nyɛ kai kaa i nga vo nyu kɛ tsɔɔ nyɛ ní nyɔ kɛ pia jeha etɛ sɔuu.

Ezekiel 33:6

Jehanɛ hu, ke bulɔ ɔ na he nyɛli ɔmɛ nɛ a ma, nɛ e kpa we titimati kɛ wo ma a tue nɔ ɔ, he nyɛli ɔmɛ ma ba gbe yayami peeli ɔmɛ lɛɛ, se ma bi a muɔ si ngɛ bulɔ ɔ dɛ.

Kronika II, 19:2

Gbalɔ Yehu, Hanani binyumu ɔ ba kpee matsɛ ɔ, nɛ e de lɛ ke, “Anɛ e da ha mo kaa o ya piɛ yiwutsotsɛmɛ a he, nɛ o kɛ ni nɛmɛ nɛ a sume Yawɛ nɛ bɔ lo? Nɔ́ nɛ o pee nɛ ɔ ha nɛ Yawɛ mi mi fu mo.

Mose IV, 16:46

nɛ Mose de Aaron ke, “Ngɔɔ ngɛyu ɔ, nɛ o je la ngɛ bɔ sami la tɛ ɔ nɔ kɛ wo mi. Ngɔɔ tsopa kɛ e he via kɛ pue nɔ, nɛ o hɛɛ kɛ ya ma a ngɔ esɔesɔ, nɛ o ya kpata Yawɛ ha mɛ. Yawɛ mi mi fu, nɛ gbenɔ hiɔ ɔ je sisi.”

Kronika II, 19:9

E wo mɛ mlaa ke, “Nyɛɛ kɛ Mawu gbeye yemi, anɔkuale yemi, kɛ nyɛ tsui tsuo nɛ tsu ní.

Ezekiel 3:17

“Nɔmlɔ adesa, i pee mo bulɔ kɛ ha Israel ma a; lɔ ɔ he ɔ, bu ye nya mi munyu ɔmɛ tue saminya, konɛ o kɛ bɔ mɛ kɔkɔ ha mi.

Mose II, 18:16

Ke nɔ ko kɛ e nyɛmi na sane ɔ, a kɛ baa ye ngɔ nɛ i hyɛɛ mi, nɛ i tsɔɔ mɛ Mawu kita amɛ, kɛ Mawu blɔ nya tomi ɔmɛ.”

Mose IV, 17:11

Mose pee kaa bɔ nɛ Yawɛ fa lɛ ke e pee ɔ.

Mose V, 21:5

E hia kaa Levi bi ɔmɛ, nɛ ji osɔfo ɔmɛ hu nɛ a ya lejɛ ɔ; ejakaa mɛ lɛ a hyɛɛ mlaa sane tsuaa mlaa sane nɛ kɔɔ pɛ nɛ gbenɔ jeɔ mi ɔ mi, nɛ a buá he. Yawɛ, o Mawu ɔ nitsɛ nɛ hla mɛ, nɛ́ a sɔmɔ lɛ, nɛ́ a ngɔ e biɛ kɛ gbaa.