Kronika II, 16:8 - BAIBLO ALOO NGMAMI KLƆUKLƆU Ɔ

⁸ Tse Sudan bi ɔmɛ, kɛ Libia bi ɔmɛ ngɛ ta buli, ta zugba lɛhi, kɛ okpɔngɔ ta buli babauu? Se akɛnɛ nyɛ ngɔ nyɛ hɛ ngɔ fɔ Yawɛ nɔ he je ɔ, e ha nɛ nyɛ ye a nɔ kunimi.

Kronika II, 16:8 ပူးပေါင်းရင်းမြစ်များ

Kronika II, 12:3

E kɛ ta zugba lɛ akpe kɛ e nya lafa enyɔ, kɛ okpɔngɔ ta buli akpe nyingmi ekpa, kɛ ta buli babauu nɛ a li a nya ba. Ta buli nɛ ɔmɛ a ti ni komɛ ji Libia bi, Suk bi, kɛ Sudan bi.

Kronika II, 13:16

Israel bi ɔmɛ tu fo ngɛ Yuda bi ɔmɛ a nya, se Mawu ha nɛ Yuda bi ɔmɛ a nine su a nɔ.

Kronika II, 13:18

Bɔ nɛ ba nɛ Yuda bi ɔmɛ ye Israel bi ɔmɛ a nɔ kunimi jamɛ a ligbi ɔ ji nɛ ɔ nɛ. A ye kunimi, ejakaa a ngɔ a hɛ ngɔ fɔ a nɛmɛ a Mawu ɔ nɔ.

Kronika II, 14:8

Matsɛ Asa ngɛ ta buli nɛ je Yuda. A hiɛmi ji akpe lafa etɛ; nɛ a hɛɛɔ tsɛ̃i kɛ akplɔ. E ngɛ ta buli nɛ je Benyamin hulɔ. A hiɛmi ji akpe lafa enyɔ kɛ nyingmi kpaanyɔ; nɛ mɛɛ a hɛɛɔ tsɛ̃i kɛ kɛ̃ɛ̃. Ta buli katsɛmɛ ji kulaa mɛ tsuo pɛpɛɛpɛ.

Kronika II, 16:7

Jamɛ a be ɔ mi ɔ, gbalɔ Hanani ba Yuda matsɛ, Asa ngɔ, nɛ e ba de lɛ ke, “Akɛnɛ o ngɔ o hɛ ngɔ fɔ Siria matsɛ ɔ nɔ, nɛ o ngɔɛ o hɛ ngɔ fɔɛ Yawɛ, o Mawu ɔ nɔ he je ɔ, Siria matsɛ tabo ɔ tu fo kɛ je o he.

Kronika II, 24:24

Siria tabo ɔ, a he pi kulaa. Se Yawɛ ngɔ Yuda ta buli babauu ɔ ngɔ wo a dɛ mi; ejakaa ma a kua Yawɛ, a nɛmɛ a Mawu ɔ. Blɔ nɔ nɛ a gu kɛ gbla Yoash tue ji nɛ ɔ nɛ.

Yesaya 18:2

A tsɔ nihi kɛ je jamɛ a zugba a nɔ kɛ ma. A hi lɛhi nɛ a kɛ ngɔwu pee a mi kɛ gu Nilo pa a nɔ kɛ ma. Nyɛ tsɔli nɛ nyɛ he sɔɔ, nyɛɛ ngɔ sɛ gbi nɛ ɔ kɛ ya nyɛ zugba kɛ e mi pahi babauu ɔ nɔ. Nyɛɛ ngɔ kɛ ya ha nyɛ ma kɛ e mi katsɛmɛ, nimli gagaagahi kɛ a he womi nɔ tlotlootlo nɛ je ɔ tsuo yee mɛ gbeye ɔ.

Nahum 3:9

Tebes nɛ yeɔ Sudan kɛ Egipt tsuo a nɔ; nɛ e he wa kaa nɔ́ ko. Put kɛ Libia piɛ e huɛmɛ ɔmɛ a he kɛ hwu ta a!