Kronika II, 18:19 - BAIBLO ALOO NGMAMI KLƆUKLƆU Ɔ

¹⁹ Yawɛ bi ke, ‘Mɛnɔ ma ya mlɔɔ Ahab ha mi, bɔ nɛ pee nɛ e ya tua Ramot nɛ ngɛ Gilead ɔ nɛ a gbe lɛ ngɛ lejɛ ɔ?’ Bɔfo ɔmɛ ekomɛ de kikɛ, nɛ ekomɛ hu de kikɛ.

Kronika II, 18:19 ပူးပေါင်းရင်းမြစ်များ

Matsɛmɛ I, 22:20

Yawɛ bi ke, ‘Mɛnɔ ma ya mlɔɔ Ahab, bɔ nɛ pee nɛ e ya tua Ramot Gilead, nɛ a ya gbe lɛ ngɛ lejɛ ɔ?’ Hiɔwe bɔfo ɔmɛ ekomɛ de kikɛ, nɛ ekomɛ hu de kikɛ.

Matsɛmɛ I, 4:13

Bengeber nɔ́ mi ji Ramot ngɛ Gilead, kɛ Manase binyumu Yair kɔpehi nɛ ngɛ Gilead ɔ. Lɛ kɛ̃ e nɔ́ mi ji Argob zugba a nɛ ngɛ Bashan ɔ nɛ. Ma nguangua nyingmi ekpa ngɛ zugba a nɔ; a fia gbogbo ngɔ wo a he, kɛ a nya agbohi nɛ a kɛ akɔblee pee.

Kronika II, 18:18

Mikaya ya nɔ nɛ e de ke, “Lɔ ɔ he ɔ, moo bu nɔ́ nɛ Yawɛ de ɔ tue! I na Yawɛ nɛ hii si ngɛ e sɛ ɔ nɔ ngɛ hiɔwe, nɛ e bɔfo ɔmɛ tsuo daa si kɛ bɔle lɛ kɛ kpe.

Kronika II, 18:20

Kɛkɛ ɔ, mumi ko je kpo ba da si ngɛ Yawɛ hɛ mi, nɛ e de ke, ‘Ma mlɔɔ lɛ.’ Yawɛ bi lɛ ke, ‘Kɛ o maa pee kɛ mlɔɔ lɛ kɛɛ?’

Kronika II, 18:21

Mumi ɔ he nɔ ke, ‘Ke i ya a, ma ha nɛ Ahab gbali ɔmɛ tsuo maa ye lakpa.’ Yawɛ de lɛ ke, ‘Yaa nɛ o ya mlɔɔ lɛ; o maa ye manye.’ ”

Kronika II, 25:19

Mo Amazia, nɛ o gbe Edom bi ɔmɛ he je ɔ, o ngɛ o he nɔ woe. I ngɛ mo ga woe ke o hi si ngɛ o we mi. Mɛni sane o ngɛ hlae nɛ o je ɔ? Anɛ o li kaa nɔ́ nɛ ɔ kɛ haomi maa ba o kɛ o ma Yuda tsuo nyɛ nɔ lo?”

Kronika II, 25:8

Ke o susu kaa ke a ba piɛ o he nɛ o he maa wa a, o sisi o he pɛ. Ejakaa ke nɔ ko maa ye kunimi ngɛ ta mi, loo a maa ye e nɔ ɔ, e je Mawu; Mawu ma ha nɛ o he nyɛli ɔmɛ maa ye o nɔ.”

Hiob 12:16

Mawu he wa, nɛ e le ní; nɔ sisilɔ, kɛ nɔ nɛ a sisi lɛ tsuo e níhi ji mɛ.

Abɛ Womi 11:5

Nɔ nɛ pee we nɔ́ ko nɛ dɛ ɔ, anɔkuale nɛ e yeɔ he je ɔ, e je mi si himi daa lɛ. Se yiwutsotsɛ lɛɛ lɛ nitsɛ e ní yayamihi lɛ ma kpata e hɛ mi.

Yesaya 54:16

“Imi ji nɔ nɛ bɔ sɔ̃lɔ nɛ huu la mi, nɛ e sɔ̃ɔ̃ ta hwumi níhi. Imi nɔuu ji nɔ nɛ bɔ ta hwulɔ ɔ nɛ ngɔɔ ta hwumi dade kɛ kpataa nɔ hɛ mi.

Ezekiel 14:9

“Se ke a mlɔɔ gbalɔ ko nɛ e de nɔ́ ko ɔ, lɛɛ imi Yawɛ lɛ i mlɔɔ jamɛ a gbalɔ ɔ nɛ. Ma gbla e tue; ma kpata e hɛ mi; ma je lɛ kɛ je ye ma Israel ɔ a kpɛti.