Kronika II, 18:10 - BAIBLO ALOO NGMAMI KLƆUKLƆU Ɔ

¹⁰ Gbali ɔmɛ a ti nɔ kake nɛ a tsɛɛ lɛ Zedekia, Kenaana binyumu ɔ pee dade kolihi, nɛ e de Ahab ke, “Bɔ nɛ Yawɛ de ji nɛ ɔ nɛ: ‘Ní nɛ ɔmɛ ji níhi nɛ o kɛ maa gbe Siria bi ɔmɛ kɛ yaa si o ma kpata a hɛ mi pɛsɛpɛsɛ.’ ”

Kronika II, 18:10 ပူးပေါင်းရင်းမြစ်များ

Matsɛmɛ I, 22:11

Gbali ɔmɛ a ti nɔ kake nɛ a tsɛɛ lɛ Zedekia, Kenaana binyumu ɔ, pee dade kolihi, nɛ e de Ahab ke, “Bɔ nɛ Yawɛ de ji nɛ ɔ nɛ: ‘Enɛ ɔmɛ ji níhi nɛ o kɛ ma tsitsɛɛ Siria bi ɔmɛ kɛ ya se kɛ yaa si o ma kpata a hɛ mi pɛsɛpɛsɛ.’ ”

Kronika II, 18:11

Gbali kpa amɛ tsuo gba kikɛ nɛ ɔ nɔuu, nɛ a de ke, “Yawɛ maa ngɔ Ramot nɛ ngɛ Gilead ɔ kɛ wo o dɛ mi. Yaa nɛ o ya tua ma a; o maa ye kunimi.”

Kronika II, 18:9

Matsɛmɛ enyɔ ɔmɛ wo ablade tade kɛ hii si ngɛ a matsɛ sɛ ɔmɛ a nɔ ngɛ ngma mi sami he ɔ nɛ ngɛ Samaria ma agbo ɔ nya a, nɛ gbali ɔmɛ tsuo ngɛ gbae ngɛ a hɛ mi.

Yeremia 23:17

Daa nɛ ɔ, bɔ nɛ a deɔ ni nɛmɛ nɛ sume nɛ a buɔ ye munyu ɔ tue ji, ‘Nyɛ ko ye tsui tete! Nɔ́ tsuaa nɔ́ maa hi.’ Tue wali ɔmɛ lɛɛ bɔ nɛ a deɔ mɛ ji, ‘Haomi ko haomi ko be nyɛ nɔ bae fɛɛ.’ ”

Yeremia 23:21

Yawɛ ke, “I tsɔ we gbali nɛ ɔmɛ, se kɛ̃ a he sɔ kɛ ya fiɛ. I ha we mɛ sɛ gbi ko, se kɛ̃ a gba ngɛ ye biɛ mi.

Yeremia 23:25

Munyuhi nɛ lakpa gbali ɔmɛ tuɔ ngɛ ye biɛ mi ɔ, i nu lɛ tsuo pɛpɛɛpɛ. A deɔ ke imi lɛ i ha mɛ sɛ gbi ngɛ nlami mi.

Yeremia 23:31

Jehanɛ, gbali nɛ mɛ nitsɛmɛ a munyu lɛ a tuɔ, se kɛ̃ a deɔ ke imi ye ngɔ lɛ a naa sɛ gbi ɔ kɛ jee ɔ, mɛ hu i kɛ mɛ ná.

Yeremia 27:2

Yawɛ de mi ke ma ya pee kuɛpã tso kɛ e he kpa nɛ a kɛ lohwe he womi pee kɛ kpla ye kuɛ.

Yeremia 29:21

“Kolaya bi Ahab, kɛ Maaseya bi Zedekia nɛ a ngɛ lakpa gbami gbae ngɛ ye biɛ mi kɛ ngɛ nyɛ hae ɔ, bɔ nɛ Yawɛ Tabohiatsɛ, Israel Mawu ɔ de ngɛ a he ji nɛ ɔ nɛ. E ke e maa ngɔ mɛ kɛ wo Babilonia matsɛ, Nebukadnezar dɛ, nɛ Nebukadnezar maa gbe mɛ ngɛ nyɛ hɛ mi.

Ezekiel 13:7

I de mɛ ke, ‘Jamɛ a nina amɛ nɛ nyɛ naa a be mi, nɛ nyɛ gbami ɔmɛ hu lakpa sɔuu. Nyɛ deɔ ke ye sɛ gbi ji lɔ ɔmɛ, be mi nɛ i de we nyɛ nɔ́ ko!’ ”

Ezekiel 22:28

Gbali ɔmɛ laa yayamihi a nɔ kaa bɔ nɛ a kɛ kalo saa gbogbo he. Lakpa ninahi a naa, nɛ a gbami ɔmɛ hu lakpa sɔuu. A deɔ ke Nyɔmtsɛ Yawɛ lɛ tsɔ mɛ, be mi nɛ imi Yawɛ, i de we mɛ nɔ́ ko kulaa.

2 Timoteo 3:8

Kaa bɔ nɛ Yane kɛ Yambre te si kɛ wo Mose ɔ, ja nɔuu nɛ kikɛmɛ a nimli nɛ ɔmɛ hu te si kɛ ngɛ anɔkuale ɔ nya tsie. Kikɛmɛ a nimli nɛ ɔmɛ nɛ a juɛmi mi kuɔ we ɔ, a hemi kɛ yemi hu gbo.