Kronika II, 17:7 - BAIBLO ALOO NGMAMI KLƆUKLƆU Ɔ

⁷ Benɛ e ngɛ matsɛ yee ɔ, jeha etɛne ɔ, e tsɔ ganɔ nɛ ɔmɛ kɛ ho Yuda ma amɛ a mi ya, konɛ a ya tsɔɔ ní. Mɛ ji Benhail, Obadia, Zakaria, Netanel, kɛ Mikaya.

Kronika II, 17:7 ပူးပေါင်းရင်းမြစ်များ

Kronika II, 15:3

Be saii ji nɛ ɔ nɛ Israel ma a ngɛ kɛkɛ, nɛ a ja we anɔkuale Mawu ɔ; osɔfohi be nɛ maa tsɔɔ mɛ ní ɔ, mlaa ko hu be.

Kronika II, 30:22

Hezekia je Levi bi ɔmɛ a yi wawɛɛ nitsɛ, ejakaa a je a he kpo kaa nihi nɛ le Yawɛ sɔmɔmi ní tsumi ɔ saminya. Ma a ye Abolokplolo nyami be ɔ ligbi kpaago sɔuu; a sã tue mi jɔmi bɔhi, nɛ a na Yawɛ, a nɛmɛ a Mawu ɔ si. Ligbi kpaago ɔmɛ a se ɔ,

Kronika II, 35:3

Levi bi ɔmɛ nɛ a pee a he klɔuklɔu kɛ ha Yawɛ, nɛ mɛ lɛ a tsɔɔ Israel ma a ní ɔ, Yosia de mɛ ke, “Nyɛ wo somi daka klɔuklɔu ɔ kɛ ya ma Yawɛ we ɔ nɛ Israel matsɛ, David bi Salomo po ɔ. Jehanɛ lɛɛ nyɛ be somi daka a hɛɛe kɛ ya kɛ ba hu; nyɛ ní tsumi ji nyɛ sɔmɔ Yawɛ, nyɛ Mawu ɔ, kɛ e ma Israel.

Ezra 7:25

“Mo Ezra, ngɔɔ nile nɛ Mawu ha mo ɔ kɛ tsu nɔ́ nɛ ɔ; moo hla ma a nɔ hyɛli, kɛ kojoli, nihi nɛ le o Mawu ɔ mlaa a, nɛ́ a hyɛ ye nɔ yemi he ɔ nɔ ngɛ pa a se. Ni nɛmɛ nɛ li mlaa a, tsɔɔ mɛ.

Nehemia 9:3

A kane Yawɛ, a Mawu ɔ mlaa a ngmlɛfia etɛ, nɛ ngmlɛfia etɛ nɛ tsa nɔ ɔ, a jaje a he yayami ɔmɛ, nɛ a ja Yawɛ, a Mawu ɔ.

La 34:11

Ye bimɛ, nyɛɛ ba nɛ nyɛ ba bu mi tue, nɛ ma tsɔɔ nyɛ nɛ nyɛɛ ye Yawɛ gbeye.

La 51:13

Kɛkɛ ɔ, ma tsɔɔ yayami peeli o mlaa a, konɛ a kpale kɛ ba o ngɔ.

Fiɛlɔ 1:12

Imi fiɛlɔ ɔ, i hi Yerusalem kɛ ye matsɛ ngɛ Israel ma a nɔ.

Yesaya 49:23

Matsɛmɛ ma plɛ pee tsɛmɛ kɛ ha mo, nɛ manyɛmɛ ma plɛ pee nyɛmɛ kɛ ha mo. A ma kpla si ha mo, nɛ a maa wo o hɛ mi nyami. A maa ba a he si ha mo, nɛ a maa bu mo. Kɛkɛ ɔ, o maa le kaa imi ji Yawɛ niinɛ. Nihi nɛ ngɔɔ a hɛ ngɔ fɔɔ ye nɔ ɔ, zo be mɛ gbee.”

Mose III, 14:42

Jehanɛ, á ngɔ tɛ kpahi kɛ tsi puɔ ɔmɛ, nɛ́ a ngɔ zu kpa kɛ kã gli ɔmɛ a he.

Mateo 4:23

Yesu kpa Galilea tsuo; e tsɔɔ ní ngɛ a kpe he ɔmɛ, nɛ e fiɛ matsɛ yemi ɔ he sane kpakpa a, nɛ e tsa hiɔhi tsuo nɛ ngɛ ni ɔmɛ a he.

Marko 4:2

E tsɔɔ mɛ níhi fuu ngɛ abɛ gbi mi. E de mɛ ke,

Ni Tsumi 1:1

Ye suɔlɔ Teofilo: Ngɛ ye kekle womi ɔ mi ɔ, i ngma níhi tsuo nɛ Yesu ba pee, kɛ ní nɛ e tsɔɔ kɛ je be nɛ e bɔni e ní tsumi,

Mose V, 33:10

A maa tsɔɔ Israel bi ɔmɛ o mlaa a, konɛ a ye nɔ. A maa sã bɔ ɔmɛ ngɛ o bɔ sami la tɛ ɔ nɔ.

Mose V, 4:5

“I tsɔɔ nyɛ mlaa amɛ tsuo kaa bɔ nɛ Yawɛ, ye Mawu ɔ fa mi ke ma pee ɔ; nyɛɛ ye a nɔ ngɛ zugba nɛ nyɛ yaa ngɔ ɔ nɔ.