Kronika II, 17:9 - BAIBLO ALOO NGMAMI KLƆUKLƆU Ɔ

⁹ A hɛɛ Yawɛ mlaa womi ɔ kɛ ya kpa Yuda ma amɛ tsuo a mi, nɛ a tsɔɔ ma a mlaa a.

Kronika II, 17:9 ပူးပေါင်းရင်းမြစ်များ

Kronika II, 15:3

Be saii ji nɛ ɔ nɛ Israel ma a ngɛ kɛkɛ, nɛ a ja we anɔkuale Mawu ɔ; osɔfohi be nɛ maa tsɔɔ mɛ ní ɔ, mlaa ko hu be.

Kronika II, 19:8

Yehoshafat wo Levi bi ɔmɛ, osɔfo ɔmɛ, kɛ Israel ma nimeli ɔmɛ a ti ni komɛ kojoli ngɛ Yerusalem hulɔ. Mɛɛ a ní tsumi ji a kojo sanehi nɛ kɔɔ Yawɛ mlaa a nɔ tɔmi he, nɛ a hyɛ ma mi bi ɔmɛ a kpɛti sanehi a mi. Yerusalem ji he nɛ a kojoɔ ngɛ.

Kronika II, 35:3

Levi bi ɔmɛ nɛ a pee a he klɔuklɔu kɛ ha Yawɛ, nɛ mɛ lɛ a tsɔɔ Israel ma a ní ɔ, Yosia de mɛ ke, “Nyɛ wo somi daka klɔuklɔu ɔ kɛ ya ma Yawɛ we ɔ nɛ Israel matsɛ, David bi Salomo po ɔ. Jehanɛ lɛɛ nyɛ be somi daka a hɛɛe kɛ ya kɛ ba hu; nyɛ ní tsumi ji nyɛ sɔmɔ Yawɛ, nyɛ Mawu ɔ, kɛ e ma Israel.

Nehemia 8:7

Jehanɛ, a te da si ngɛ he nɛ a ngɛ ɔ, nɛ Levi bi nɛ ɔmɛ tsɔɔ mɛ mlaa a sisi fitsofitso. Mɛ ji Yeshua, Bani, Sherebia, Yamin, Akub, Shabetai, Hodia, Maaseya, Kelita, Azaria, Yozabad, Hanan, kɛ Peleya.

Yesaya 8:20

Ke a de nyɛ ja a, nyɛ he nɔ ke, “Nyɛɛ bu nɔ́ nɛ Yawɛ ngɛ nyɛ tsɔɔe ɔ tue! Nyɛ ko bu ní peeli tue. Níhi nɛ a deɔ nyɛ ɔ, a he be se nami.”

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Mateo 10:23

Ke a ngɛ nyɛ yi mi wae ngɛ ma ko mi ɔ, nyɛɛ tu fo kɛ ya ma kpa mi. Niinɛ, i ngɛ nyɛ dee ke nyɛ be nyɛ ní tsumi ɔ nya gbee ngɛ Israel ma amɛ tsuo a mi, loko Nɔmlɔ Bi ɔ maa ba.

Mateo 11:1

Benɛ Yesu tsɔɔ e kaseli nyɔngma kɛ enyɔ ɔmɛ ní nɛ ɔmɛ ta a, e je kɛ ho ma amɛ nɛ a kɛ lejɛ ɔ kɛ we ɔ a mi ya, nɛ e ya tsɔɔ ní, nɛ e fiɛ ngɛ lejɛ ɔmɛ.

Yohane 5:39

Nyɛ hlaa ngmami ɔmɛ a mi, ejakaa nyɛ susuɔ kaa a mi nyɛ ma na neneene wami ngɛ; nɛ lɔ ɔmɛ nɔuu yeɔ ye he odase.

Yohane 5:46

Kaa nyɛ he Mose ye jinɛ imi hu nyɛ ma he mi maa ye, ejakaa munyuhi nɛ e ngma a, ye he e ngma ngɛ.

Ni Tsumi 13:15

Benɛ a kane Mose mlaa a, kɛ gbali ɔmɛ a womi ɔ se ɔ, kpe he ɔ nikɔtɔma amɛ tsɔ ba de Paulo kɛ Barnaba ke, “Nyɛmimɛ, ke nyɛ ngɛ munyu ko nɛ maa wo ni ɔmɛ he wami ɔ, nyɛɛ tu.”

Ni Tsumi 15:21

Ejakaa kɛ je blema lokoo ɔ, daa Hejɔɔmi ligbi ɔ, a kaneɔ Mose mlaa a, nɛ a fiɛɔ e munyu ɔ ngɛ kpe he ɔ ngɛ ma tsuaa ma mi.”

Ni Tsumi 28:23

Lɔ ɔ he ɔ, a to Paulo be kpa; nɛ jamɛ a ligbi ɔ, nihi babauu ba e ngɔ ngɛ he nɛ e ba to ɔ. E gbá níhi a mi tsɔɔ mɛ kɛ je mɔtu kɛ ya si gbɔkuɛ. E tsɔɔ mɛ sɛ gbi nɛ kɔɔ Mawu matsɛ yemi ɔ he ɔ, nɛ e kɛ níhi nɛ a ngma ngɛ Mose mlaa, kɛ gbali ɔmɛ a womi ɔmɛ a mi ɔ fi e munyu ɔ se, konɛ a na anɔkuale ɔ nɛ kɔɔ Yesu he ɔ.

Ni Tsumi 8:40

Filipo ya je Azoto. E fiɛ sane kpakpa a ngɛ ma amɛ tsuo a mi hluu kɛ ya su Kaisarea.

Romabi 3:2

Ee, nɔ pomi he ngɛ se nami babauu ngɛ blɔ tsuaa blɔ nɔ. Kekleekle nɔ́ ji kaa a tu Mawu munyu ɔ ngɔ wo Yuda bi ɔmɛ a dɛ.

1 Petro 4:11

Ke nɔ ko ngɛ fiɛe ɔ, e fiɛ Mawu sɛ gbi ɔ; ke nɔ ko ngɛ sɔmɔe ɔ, e ngɔ he wami nɛ Mawu ha lɛ ɔ kɛ sɔmɔ. Nɔ́ tsuaa nɔ́ nɛ nyɛ ngɛ pee ɔ, e ha nɛ nihi nɛ a je Mawu yi kɛ gu Yesu Kristo nɔ. Mawu nɔ́ ji hɛ mi nyami, kɛ he wami kɛ yaa neneene. Amen.