Kronika II, 18:22 - BAIBLO ALOO NGMAMI KLƆUKLƆU Ɔ

²² Nyagbe ɔ, Mikaya de Ahab ke, “Bɔ nɛ níhi ya ba ha ji nɛ ɔ nɛ. Yawɛ ha nɛ o gbali ɔmɛ tsuo ye mo lakpa. Se lɛ nitsɛ lɛɛ e de to momo kaa sane yobu maa ye mo!”

Kronika II, 18:22 ပူးပေါင်းရင်းမြစ်များ

Ezekiel 14:9

“Se ke a mlɔɔ gbalɔ ko nɛ e de nɔ́ ko ɔ, lɛɛ imi Yawɛ lɛ i mlɔɔ jamɛ a gbalɔ ɔ nɛ. Ma gbla e tue; ma kpata e hɛ mi; ma je lɛ kɛ je ye ma Israel ɔ a kpɛti.

Yesaya 19:14

Yawɛ ha a juɛmi tsaka, nɛ a woɔ ga yaya. Lɔ ɔ he ɔ, yayami sɔuu Egipt ngɛ pee. Ma a mi bi ɔmɛ ngɛ si tataae kaa dã tɔlɔ ko nɛ ngɛ si nɔe ngɛ lɛ nitsɛ e vie mi.

Hiob 12:16

Mawu he wa, nɛ e le ní; nɔ sisilɔ, kɛ nɔ nɛ a sisi lɛ tsuo e níhi ji mɛ.

Mika 2:3

Enɛ ɔ he je ɔ, Yawɛ ke, “I to nɛ i kɛ haomi maa ba nyɛ nɔ, nɛ nyɛ he be mi jee. Ke haomi nɛ ɔ na ba nyɛ nɔ ɔ, nyɛ be nyɛ he nɔ woe hu gblegbleegble.

Yeremia 18:11

Lɔ ɔ he ɔ, de Yuda ma a, kɛ Yerusalem ma mi bi ɔmɛ ke, i ngɛ a yi nɔ soe, nɛ ma gbla a tue. De mɛ ke a jɔɔ yayami peemi, nɛ a dla a blɔ ɔmɛ, nɛ a pee nɔ́ nɛ da.

Yesaya 3:11

Se yayami peeli lɛɛ musu tloo mɛ; yayami nɛ a pee ní kpahi ɔ, jehanɛ, a ma ngɔ pee mɛ nitsɛmɛ.

Kronika II, 25:18

Israel matsɛ, Yehoash hu tsɔ ya de Yuda matsɛ, Amazia ke, “Be ko ɔ, Lebanon mio tso tsɔ ke a ya de Lebanon seda ke, ‘Ngɔɔ o biyo ɔ ngɔ ha ye binyumu ɔ nɛ e kɛ lɛ nɛ hi si!’ Kɛkɛ nɛ Lebanon pu mi lohwe ko ba be, nɛ e naa mio tso ɔ nɔ.

Kronika II, 18:17

Ahab de Yehoshafat ke, “Anɛ i de we mo ke Mikaya gbɛ manye nɔ́ ko ha we mi hyɛ gblee, kaa nɔ́ yaya pɛ e gbaa lo?”

Kronika II, 18:7

Ahab he nɔ ke, “Nɔ kake ngɛ; lɛ ji Imla binyumu Mikaya. Se i sume lɛ, ejakaa e gbɛ manye nɔ́ ko ha we mi hyɛ gblee, kaa ja nɔ́ yaya pɛ lɛ e gbaa.” Yehoshafat de lɛ ke, “Mo ko de ja!”

Mose II, 4:21

Yawɛ de Mose ke, “Ke o kpale kɛ ya Egipt ɔ, nyakpɛ níhi tsuo kulaa nɛ i ngɔ kɛ wo o dɛ ɔ, hyɛ nɛ o pee lɛ tsuo ngɛ Farao ɔ hɛ mi; se imi lɛɛ ma kplii Farao ɔ tsui, nɛ e be hae nɛ Israel bi ɔmɛ nɛ je.

Kronika II, 18:21

Mumi ɔ he nɔ ke, ‘Ke i ya a, ma ha nɛ Ahab gbali ɔmɛ tsuo maa ye lakpa.’ Yawɛ de lɛ ke, ‘Yaa nɛ o ya mlɔɔ lɛ; o maa ye manye.’ ”