Kronika II, 18:2 - BAIBLO ALOO NGMAMI KLƆUKLƆU Ɔ

² Jeha komɛ a se ɔ, Yehoshafat ya Samaria ma a mi ya slaa Ahab. Ahab gbe tohi kɛ nahi babauu kɛ nya Yehoshafat, kɛ nihi nɛ kɛ lɛ nyɛɛ ɔ a he; nɛ e wo Yehoshafat yi mi ke e piɛ e he nɛ a kɛ Ramot nɛ ngɛ Gilead ɔ ya hwu ta.

Kronika II, 18:2 ပူးပေါင်းရင်းမြစ်များ

Matsɛmɛ I, 1:9

Ligbi ko ɔ, Adoniya ya gbe to, na, kɛ lohwehi nɛ wo zɔ ngɛ tɛ sa ko nɛ a tsɛɛ sinɔ tɛ sa a nɔ, ngɛ Enrogel kasa nya; nɛ e kpee e nyɛmimɛ ɔmɛ tsuo nɛ ji Matsɛ David binyumu kpa amɛ, kɛ matsɛ tsɔli ɔmɛ tsuo nɛ je Yuda a.

Matsɛmɛ I, 17:7

Be bɔɔ se ɔ, nyu ɔ ta pa a mi, ejakaa hiɔmi kpa nɛmi.

Matsɛmɛ I, 4:13

Bengeber nɔ́ mi ji Ramot ngɛ Gilead, kɛ Manase binyumu Yair kɔpehi nɛ ngɛ Gilead ɔ. Lɛ kɛ̃ e nɔ́ mi ji Argob zugba a nɛ ngɛ Bashan ɔ nɛ. Ma nguangua nyingmi ekpa ngɛ zugba a nɔ; a fia gbogbo ngɔ wo a he, kɛ a nya agbohi nɛ a kɛ akɔblee pee.

Matsɛmɛ II, 9:1

Gbalɔ Elisha tsɛ gbali a kuu ɔ mi no kake, nɛ e de lɛ ke, “Mo dla o he nɛ o hɛɛ nu kɛ tɔ nɛ ɔ kɛ ya Ramot ngɛ Gilead.

Kronika II, 18:3

Ahab bi Yehoshafat ke, “Anɛ o kɛ mi maa ya nɛ wa ya tua Ramot nɛ ngɛ Gilead ɔ lo?” Yehoshafat he nɔ ke, “Imi kɛ mo ɔ, nyɛmimɛ ji wɔ; ye ma a, mo hu o nɔ. Waa kɛ mo maa ya ta a.

Kronika II, 19:2

Gbalɔ Yehu, Hanani binyumu ɔ ba kpee matsɛ ɔ, nɛ e de lɛ ke, “Anɛ e da ha mo kaa o ya piɛ yiwutsotsɛmɛ a he, nɛ o kɛ ni nɛmɛ nɛ a sume Yawɛ nɛ bɔ lo? Nɔ́ nɛ o pee nɛ ɔ ha nɛ Yawɛ mi mi fu mo.

Nehemia 13:6

Be nɛ ɔ mi tsuo ɔ, i be Yerusalem; ejakaa Babilonia matsɛ, Artaherhes yi nɔ jeha nyingmi etɛ kɛ enyɔne ɔ mi ɔ, i ya e ngɔ nɛ i ya bɔ lɛ amaniɛ. Pee se ɔ, e ngmɛ mi blɔ,

Mose V, 4:43

E hla Bezer nɛ ngɛ nga a nɔ ngɛ zugba kpataa a nɔ ha Ruben wɛtso ɔ, Ramot ngɛ Gilead ha Gad wɛtso ɔ, kɛ Golan nɛ ngɛ Bashan ɔ ha Manase wɛtso ɔ.

Yoshua 20:8

Yordan pa a beleku je, ngɛ yo zugba kpataa a nɔ, ngɛ Yeriko beleku je ɔ, a hla ma nɛ ɔmɛ: Bezer, ngɛ Ruben zugba a mi, Ramot Gilead ngɛ Gad zugba a mi, kɛ Golan ngɛ Bashan, ngɛ Manase zugba a mi.