Kronika II, 17:3 - BAIBLO ALOO NGMAMI KLƆUKLƆU Ɔ

³ Yawɛ gbaa Yehoshafat, ejakaa e ya wo e tsɛ nane, nɛ e ba e je mi kaa bɔ nɛ e tsɛ pee ngɛ e nihe be mi ɔ pɛpɛɛpɛ; e ja we Baal.

Kronika II, 17:3 ပူးပေါင်းရင်းမြစ်များ

Mose I, 39:21

Se Yawɛ kɛ Yosef ngɛ; nɛ e na lɛ mɔbɔ, nɛ e ha nɛ pamitsɛmɛ ɔmɛ a nɔ hyɛlɔ ɔ na e he bua jɔmi.

Samuel II, 5:10

David ya nɔ wawɛɛ nitsɛ; ejakaa Yawɛ Tabohiatsɛ Mawu ɔ kɛ lɛ ngɛ.

Samuel II, 8:15

David ye Israel ma a tsuo nɔ matsɛ; e ye dami sane kɛ ha nɔ tsuaa nɔ.

Matsɛmɛ I, 11:6

Salomo pee yayami kɛ si Yawɛ, nɛ e nyɛɛ we e se kɛ pi si kaa bɔ nɛ e tsɛ David pee ɔ.

Matsɛmɛ I, 22:43

Yehoshafat ya wo e tsɛ Asa nane, nɛ e pee nɔ́ nɛ sa Yawɛ hɛ mi. Se kɛ̃ ɔ, e hule we wɔ piɛ ɔmɛ, nɛ ma a ya nɔ sã bɔ, kɛ tsopa kɛ e he via ngɛ lejɛ ɔmɛ.

Matsɛmɛ I, 3:3

Salomo suɔ Yawɛ, nɛ e ye e tsɛ David mlaa amɛ a nɔ; se e gbe lohwe, nɛ e sã tsopa kɛ e he via ngɛ wɔ piɛ ɔmɛ a mi.

Matsɛmɛ II, 14:3

E pee nɔ́ nɛ sa Yawɛ hɛ mi, se e be kaa e nɛ̃ David; e ya wo e tsɛ Yoash nane.

Matsɛmɛ II, 16:2

Jamɛ a be ɔ, e ye jeha nyingmi enyɔ, nɛ e hi Yerusalem kɛ ye matsɛ jeha nyɔngma kɛ ekpa. E pee we Yawɛ, e Mawu ɔ suɔmi nya ní kaa bɔ nɛ e nɛ̃ David pee ɔ;

Matsɛmɛ II, 18:3

Hezekia ya wo e nɛ̃ David nane, nɛ e ní peepee sa Yawɛ hɛ mi.

Matsɛmɛ II, 22:2

Yosia ní peemi níhi sa Yawɛ hɛ mi. E ya wo e nɛ̃ David nane ngɛ nɔ́ tsuaa nɔ́ peemi mi, nɛ e ye Mawu mlaa amɛ tsuo a nɔ sisiisi.

Kronika I, 22:18

E de mɛ ke, “Yawɛ, nyɛ Mawu ɔ kɛ nyɛ nɛ hi si, nɛ e ha nyɛ tue mi jɔmi ngɛ he tsuaa he nɛ nyɛ ngɛ ɔ. Nihi nɛ ngɛ zugba nɛ ɔ nɔ loko wa ba hiɛ ɔ, Yawɛ ngɔ mɛ tsuo ngɔ wo ye dɛ mi. I ye a nɔ kunimi, nɛ amlɔ nɛ ɔ, a ba pee nyɛɛ kɛ Yawɛ nyɛ sɔmɔli.

Kronika II, 14:11

Asa fa kue ha Yawɛ e Mawu ɔ ke, “Yawɛ lee, mo nɛ o piɛɔ nihi nɛ a he wa, kɛ ni nɛmɛ nɛ a he wɛ tsuo a he! Yawɛ, wa Mawu, moo piɛ wa he koo! Ejakaa wa ngɔ wa hɛ ngɔ fɔ o nɔ. Wa ba ngɛ o biɛ mi, konɛ waa kɛ asafo babauu nɛ ɔ ba kpe. Yawɛ, mo ji wa Mawu; ko ha nɛ nɔmlɔ adesa nɛ ye o nɔ kunimi.”

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Kronika II, 17:2

E ngɔ ta buli ngɔ to Yuda mahi nɛ a fia gbogbo ngɔ wo a he ɔ, kɛ kɔpe ɔmɛ, kɛ Efraim mahi nɛ e tsɛ Asa kpɔ ɔ a mi.

Kronika II, 17:4

E sɔmɔ e tsɛ Mawu ɔ; e ye Mawu mlaa amɛ a nɔ, nɛ e pee we e ní kaa Israel matsɛmɛ ɔmɛ.

Kronika II, 20:32

Yehoshafat ya wo e tsɛ Asa nane, nɛ e pee nɔ́ nɛ sa Yawɛ hɛ mi.

Kronika II, 21:12

Gbalɔ Eliya ngma Yehoram womi, nɛ nɔ́ nɛ e ngma ngɛ womi ɔ mi ji nɛ ɔ nɛ: “Yawɛ, o nɛ̃ David Mawu ɔ bu mo fɔ; ejakaa o ya nyɛɛ we o tsɛ Yehoshafat, aloo Yuda matsɛ, Asa blɔ kpakpa amɛ a nɔ.

Kronika II, 22:9

A hla Ahazia kɛ kpa si kɛ ya si a ya nu lɛ ngɛ Samaria, he nɛ e ya laa e he ngɛ ɔ. A ngɔ lɛ kɛ ba Yehu ngɔ, nɛ a ba gbe lɛ. Se kɛ̃ ɔ, bumi nɛ a ngɛ kɛ ha e nɛ̃, Matsɛ Yehoshafat he je ɔ, a pu lɛ; ejakaa Yehoshafat sɔmɔ Yawɛ kɛ e tsui tsuo. Nɛ e pee ja a, nɔ ko pa be Ahazia weku ɔ mi hu nɛ ma nyɛ maa ye matsɛ.

Kronika II, 27:6

Yotam matsɛ yemi ɔ ba he si, ejakaa e bu Yawɛ, e Mawu ɔ tue ngɛ nɔ́ tsuaa nɔ́ mi.

Kronika II, 29:2

Hezekia ya wo e nɛ̃ David nane, nɛ e pee Yawɛ suɔmi nya ní.

Kronika II, 34:2

E pee Yawɛ suɔmi nya ní; e ya wo e nɛ̃ David nane, nɛ e ye Mawu mlaa amɛ tsuo a nɔ sisiisi.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 46:7

Yawɛ, Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

Mose II, 3:12

Mawu ha lɛ heto ke, “Ma piɛ o he. Ke o ya jé ma a kɛ je Egipt kɛ ba a, nyɛ ma ba ja mi ngɛ yo nɛ ɔ nɔ. Jamɛ a be ɔ loko o maa le niinɛ kaa imi nɛ i tsɔ mo.”

Mose II, 4:12

Lɔ ɔ he ɔ, moo ya. Ma ha o nya mi ma tsɔ, nɛ ma tsɔɔ mo nɔ́ nɛ o de.”

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 8:10

Nyɛɛ to nyɛ ga amɛ! Se a maa pee yaka. Nyɛ de nɔ́ tsuaa nɔ́ nɛ nyɛ suɔ! Se enɛ ɔmɛ tsuo maa pee yaka, ejakaa Mawu kɛ wɔ ngɛ.

Yeremia 2:23

O ma de ke o ble we o he lo? O ma de ke o ja we Baalhi hyɛ lo? Hyɛ bɔ nɛ o pee yayami ngɛ kɔ̃ ɔ mi; hyɛ nɔ́ nɛ o pee. O pee kaa afukpɔngɔ yo nɛ he mi jɔɛ lɛ, nɛ ngɛ kpae kɛ ngɛ yae kɛ ngɛ bae.

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

Mateo 18:20

Ejakaa he nɛ ni enyɔ, loo ni etɛ bua a he nya ngɛ ngɛ ye biɛ mi ɔ, i ngɛ a kpɛti ngɛ lejɛ ɔ.”

Mateo 25:16

Nɔ nɛ na sika tsu yi akpe enuɔ ɔ ho amlɔ, nɛ e kɛ sika a ya tsu ní; nɛ e na sika tsu yi akpe enuɔ kɛ bɔ he.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

2 Timoteo 4:22

Wa Nyɔmtsɛ Yesu Kristo nɛ gbaa mo. Mawu dloomi ɔ kɛ nyɛ nɛ hi si!

Yoshua 1:5

Nɔ ko nɔ ko be mo nyɛe o wami be ɔ tsuo. Bɔ nɛ i kɛ Mose hi si ɔ, jã kɛ̃ i kɛ mo, Yoshua hu maa hi si. I be mo sie, nɛ i be mo kuae hulɔ.

Yoshua 1:9

Ná nɛ o le kaa imi nitsɛ nɛ i ngɛ mo fae ke o he nɛ wa, nɛ o pee kã a nɛ. Koo nu sawale, nɛ o nine mi ko je wu. He tsuaa he nɛ o maa ya a, imi, Yawɛ, o Mawu ɔ, ma piɛ o he kɛ ya.”

Manyadali 2:11

Israel bi ɔmɛ pee yayami kɛ si Yawɛ nɛ a ya sɔmɔ Baalhi.

Manyadali 2:18

Be tsuaa be nɛ Yawɛ ma ha Israel manyadalɔ ko ɔ, e piɛɔ e he kɛ kpɔɔ ma a kɛ jeɔ a he nyɛli ɔmɛ a dɛ mi e wami ligbi ɔmɛ tsuo. Ejakaa kɛmɛmi nɛ a hii kɛmɛe ngɛ a yi mi wali, kɛ ni nɛmɛ nɛ haoɔ mɛ ɔ a dɛ mi ɔ peeɔ Yawɛ mɔbɔ.

Manyadali 6:12

Yawɛ bɔfo ɔ je e he si tsɔɔ lɛ, nɛ e de lɛ ke, “Mo nyumu katsɛ, Yawɛ kɛ mo ngɛ!”

Manyadali 8:33

Benɛ Gideon gbo ɔ, Israel bi ɔmɛ kua Mawu ekohu, nɛ a ngɔ Baal Berit ngɔ pee a mawu.

Samuel I, 18:12

Saul ye David gbeye, ejakaa Yawɛ kɛ David ngɛ; se lɛ Saul ɔ lɛɛ Yawɛ je e se.

Samuel I, 18:14

nɛ e yeɔ manye ngɛ nɔ́ tsuaa nɔ́ mi; ejakaa Yawɛ kɛ lɛ ngɛ.

Samuel I, 18:5

He tsuaa he nɛ Saul tsɔ David ɔ, e ya yeɔ manye. Enɛ ɔ he ɔ, Saul wo lɛ asafoatsɛ, nɛ nɔ́ nɛ ɔ sa Saul tsɔli, kɛ nihi tsuo a hɛ mi.