Kronika II, 18:9 - BAIBLO ALOO NGMAMI KLƆUKLƆU Ɔ

⁹ Matsɛmɛ enyɔ ɔmɛ wo ablade tade kɛ hii si ngɛ a matsɛ sɛ ɔmɛ a nɔ ngɛ ngma mi sami he ɔ nɛ ngɛ Samaria ma agbo ɔ nya a, nɛ gbali ɔmɛ tsuo ngɛ gbae ngɛ a hɛ mi.

Kronika II, 18:9 ပူးပေါင်းရင်းမြစ်များ

Mateo 19:28

Yesu de mɛ ke, “Niinɛ, i ngɛ nyɛ dee ke, je he ɔ mi, benɛ Nɔmlɔ Bi ɔ maa hi e nyami sɛ ɔ nɔ ɔ, nyɛ hu nyɛ maa hi matsɛ sɛ nyɔngma kɛ enyɔ nɔ, nɛ nyɛ maa kojo Israel wɛtso nyɔngma kɛ enyɔ ɔmɛ.

Mateo 11:8

Mɛni nyɛ ho hyɛmi ya? Nɔmlɔ nɛ wo tade bɔdɔɔ lo? Hyɛ, ni nɛmɛ nɛ woɔ tade bɔdɔɔ ɔ, matsɛmɛ a we mi nɛ a hii.

Mateo 6:29

Se i ngɛ nyɛ dee ke, Matsɛ Salomo kɛ e hɛ mi nyami ɔ tsuo tete sui enɛ ɔmɛ a kpɛti kake he fɛu.

Daniel 7:9

Benɛ i ngɛ nɔ́ nɛ ɔ hyɛe kɛ mwɔɔ ɔ, a kɛ matsɛ sɛhi ba ma si, nɛ nɔ nɛ ngɛ daa a ba hi si ngɛ kake nɔ. E tade hiɛ futaa kaa snoo, nɛ e yi bwɔmi ngɛ kaa to he bwɔmi ngmingmiingmi. E matsɛ sɛ ɔ, kɛ tlɔɔke nane ɔ nɛ sɛ ɔ maa si ngɛ nɔ ɔ tsuo ngɛ tsoe gegeege.

Ezekiel 26:16

Ganɔ ɔmɛ tsuo nɛ ngɛ wo nya ma amɛ a mi ɔ ma kple si kɛ je a sɛ ɔmɛ a nɔ. A ma kpa a he bo ngɔ fɔ si; nɛ a ma je a tade ɔmɛ nɛ a lo ní ngɔ wo a mi ɔ ngɛ a he. A maa hi si ngɛ zugba, nɛ a he maa do blibliibli. Gbeye ma ha a he maa hi doe blibliibli be ɔ tsuo ngɛ nɔ́ nɛ ba o nɔ ɔ he.

Yesaya 14:9

“Babilonia matsɛ, gbeje pee klaalo nɛ e ma he mo atuu. Ni nguahi nɛ hi je mi hyɛ ɔ a kpade ɔmɛ ngɛ si poe. Matsɛmɛ ɔmɛ a kpade ɔmɛ ngɛ si tee ngɛ a matsɛ sɛ ɔmɛ a nɔ.

Kronika II, 18:29

Ahab de Yehoshafat ke, “Ma tsake ye he kɛ ya ta nga a nɔ, se moo lɛɛ moo wo o we ablade tade ɔmɛ.” Kɛkɛ nɛ Israel matsɛ ɔ tsake e he kɛ ho ta nga a nɔ ya.

Rut Womi 4:1

Boaz ho ya hi si ngɛ kpe he ɔ ngɛ ma a agbo ɔ nya. Kɛkɛ nɛ e na Elimelek weku no ɔ nɛ e tu e he munyu ɔ nɛ bee. Boaz tsɛ lɛ nɛ e de lɛ ke, “Ye huɛ, ba nɛ o ba hi si ngɛ hiɛ ɔ.” E ba nɛ e ba hi si.

Kronika II, 18:8

Kɛkɛ nɛ Ahab tsɛ e tsɔli ɔmɛ a ti nɔ kake, nɛ e de lɛ ke e ya nɛ e ya ngɔ Imla binyumu Mikaya kɛ ba nɔuu.

Kronika II, 18:10

Gbali ɔmɛ a ti nɔ kake nɛ a tsɛɛ lɛ Zedekia, Kenaana binyumu ɔ pee dade kolihi, nɛ e de Ahab ke, “Bɔ nɛ Yawɛ de ji nɛ ɔ nɛ: ‘Ní nɛ ɔmɛ ji níhi nɛ o kɛ maa gbe Siria bi ɔmɛ kɛ yaa si o ma kpata a hɛ mi pɛsɛpɛsɛ.’ ”