Kronika II, 17:1 - BAIBLO ALOO NGMAMI KLƆUKLƆU Ɔ

¹ Yehoshafat ba ye matsɛ ngɛ e tsɛ Asa se, nɛ e dla konɛ e kɛ Israel nɛ kpe.

Kronika II, 17:1 ပူးပေါင်းရင်းမြစ်များ

Matsɛmɛ I, 15:24

Asa ba gbo, nɛ a pu lɛ ngɛ matsɛmɛ ɔmɛ a yɔkɔ ɔ mi ngɛ David ma a mi, nɛ e binyumu Yehoshafat ba ye tsɛ ngɛ e se.

Matsɛmɛ I, 22:41

Israel matsɛ Ahab yi nɔ jeha nɛ ji eywiɛ ɔ, Asa binyumu Yehoshafat ba bɔni tsɛ yemi ngɛ Yuda ma a nɔ.

Matsɛmɛ II, 1:17

Ahazia gbo niinɛ kaa bɔ nɛ Yawɛ gu Eliya nɔ de to ɔ. Nɛ akɛnɛ Ahazia be binyumu he je ɔ, e nyɛminyumu Yoram ba ye matsɛ ngɛ e se ngɛ Yuda matsɛ, Yehoram nɛ ji Yehoshafat binyumu ɔ yi nɔ jeha enyɔne ɔ mi.

Kronika I, 11:10

David ta buli kpanaa amɛ ji nɛ ɔmɛ nɛ. Ta buli kpanaa nɛ ɔmɛ, kɛ Israel ma a tsuo pee kake nɛ a wo David matsɛ kaa bɔ nɛ Yawɛ wo si ɔ. Mɛ lɛ a piɛ David he nɛ e matsɛ yemi ɔ da si.

Kronika II, 12:1

Benɛ Rehoboam matsɛ yemi ɔ ba da si ɔ, e kɛ e ma a tsuo kua Yawɛ mlaa a nɔ yemi.

Kronika II, 17:2

E ngɔ ta buli ngɔ to Yuda mahi nɛ a fia gbogbo ngɔ wo a he ɔ, kɛ kɔpe ɔmɛ, kɛ Efraim mahi nɛ e tsɛ Asa kpɔ ɔ a mi.

Kronika II, 26:8

Amon bi ɔmɛ tsuɔ tó kɛ haa Uzia. Nɔ́ nɛ ɔ ha nɛ e matsɛ yemi ɔ ba he si, nɛ e biɛ pɛ wawɛɛ nitsɛ kɛ ya su Egipt tɔɔ.

Kronika II, 32:5

Matsɛ ɔ dla Yerusalem ma a he fami ní ɔmɛ; gbogbohi nɛ ku ɔ, e kpale fia mɛ ekohu, nɛ e ma mɔhi ngɛ a nɔ; e fia gbogbo enyɔne hulɔ kɛ wo ma a he. Jehanɛ se hu, e dla Milo mɔ ɔ nɛ ngɛ David ma a mi ɔ, nɛ e sɔ kɛ̃ɛ̃hi kɛ tsɛ̃ihi babauu.

Ezekiel 7:27

Matsɛ ɔ maa ye kɔmɔ; ganɔ ɔ nine mi maa je wu, sawale maa nu ma a, nɛ mɛ tsuo a he maa do blibliibli. Bɔ nɛ ma gbla nyɛ tue ngɛ níhi nɛ nyɛ pee ɔ a he ji nɛ ɔ nɛ. Bɔ nɛ nyɛ kojoɔ ni komɛ ɔ, jã imi hu ma kojo nyɛ. Kɛkɛ ɔ, nyɛ maa le kaa imi ji Yawɛ.”

Mateo 1:8

Asa fɔ Yehoshafat, nɛ Yehoshafat fɔ Yehoram, nɛ Yehoram fɔ Uzia.

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Samuel I, 23:16

Saul binyumu Yonatan ba e ngɔ ngɛ lejɛ ɔ ba wo e hemi kɛ yemi ngɛ Mawu mi he wami.