Kronika II, 18:13 - BAIBLO ALOO NGMAMI KLƆUKLƆU Ɔ

¹³ Se Mikaya he nɔ ke, “I na Yawɛ hɛ kalɔ ɔ, kaa nɔ́ nɛ Mawu ma de mi ke ma de ɔ, lɔ ɔ pɛ ma de ɔ nɛ!”

Kronika II, 18:13 ပူးပေါင်းရင်းမြစ်များ

Mose IV, 22:35

Se Yawɛ bɔfo ɔ de Balaam ke, “O kɛ nyumu ɔmɛ nɛ ya kɛkɛ; se mohu, munyu nɛ ma ngɔ kɛ wo o nya ke o tu ɔ, lɔ ɔ pɛ o de.” Kɛkɛ nɛ Balaam kɛ Balak tsɔli ɔmɛ pue nɔ kɛ ho.

Mose IV, 24:13

Ke Balak ngɔ sika hiɔ, loo sika tsu tsuo nɛ ngɛ e we ɔ mi kɛ ha mi po ɔ, i be nyɛe nɛ ma to ye yi mi nɛ ma pee nɔ́ ko nɛ kɛ fami nɛ Yawɛ fa mi ɔ yɛ, kpakpa jio, yayami jio, kaa ja nɔ́ nɛ Yawɛ ke ma de ɔ, lɔ ɔ pɛ ma de ɔ lo?”

1 Tesalonikabi 2:4

Mohu ɔ, wa tuɔ munyu kaa bɔ nɛ Mawu tsɔɔ wɔ ke waa pee ɔ; ejakaa e na wɔ kaa nihi nɛ sa nɛ a tu sane kpakpa a ngɔ wo a dɛ mi. Wa hla we kaa waa sa nimli a hɛ mi, se mohu kaa wa maa sa Mawu pɛ hɛ mi; ejakaa lɛ nɛ e le bɔ nɛ wa tsui mi ngɛ ha.

Galatabi 1:10

Nɔ́ nɛ i ngɛ dee nɛ ɔ, anɛ e tsɔɔ kaa i ngɛ hlae nɛ ma sa adesa hɛ mi lo? Dɛbi! Nɔ́ nɛ i ngɛ hlae kɛkɛ ji kaa ma sa Mawu hɛ mi. Anɛ pe i ngɛ hlae nɛ nimli nɛ suɔ mi lo? Ke ja ji sane ɔ lɛɛ pi Kristo tsɔlɔ ji mi.

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

1 Korintobi 11:23

Nɔ́ nɛ i ná kɛ je Nyɔmtsɛ ɔ dɛ mi ɔ, lɔ ɔ nɛ i kɛ ha nyɛ ɔ nɛ, kaa Nyɔmtsɛ Yesu ɔ, jamɛ a nyɔ ɔ mi nɔuu nɛ a tsɔɔ e se blɔ ɔ, e kɛ̃ abolo,

Ni Tsumi 20:27

Ejakaa i jaje Mawu yi mi tomi ɔ tsuo pɛpɛɛpɛ ngɔ tsɔɔ nyɛ nɛ i laa we nyɛ ba.

Ezekiel 2:7

A bu mo tue jio, a bui mo tue jio, moo lɛɛ de mɛ nɔ́ tsuaa nɔ́ nɛ ma de mo ke o de mɛ ɔ. Ejakaa tue gboli ji mɛ.

Yeremia 42:4

I he nɔ ke, “Saminya! Ma kpa Yawɛ, wa Mawu ɔ pɛɛ ha nyɛ, kaa bɔ nɛ nyɛ bi ɔ; nɛ nɔ́ tsuaa nɔ́ nɛ Yawɛ ma de mi ɔ, ma ba bɔ nyɛ. I be nyɛ nɔ́ ko nɔ laae.”

Yeremia 23:28

Ke gbalɔ ko nla a, e sɛɛ e nlami ɔ. Se ke nɔ ko ná sɛ gbi kɛ je ye ngɔ ɔ, e fiɛ ngɛ anɔkuale mi. Jakati kɛ ngma a, mɛni bɔmi lɛ ngɛ a kpɛti?

Matsɛmɛ I, 22:14

Se Mikaya he nɔ ke, “I na Yawɛ hɛ kalɔ ɔ kaa nɔ́ nɛ Yawɛ ma de mi ɔ, lɔ ɔ pɛ ma de ɔ nɛ!”

Mose IV, 23:26

Balaam he nɔ ke, “Anɛ i de we mo ke nɔ́ tsuaa nɔ́ nɛ Yawɛ de mi ke ma pee ɔ, lɔ ɔ pɛ ma pee lo?”

Mose IV, 23:12

E he nɔ ke, “Anɛ ma nyɛ ma de nɔ́ kpa ko pe nɔ́ nɛ Yawɛ ke ma de ɔ lo?”

Kronika II, 18:12

Tsɔlɔ ɔ nɛ ho Mikaya tsɛmi ya a de Mikaya ke, “O nɛ, gbali ɔmɛ tsuo a nya sɔ nɛ a gba ke matsɛ ɔ maa ye kunimi. Lɔ ɔ he ɔ, mo hu moo gba ja nɔuu.”

Kronika II, 18:14

Benɛ Mikaya ba su Matsɛ Ahab ngɔ ɔ, matsɛ ɔ bi lɛ ke, “Mikaya, anɛ i kɛ Matsɛ Yehoshafat waa ya nɛ wa ya tua Ramot nɛ ngɛ Gilead ɔ, aloo wa ko ya?” Mikaya he nɔ ke, “Yawɛ maa ngɔ ma a kɛ wo o dɛ mi. Yaa nɛ o ya tua ma a, nɛ o maa ye kunimi.”