Kronika II, 18:27 - BAIBLO ALOO NGMAMI KLƆUKLƆU Ɔ

²⁷ Mikaya he nɔ ke, “Ke o kpale ba kɛ manye ɔ, lɛɛ tsa pi Yawɛ nɛ tu munyu kɛ gu ye nɔ mɔ!” E ya nɔ nɛ e de ke, “Nyɛ tsuo nyɛɛ bu nɔ́ nɛ i ngɛ dee ɔ tue!”

Kronika II, 18:27 ပူးပေါင်းရင်းမြစ်များ

Marko 7:14

Kɛkɛ nɛ Yesu tsɛ ni ɔmɛ tsuo kɛ ba e ngɔ ekohu, nɛ e de mɛ ke, “Nyɛ tsuo nyɛɛ bu mi tue saminya, konɛ nyɛɛ nu sisi.

Mateo 15:10

Jehanɛ lɛɛ Yesu tsɛ ni ɔmɛ kɛ ba e ngɔ, nɛ e de mɛ ke, “Nyɛɛ bu tue, konɛ nyɛɛ nu sisi saminya!

Mateo 13:9

Nyagbe ɔ, Yesu de ke, “Nɔ nɛ ngɛ tue ɔ, e nu.”

Mika 1:2

Nyɛ je mahi tsuo, nyɛɛ bu tue; nyɛ nihi tsuo nɛ ngɛ je ɔ mi, nyɛɛ bu tue! Nyɔmtsɛ Mawu po nyɛ nya. Nyɛɛ bu tue! E ngɛ munyu tue kɛ je e we klɔuklɔu ɔ.

Amos 9:10

Se ye ma mi bi ɔmɛ a kpɛti yayami peeli nɛ deɔ ke, ‘Mawu be hae nɛ nɔ́ yayami ko maa ba wa nɔ’ ɔ, mɛɛ lɛɛ a ma gbo ngɛ ta nga nɔ.”

Mose IV, 16:29

ke nimli nɛ ɔmɛ gbo mɛ nitsɛmɛ a gbenɔ, aloo a gbo ngɛ oslaa nya kaa bɔ nɛ nimli adesahi tsuo gboɔ ɔ, lɛɛ tsa pi Yawɛ nɛ tsɔ mi.

Kronika II, 18:28

Pee se ɔ, Israel matsɛ, Ahab kɛ Yuda matsɛ, Yehoshafat ho ya tua Ramot nɛ ngɛ Gilead ɔ.