Kronika II, 18:31 - BAIBLO ALOO NGMAMI KLƆUKLƆU Ɔ

³¹ Lɔ ɔ he ɔ, benɛ a na Yehoshafat ɔ, a susu kaa Israel matsɛ ɔ ji lɛ, nɛ a plɛ ngɔ kpee lɛ. Se Yehoshafat kpa huhui, nɛ Yawɛ Mawu he e yi wami, nɛ e ha nɛ ta a kpale ngɛ e se.

Kronika II, 18:31 ပူးပေါင်းရင်းမြစ်များ

Kronika I, 5:20

A ngɔ a hɛ ngɔ fɔ Mawu nɔ, nɛ a fa kue ha lɛ ke e piɛ a he. Mawu bu a kue fami ɔ tue, nɛ e ha nɛ a ye Hagri bi ɔmɛ, kɛ a he piɛli ɔmɛ a nɔ.

Kronika II, 13:14

Benɛ Yuda bi ɔmɛ maa hyɛ ɔ, a na kaa a sa a yi; he nyɛli ngɛ a hɛ mi kɛ a se tsuo. Kɛkɛ nɛ a fa kue ha Yawɛ, nɛ osɔfo ɔmɛ kpa titimati ɔmɛ.

Kronika II, 13:15

Yuda bi ɔmɛ he ose, nɛ Abiya nyɛɛ a hɛ mi kɛ ya tua Israel bi ɔmɛ. Mawu ye Yeroboam kɛ Israel ma a tsuo a nɔ kunimi.

Kronika II, 14:11

Asa fa kue ha Yawɛ e Mawu ɔ ke, “Yawɛ lee, mo nɛ o piɛɔ nihi nɛ a he wa, kɛ ni nɛmɛ nɛ a he wɛ tsuo a he! Yawɛ, wa Mawu, moo piɛ wa he koo! Ejakaa wa ngɔ wa hɛ ngɔ fɔ o nɔ. Wa ba ngɛ o biɛ mi, konɛ waa kɛ asafo babauu nɛ ɔ ba kpe. Yawɛ, mo ji wa Mawu; ko ha nɛ nɔmlɔ adesa nɛ ye o nɔ kunimi.”

Kronika II, 18:30

Siria matsɛ ɔ wo e ta zugba lɛ asafoatsɛmɛ ɔmɛ mlaa ke a kɛ nɔ ko nɔ ko nɛ ko hwu ta kaa ja Israel matsɛ ɔ kɛkɛ.

Kronika II, 18:32

Ta zugba lɛ asafoatsɛmɛ ɔmɛ na kaa tsa pi Israel matsɛ ɔ ji lɛ, kɛkɛ nɛ a jɔɔ e se nyɛɛmi.

Kronika II, 26:7

Mawu piɛ e he nɛ e kɛ ye Filisti bi, Arabia bi nɛ ngɛ Gurbaal ɔ, kɛ Meun bi ɔmɛ a nɔ kunimi.

Ezra 1:1

Benɛ Persia matsɛ, Sirus ba ye tsɛ ɔ, kekleekle jeha a mi ɔ, Yawɛ ha nɛ nɔ́ nɛ lɛ, Yawɛ ɔ de kɛ gu gbalɔ Yeremia nɔ ɔ ba mi. Yawɛ ngɔ juɛmi ko kɛ wo Matsɛ Sirus yi mi kaa e fa nɛ a ngma munyu nɛ ɔ, konɛ a kane nɛ a fiɛ ngɛ e nɔ yemi he ɔ he tsuaa he.

Ezra 7:27

Ezra la kɛ je Mawu yi ke, “Á je Yawɛ, wa nɛmɛ a Mawu ɔ yi. Lɛ nɛ e kɛ susumi kpakpa wo matsɛ ɔ yi mi kaa e pee nɔ́ ko kaa kikɛ nɛ ɔ kɛ wo Mawu we ɔ nɛ ngɛ Yerusalem ɔ hɛ mi nyami.

Nehemia 1:11

I kpa mo pɛɛ Nyɔmtsɛ, moo ba o tue si nɛ o nu ye kue fami, kɛ tsɔli ɔmɛ tsuo nɛ suɔ kaa a maa wo o biɛ ɔ hɛ mi nyami ɔ a kue fami ɔmɛ. Ha ma ye manye mwɔnɛ ɔ, nɛ o ha matsɛ ɔ nɛ na mi mɔbɔ.” Jamɛ a be ɔ mi ɔ, imi ji matsɛ ɔ dã wolɔ.

La 118:13

A ba tua mi kɛ hɛdɔ, nɛ a miɔ nɛ a maa ye ye nɔ, se Yawɛ piɛ ye he.

La 34:7

Yawɛ bɔfo ɔ buɔ nihi nɛ yeɔ Yawɛ gbeye ɔ a he, nɛ e heɔ a yi wami.

La 46:1

Mawu ji wa wesa he, kɛ wa he wami. Wa fimi behi tsuo a mi ɔ, e ngɛ wa kasa nya.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 56:10

Yawɛ Mawu yeɔ e siwo nɔ, lɔ ɔ he ɔ, e yi i ngɛ jee.

La 94:17

Ke pi Yawɛ nɛ piɛ ye he ɔ, jinɛ be nɛ ɔ mi i su gbeje momo.

Mose II, 14:10

Benɛ Farao ɔ ná mɛ ta, nɛ Israel bi ɔmɛ wo a hɛ nɔ nɛ a na kaa Egipt bi ɔmɛ nyɛɛ a se kɛ ma a, sawale nu mɛ, nɛ a kpa bubuubui kɛ tsɛ Yawɛ.

Abɛ Womi 16:7

Ke Yawɛ ná o he bua jɔmi ɔ, o he nyɛli tete po e ma ha o kɛ mɛ maa hi si ngɛ tue mi jɔmi mi.

Abɛ Womi 21:1

Matsɛ juɛmi ngɛ kaa nyu dɔ ngɛ Yawɛ dɛ mi. He nɛ lɛɛ e suɔ nɛ e haa e guɔ.