Kronika II, 17:10 - BAIBLO ALOO NGMAMI KLƆUKLƆU Ɔ

¹⁰ Yawɛ ha nɛ sawale nu matsɛmɛ ɔmɛ nɛ bɔle Yuda a, nɛ a ti nɔ ko nyɛ we nɛ e kɛ Matsɛ Yehoshafat nɛ hwu ta.

Kronika II, 17:10 ပူးပေါင်းရင်းမြစ်များ

Kronika II, 14:14

Enɛ ɔ se ɔ, a kpata mahi tsuo pɛpɛɛpɛ nɛ bɔle Gerar kɛ kpe ɔ a hɛ mi, ejakaa ni ɔmɛ ye Yawɛ gbeye. A ha ta yibu ní babauu ngɛ ma nɛ ɔmɛ tsuo a mi.

Abɛ Womi 16:7

Ke Yawɛ ná o he bua jɔmi ɔ, o he nyɛli tete po e ma ha o kɛ mɛ maa hi si ngɛ tue mi jɔmi mi.

Kronika II, 16:9

Yawɛ hɛngmɛ ngɛ je ɔ tsuo he; nihi nɛ yeɔ lɛ anɔkuale ɔ, e woɔ mɛ he wami. O je kuasia. Lɔ ɔ he ɔ, kɛ je mwɔnɛ ɔ kɛ yaa a, ta maa nyɛɛ o se daa nɛ.”

Mose II, 34:24

Ma fie je ma amɛ kɛ je o blɔ ɔ nɔ, nɛ ma bli o huzu ɔmɛ a mi. Nɛ ke o ba Yawɛ, o Mawu ɔ hɛ mi si etɛ ngɛ jeha mi ɔ, nɔ ko hɛ be o zugba a nɔ kɔe.

Mose I, 35:5

Benɛ Yakob kɛ e yi ɔmɛ, e bimɛ ɔmɛ, kɛ e we bi ɔmɛ hia kɛ yaa a, sawale nu ni ɔmɛ ngɛ ma amɛ nɛ bɔle mɛ ɔ a mi; lɔ ɔ he ɔ, a nyɛɛ we a se.

Kronika II, 20:29

Je ma amɛ tsuo nu kaa Yawɛ ye Israel he nyɛli ɔmɛ a nɔ kunimi, nɛ a ye gbeye wawɛɛ nitsɛ.

Kronika II, 14:13

nɛ Asa kɛ e ta buli ɔmɛ nyɛɛ a se kɛ ya su Gerar tɔɔ. A gbe Sudan bi ɔmɛ basabasa nɛ a ti nɔ kake ngmelu po piɛ. Yawɛ kɛ e tabo ɔ pee mɛ butuu, nɛ Yuda tabo ɔ ha ta yibu ní babauu.

Mika 7:17

A maa sã si ngɛ tabo zu mi kaa sinɔhi. A kɛ he domi kɛ gbeye yemi maa je a mɔ ɔmɛ a mi kɛ ba Yawɛ, wa Mawu ngɔ.