Kronika II, 18:11 - BAIBLO ALOO NGMAMI KLƆUKLƆU Ɔ

¹¹ Gbali kpa amɛ tsuo gba kikɛ nɛ ɔ nɔuu, nɛ a de ke, “Yawɛ maa ngɔ Ramot nɛ ngɛ Gilead ɔ kɛ wo o dɛ mi. Yaa nɛ o ya tua ma a; o maa ye kunimi.”

Kronika II, 18:11 ပူးပေါင်းရင်းမြစ်များ

Matsɛmɛ I, 4:13

Bengeber nɔ́ mi ji Ramot ngɛ Gilead, kɛ Manase binyumu Yair kɔpehi nɛ ngɛ Gilead ɔ. Lɛ kɛ̃ e nɔ́ mi ji Argob zugba a nɛ ngɛ Bashan ɔ nɛ. Ma nguangua nyingmi ekpa ngɛ zugba a nɔ; a fia gbogbo ngɔ wo a he, kɛ a nya agbohi nɛ a kɛ akɔblee pee.

Kronika II, 18:10

Gbali ɔmɛ a ti nɔ kake nɛ a tsɛɛ lɛ Zedekia, Kenaana binyumu ɔ pee dade kolihi, nɛ e de Ahab ke, “Bɔ nɛ Yawɛ de ji nɛ ɔ nɛ: ‘Ní nɛ ɔmɛ ji níhi nɛ o kɛ maa gbe Siria bi ɔmɛ kɛ yaa si o ma kpata a hɛ mi pɛsɛpɛsɛ.’ ”

Kronika II, 18:12

Tsɔlɔ ɔ nɛ ho Mikaya tsɛmi ya a de Mikaya ke, “O nɛ, gbali ɔmɛ tsuo a nya sɔ nɛ a gba ke matsɛ ɔ maa ye kunimi. Lɔ ɔ he ɔ, mo hu moo gba ja nɔuu.”

Kronika II, 18:5

Kɛkɛ nɛ Ahab ya kpee gbali maa pee nimli lafa eywiɛ kɛ ba, nɛ e bi mɛ ke, “Anɛ ma ya nɛ ma ya tua Ramot nɛ ngɛ Gilead ɔ, aloo ma ko ya?” A he nɔ ke, “Yaa, Yawɛ maa ngɔ ma a kɛ wo o dɛ mi.”

Mika 3:5

Nyɛ lakpa gbali nɛ nyɛ ngɛ ye ma a sisie! Nyɛ nɛ nyɛ gbaa he jɔmi kɛ haa nihi nɛ haa nyɛ ní nɛ nyɛ yeɔ; nɛ nyɛ woɔ ni nɛmɛ nɛ ha we nyɛ nɔ́ ko ɔ a susuma he gbeye! Bɔ nɛ Yawɛ ngɛ nyɛ dee ji nɛ ɔ nɛ,

Yuda 1:16

Daa nɛ ɔ, nimli nɛ ɔmɛ ngɛ munyu huitihuiti tue kɛ ngɛ bee; nɔ́ muɛ a hɛ gblegbleegble. Mɛ nitsɛmɛ a he akɔnɔ yayahi a se nɛ a dii. A fĩaa; a peeɔ nya puu, nɛ a gbee nihi a yi mi, konɛ a kɛ na ni ɔmɛ a he blɔ.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.