Kronika II, 16:9 - BAIBLO ALOO NGMAMI KLƆUKLƆU Ɔ

⁹ Yawɛ hɛngmɛ ngɛ je ɔ tsuo he; nihi nɛ yeɔ lɛ anɔkuale ɔ, e woɔ mɛ he wami. O je kuasia. Lɔ ɔ he ɔ, kɛ je mwɔnɛ ɔ kɛ yaa a, ta maa nyɛɛ o se daa nɛ.”

Kronika II, 16:9 ပူးပေါင်းရင်းမြစ်များ

Mose I, 31:28

O ha we po nɛ i kɛ ye bibi ɔmɛ, kɛ ye biyi ɔmɛ nɛ ye sɛ. O ye kuasiahi a sane.

Samuel II, 24:10

Benɛ David kane ni ɔmɛ se ɔ, e he nile hao lɛ; nɛ e de Yawɛ ke, “I pee yayami agbo kaa i tsu kikɛmɛ a ní nɛ ɔ. Lɔ ɔ he ɔ, Yawɛ, i kpa mo pɛɛ nɛ o ngɔ kɛ pa mi.”

Matsɛmɛ I, 15:32

Yuda matsɛ, Asa, kɛ Israel matsɛ, Baasha a kpɛti jɔɛ a wami be ɔ tsuo; daa nɛ ɔ, a ngɛ ta nɔ.

Matsɛmɛ II, 20:3

“Yawɛ lee, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

Kronika I, 21:8

David de Mawu ke, “I pee yayami agbo kaa i tsu kikɛmɛ a ní nɛ ɔ. I kpa mo pɛɛ nɛ o ngɔ kɛ pa mi. I je kuasia.”

Kronika II, 15:17

E ngɛ mi kaa Asa gbɛ́ jami he ɔmɛ tsuo ngɛ Israel zugba a mi lɛɛ, se e ye Yawɛ anɔkuale e wami be ɔ tsuo.

Kronika II, 15:19

Ta ko ta ko ti si hu ngɛ Asa be ɔ mi kɛ ya si e matsɛ yemi mi jeha nɛ ji nyingmi etɛ kɛ enuɔ ɔ.

Kronika II, 16:10

Nɔ́ nɛ ɔ ha Asa mi mi fu gbalɔ ɔ wawɛɛ nitsɛ, nɛ e wo lɛ tsu. Jamɛ a be ɔ mi nɔuu ɔ, Asa bɔni ma mi bi ɔmɛ ekomɛ yi mi wami.

Kronika II, 19:9

E wo mɛ mlaa ke, “Nyɛɛ kɛ Mawu gbeye yemi, anɔkuale yemi, kɛ nyɛ tsui tsuo nɛ tsu ní.

Kronika II, 6:20

Bu we nɛ ɔ he nyɔ kɛ pia. O wo si kaa hiɛmɛ nɛ ɔ ji he nɛ a ma ja mo ngɛ. Lɔ ɔ he ɔ, ke i plɛ ye hɛ mi ngɔ kpee we nɛ ɔ nɛ i fa kue ha mo ɔ, moo bu mi tue.

Ezra 5:5

Se Mawu piɛ Yuda ma nimeli ɔmɛ a he, nɛ Persia bi ɔmɛ tsi we ní tsumi ɔ nya ha mɛ. Mohu ɔ, Persia bi ɔmɛ to a yi mi kaa a maa ngma womi ya ha Darius, nɛ a maa mlɛ kɛ yaa si a nine maa su heto nɔ.

Hiob 28:24

Ejakaa lɛɛ e hɛngmɛ hyɛɛ nɔ́ kɛ yaa je mi nyagbe he ɔmɛ tɔɔ; e naa níhi tsuo nɛ ngɛ hiɔwe sisi.

Hiob 31:4

Mawu le nɔ́ tsuaa nɔ́ nɛ i peeɔ; e le ye blɔ ɔmɛ tsuo.

Hiob 34:21

E hɛ ngɛ nɔmlɔ he be tsuaa be. E náá e ní peemi níhi tsuo.

La 113:6

nɛ e ma e yi si kɛ ngɛ hiɔwe, kɛ zugba tsuo hyɛe ɔ.

La 33:14

Yawɛ hyɛɛ nɔ tsuaa nɔ ngɛ zugba a nɔ kɛ jeɔ he nɛ e kojoɔ ngɛ ɔ.

La 33:15

Lɛ nɛ haa nɛ nɔ tsuaa nɔ susuɔ e yi mi; e le nɔ́ nɛ nɔ tsuaa nɔ ngɛ pee.

La 33:18

Nihi nɛ yeɔ Yawɛ gbeye; nihi nɛ ngɔɔ a hɛ ngɔ fɔɔ e nɔ kaa e na mɛ mɔbɔ ɔ, Yawɛ buu a he.

La 34:15

Yawɛ hɛngmɛ ngɛ dali a he, nɛ e buɔ a kue fami tue.

La 37:37

Moo to nɔmlɔ kpakpa he hɛ; hyɛ dalɔ saminya, nɔmlɔ nɛ he jɔ ɔ, hwɔɔ se ɔ, e maa hi si ngɛ tue mi jɔmi mi.

Abɛ Womi 15:3

Yawɛ hɛngmɛ ngɛ he tsuaa he; e naa kpakpa peeli, kɛ yayami peeli tsuo.

Abɛ Womi 5:21

Nɔ́ tsuaa nɔ́ nɛ o ngɛ pee ɔ fɔɔ si paa ngɛ Yawɛ hɛ mi. He tsuaa he nɛ o gu ɔ, e ngɛ mo hyɛe.

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.

Yeremia 16:17

Nɔ́ tsuaa nɔ́ nɛ a ngɛ pee ɔ, i ngɛ hyɛe. Nɔ́ ko nɔ́ ko be nɛ a ngɛ pee nɛ i nɛ; a ní yayami ɔmɛ fɔɔ si ngɛ ye hɛ mi.

Yeremia 32:19

O toɔ nile gahi, nɛ o peeɔ ní nguanguahi. O naa níhi tsuo nɛ nimli adesahi peeɔ, nɛ o woɔ mɛ hiɔ bɔ pɛ nɛ sa mɛ.

Yeremia 5:1

Yerusalem bi, nyɛɛ tu fo kɛ gu gbɛjegbɛ ɔmɛ a nɔ kɛ ya kɛ ba! Nyɛɛ po nyɛ hɛ nɛ nyɛɛ hyɛ kɛ bɔle si! Nyɛɛ kpa jua amɛ a nɔ nɛ nyɛ hla fitsofitso kaa nyɛ maa na nɔ kake ngmelu nɛ peeɔ nɔ́ nɛ da, nɔ nɛ bɔɔ mɔde kaa e maa ye Mawu anɔkuale lo? Ke nyɛ na nɔ kake ngmelu kaa ja a, lɛɛ Yawɛ maa ngɔ Yerusalem he yayami ɔmɛ kɛ pa lɛ.

Yeremia 5:21

Nyɛ kuasiahi, kɛ nihi nɛ nyɛ be juɛmi! Nyɛ ngɛ hɛngmɛ, se nyɛ hyɛ we nɔ́; nyɛ ngɛ tue, se nyɛ nui nɔ́. Nyɛɛ bu tue!

Yeremia 5:3

Anɛ pi anɔkuale yemi pɛ nɛ Yawɛ suɔ lo? Yawɛ fia nyɛ ní, se nyɛ bui fɛɛ. Yawɛ kpata nyɛ hɛ mi, se nyɛ kase we ní kɛ ji mi. Nyɛ kplii nyɛ tsui kaa tɛ sa, nɛ nyɛ kpale we kɛ ji nyɛ yayami ɔmɛ a se.

Zakaria 4:10

Amlɔ nɛ ɔ nɛ ní tsumi ɔ yɛ nɔ kpakpa ko ɔ, nɛ ni ɔmɛ pee kaa nɔ́ nɛ a kɔni mi jɔ̃. Se ke a na Zerubabel nɛ ngɛ Mawu we ɔ mae ekohu ɔ, a bua maa jɔ.”

Mateo 5:22

Se imi lɛɛ i ngɛ nyɛ dee ke nɔ tsuaa nɔ nɛ mi mi fuɔ e nyɛmi ɔ, a maa kojo lɛ. Nɔ tsuaa nɔ nɛ jɛɔ e nyɛmi ke, ‘Yaka nɔmlɔ’ ɔ, a kɛ lɛ maa ba kpe ngua a hɛ mi; nɔ tsuaa nɔ nɛ jɛɔ e nyɛmi ke, ‘Kuasia’ a, e maa ya Abosiami a je la a mi.

Luka 12:20

Se Mawu de lɛ ke, ‘Kuasia! Nyɔ nɛ ɔ mi nɔuu i ngɛ o wami ɔ hee ngɛ o dɛ. Lɛɛ níhi nɛ o bua nya ngɔ to ɔ, mɛnɔ níhi nɛ a maa pee?’ ”

1 Korintobi 15:36

Kuasia! Ke o du ní ɔ, ja wu ɔ gbo ngɛ zu mi loko e maa puɛ.

Galatabi 3:1

Nyɛ Galatia bi nɛ nyɛ be yi! Mɛnɔ gbiɛ nyɛ ke nyɛ ko bu anɔkuale ɔ tue? Yesu gbenɔ nɛ e gbo ngɛ sɛumi tso nɔ ɔ, a tsɔɔ nyɛ nɛ nyɛ na paa.

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

1 Petro 3:12

Ejakaa Nyɔmtsɛ ɔ buu dali a he, nɛ ke a fa kue ha lɛ ɔ, e nuɔ. Se ni nɛmɛ nɛ peeɔ yayami lɛɛ Nyɔmtsɛ ɔ kɛ mɛ yi.”

Samuel I, 13:13

Samuel de Saul ke, “O je kuasia; o yi Yawɛ, o Mawu ɔ mlaa nɛ e wo mo ɔ nɔ; kaa o ye nɔ jinɛ o matsɛ yemi ngɛ Israel ɔ, Yawɛ ma ha nɛ e da si kɛ ya neneene.