Kronika II, 18:29 - BAIBLO ALOO NGMAMI KLƆUKLƆU Ɔ

²⁹ Ahab de Yehoshafat ke, “Ma tsake ye he kɛ ya ta nga a nɔ, se moo lɛɛ moo wo o we ablade tade ɔmɛ.” Kɛkɛ nɛ Israel matsɛ ɔ tsake e he kɛ ho ta nga a nɔ ya.

Kronika II, 18:29 ပူးပေါင်းရင်းမြစ်များ

Samuel I, 28:8

Kɛkɛ nɛ Saul tsake e he nɛ e wo tade kpa, nɛ gbɔkuɛ ɔ, e kɛ nyumuhi enyɔ pue nɔ kɛ ho yo ɔ ngɔ ya. E de yo ɔ ke, “Moo pee ní ha mi, nɛ nɔ tsuaa nɔ nɛ ma tsɛ e biɛ ɔ, o ha nɛ nɔ ɔ susuma nɛ ba.”

Yeremia 23:24

Anɛ nɔ ko ma nyɛ maa laa e he ngɛ he ko nɛ i be lɛ nae lo? Anɛ nyɛ li kaa i ngɛ he tsuaa he lo? I ngɛ hiɔwe kɛ zugba tsuo.

Abɛ Womi 26:25

Ke e kɛ mo tu munyu dɔkɔbii ɔ, ko he lɛ nɛ o ye, ejakaa e tsui mi hyi tɔ kɛ ninyɛ sɔuu.

La 12:2

Nɔ tsuaa nɔ ngɛ e nyɛmi lakpa yee. Nɔ tsuaa nɔ kɛ munyu ngɔngɔɛ ngɛ e nyɛmi sisie.

Hiob 24:15

Gba puɛlɔ hu hii mlɛe konɛ du nɛ bu. E deɔ e he ke, “Nɔ ko be mi nae,” kɛkɛ e ngɔ nɔ́ kɛ ha e hɛ mi.

Matsɛmɛ I, 20:38

Kɛkɛ nɛ gbalɔ ɔ ngɔ bo ngɔ fi e hɛ mi kɛ tsake e he, nɛ e ho ya da blɔ ɔ tue kɛ ngɛ Israel matsɛ ɔ mlɛe nɛ e ba be.

Kronika II, 18:28

Pee se ɔ, Israel matsɛ, Ahab kɛ Yuda matsɛ, Yehoshafat ho ya tua Ramot nɛ ngɛ Gilead ɔ.

Kronika II, 18:30

Siria matsɛ ɔ wo e ta zugba lɛ asafoatsɛmɛ ɔmɛ mlaa ke a kɛ nɔ ko nɔ ko nɛ ko hwu ta kaa ja Israel matsɛ ɔ kɛkɛ.