Kronika II, 16:7 - BAIBLO ALOO NGMAMI KLƆUKLƆU Ɔ

⁷ Jamɛ a be ɔ mi ɔ, gbalɔ Hanani ba Yuda matsɛ, Asa ngɔ, nɛ e ba de lɛ ke, “Akɛnɛ o ngɔ o hɛ ngɔ fɔ Siria matsɛ ɔ nɔ, nɛ o ngɔɛ o hɛ ngɔ fɔɛ Yawɛ, o Mawu ɔ nɔ he je ɔ, Siria matsɛ tabo ɔ tu fo kɛ je o he.

Kronika II, 16:7 ပူးပေါင်းရင်းမြစ်များ

Kronika II, 19:2

Gbalɔ Yehu, Hanani binyumu ɔ ba kpee matsɛ ɔ, nɛ e de lɛ ke, “Anɛ e da ha mo kaa o ya piɛ yiwutsotsɛmɛ a he, nɛ o kɛ ni nɛmɛ nɛ a sume Yawɛ nɛ bɔ lo? Nɔ́ nɛ o pee nɛ ɔ ha nɛ Yawɛ mi mi fu mo.

Matsɛmɛ I, 16:1

Yawɛ kɛ gbalɔ Yehu, Hanani binyumu ɔ tu munyu, nɛ e kɛ sɛ gbi ha lɛ nɛ e ya de Baasha ke,

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.

Kronika II, 20:34

Ní kpahi tsuo nɛ Yehoshafat pee kɛ je e matsɛ yemi ɔ sisije kɛ ya si nyagbe ɔ, a ngma ngɛ Hanani binyumu Yehu Blema Sanehi Womi ɔ mi. Israel Matsɛmɛ ɔmɛ a Blema Sanehi Womi ɔ mi fa ji womi nɛ ɔ nɛ.

Kronika II, 13:18

Bɔ nɛ ba nɛ Yuda bi ɔmɛ ye Israel bi ɔmɛ a nɔ kunimi jamɛ a ligbi ɔ ji nɛ ɔ nɛ. A ye kunimi, ejakaa a ngɔ a hɛ ngɔ fɔ a nɛmɛ a Mawu ɔ nɔ.

Kronika I, 5:20

A ngɔ a hɛ ngɔ fɔ Mawu nɔ, nɛ a fa kue ha lɛ ke e piɛ a he. Mawu bu a kue fami ɔ tue, nɛ e ha nɛ a ye Hagri bi ɔmɛ, kɛ a he piɛli ɔmɛ a nɔ.

Matsɛmɛ II, 18:5

Hezekia ngɔ e hɛ ngɔ fɔ Yawɛ, Israel Mawu ɔ nɔ; enɛ ɔ he je ɔ, Yuda matsɛmɛ ɔmɛ nɛ nyɛɛ e hɛ mi, kɛ ni nɛmɛ nɛ nyɛɛ e se ɔ, a ti nɔ ko nɔ ko kɛ lɛ sɔɛ.

Yesaya 32:2

Nɔ tsuaa nɔ maa pee kaa wesa he ngɛ kɔɔhiɔ kɛ ahumi nya, kaa pa nɛ ywia nga ngɛ zugba kpataa nɔ, aloo kaa zugba kplanaa nɔ tɛ sa sisi hɔ̃.

Matsɛmɛ I, 15:19

“Ha nɛ i kɛ mo waa so kaa bɔ nɛ tsaatsɛ kɛ o tsɛ so ɔ. I ngɛ mo sika hiɔ, kɛ sika tsu nike ní manee. Yaa nɛ o kɛ Israel matsɛ, Baasha ya po somi nɛ o kɛ lɛ so ɔ mi, bɔ nɛ pee nɛ e je e ta buli ɔmɛ kɛ je ye zugba a nɔ kɛ ho.”

Kronika II, 14:11

Asa fa kue ha Yawɛ e Mawu ɔ ke, “Yawɛ lee, mo nɛ o piɛɔ nihi nɛ a he wa, kɛ ni nɛmɛ nɛ a he wɛ tsuo a he! Yawɛ, wa Mawu, moo piɛ wa he koo! Ejakaa wa ngɔ wa hɛ ngɔ fɔ o nɔ. Wa ba ngɛ o biɛ mi, konɛ waa kɛ asafo babauu nɛ ɔ ba kpe. Yawɛ, mo ji wa Mawu; ko ha nɛ nɔmlɔ adesa nɛ ye o nɔ kunimi.”

Kronika II, 16:6

Pee se ɔ, Matsɛ Asa bua nihi a nya kɛ je Yuda tsuo, nɛ a ya muɔ tɛhi, kɛ tsohi nɛ Baasha kɛ ba ngɛ ní tsue ngɛ Rama a. Asa ngɔ ní nɛ ɔmɛ kɛ ya po Geba kɛ Mizpa ma amɛ.

Kronika II, 24:24

Siria tabo ɔ, a he pi kulaa. Se Yawɛ ngɔ Yuda ta buli babauu ɔ ngɔ wo a dɛ mi; ejakaa ma a kua Yawɛ, a nɛmɛ a Mawu ɔ. Blɔ nɔ nɛ a gu kɛ gbla Yoash tue ji nɛ ɔ nɛ.

Yesaya 39:3

Kɛkɛ nɛ gbalɔ Yesaya ba Matsɛ Hezekia ngɔ, nɛ e ba bi lɛ ke, “Nyumu ɔmɛ nɛ ba o ngɔ ɔ, jije a je, nɛ mɛni a ba de mo?” Hezekia he nɔ ke, “A je Babilonia zugba a nɔ, ngɛ tsitsaa lokoo.”

Matsɛmɛ I, 16:7

Yawɛ ngɔ sɛ gbi nɛ ɔ kɛ gu gbalɔ Yehu, Hanani binyumu ɔ nɔ ya ha Baasha kɛ e we ɔ, ejakaa Baasha pee yayami kɛ si lɛ, Yawɛ ɔ. Pi yayami nɛ Baasha pee kɛ si Yawɛ kaa bɔ nɛ Matsɛ Yeroboam hu pee be ko ɔ kɛkɛ ji nɔ́ nɛ wo Yawɛ mi mi la a, gbemi nɛ Baasha gbe Yeroboam we mi bimɛ ɔmɛ tsuo ɔ hu piɛ he.

Kronika II, 20:32

Yehoshafat ya wo e tsɛ Asa nane, nɛ e pee nɔ́ nɛ sa Yawɛ hɛ mi.