Kronika II, 18:15 - BAIBLO ALOO NGMAMI KLƆUKLƆU Ɔ

¹⁵ Se Ahab de lɛ ke, “Ke o kɛ mi ngɛ munyu tue ngɛ Yawɛ biɛ mi ɔ, tu anɔkuale! Si enyɛmɛ ma de mo nɔ́ nɛ ɔ?”

Kronika II, 18:15 ပူးပေါင်းရင်းမြစ်များ

Ni Tsumi 19:13

Yuda bi klaali komɛ nɛ ngɛ si kpae hu ka kaa a kɛ Yesu biɛ ma tsa nihi nɛ mumi yayami ngɛ a mi. A deɔ mumi yayami ɔmɛ ke, “Ngɛ Yesu nɛ Paulo ngɛ fiɛe ɔ biɛ mi ɔ, i ngɛ mo fae ke jee kpo kɛ je nɔmlɔ nɛ ɔ mi.”

Marko 5:7

nɛ e kpa ngmlaa wawɛɛ ke, “Yesu, Mawu nɛ ngɛ hiɔwe lokoo ɔ bi, mɛni o ngɛ hlae ngɛ ye dɛ? I na Mawu kaa kó pĩ mi!”

Mateo 26:63

Se Yesu pɛ̃ e nya mi. Osɔfo nɔkɔtɔma pe kulaa a kɛ lɛ tu munyu ekohu ke, “I ngɛ mo kita kae ngɛ Mawu hɛ kalɔ ɔ biɛ mi kaa ke mo ji Kristo, Mawu Bi ɔ, de wɔ!”

Matsɛmɛ I, 22:16

Se Ahab de lɛ ke, “Ke o kɛ mi ngɛ munyu tue ngɛ Yawɛ biɛ mi ɔ, tuu anɔkuale! Si enyɛmɛ ma de mo nɔ́ nɛ ɔ?”

Samuel I, 14:24

Israel bi ɔmɛ na nɔ jamɛ a ligbi ɔ, ejakaa Saul ka kita pue ma a nɔ ke, “Nɔ nɛ li peemi nɛ e maa ye nɔ́ ko loko je maa jɔ, be mi nɛ i na we ma ye he nyɛli ɔmɛ a he lue lolo ɔ, a gbiɛ jamɛatsɛ ɔ.” Lɔ ɔ he ɔ, nɔ ko nɔ ko sɛ e nya nɔ́ ko ligbi ɔ tsuo.

Kronika II, 18:14

Benɛ Mikaya ba su Matsɛ Ahab ngɔ ɔ, matsɛ ɔ bi lɛ ke, “Mikaya, anɛ i kɛ Matsɛ Yehoshafat waa ya nɛ wa ya tua Ramot nɛ ngɛ Gilead ɔ, aloo wa ko ya?” Mikaya he nɔ ke, “Yawɛ maa ngɔ ma a kɛ wo o dɛ mi. Yaa nɛ o ya tua ma a, nɛ o maa ye kunimi.”

Kronika II, 18:16

Mikaya he nɔ ke, “I na Israel tabo ɔ tsuo nɛ a gbɛ ngɔ fĩa ngɛ yoku ɔmɛ a nɔ kaa tohi nɛ be hyɛlɔ. Nɛ Yawɛ de ke, ‘Nimli nɛ ɔmɛ be nyatsɛ; ha nɛ a kpale kɛ ho a wehi a mi ya ngɛ tue mi jɔmi mi.’ ”